കോതമംഗലം : കോൺഗ്രസ് നേതൃത്വം നൽകുന്ന കടവൂർ സർവീസ് സഹകരണ ബാങ്കിലെ പിൻവാതിൽ നിയമനം റദ്ദാക്കണമെന്ന് ആവശ്യപ്പെട്ടുകൊണ്ട് ബാങ്ക് പൊതുയോഗ ഹാളിനു മുമ്പിൽ യൂത്ത് കോൺഗ്രസ് പൈങ്ങോട്ടൂർ മണ്ഡലം കമ്മിറ്റിയുടെ പ്രതിഷേധം. ബാങ്കിലെ വാർഷിക പൊതുയോഗം കടവൂരർ യു.പി സ്കൂളിൽ നടക്കുന്ന സമയമായിരുന്നു പൊതുയോഗ ഹാളിന്റെ കവാടത്തിൽ യൂത്ത് കോൺഗ്രസ് പ്രവർത്തകർ കറുത്ത തുണി കൊണ്ട് വാ മൂടി കെട്ടി പ്ലക്കാർഡ് പിടിച്ചുള്ള പ്രതിഷേധം. ബാങ്കിൽ ഒഴിവ് വന്ന മൂന്ന് തസ്തികകളിലേക്ക് ലക്ഷങ്ങൾ കോഴ വാങ്ങി അഭിമുഖവും പരീക്ഷയും പ്രഹസനമായി നടത്തി ഇഷ്ടക്കാരെ പിൻവാതിലിലൂടെ നിയമിച്ചതിനെതിരെ ഉദ്യോഗാർത്ഥികളിൽതന്നെ പരാതി ഉയരുകയും ചെയ്ത സാഹചര്യത്തിൽ ആയിരിന്നു യൂത്ത് കോൺഗ്രസിൻറെ പ്രതിഷേധം.
പാർട്ടി നേതൃത്വം ഇടപെട്ട് പിൻവാതിൽ നിയമനം തടയണമെന്ന് ആവശ്യപ്പെട്ടുകൊണ്ട് യൂത്ത് കോൺഗ്രസ്, കോൺഗ്രസ് എറണാകുളം ജില്ലാ കമ്മിറ്റിക്ക് പരാതി നൽകിയിരുന്നു. യുഡിഎഫും, യൂത്ത് കോൺഗ്രസും പിൻവാതിൽ നിയമനത്തിന് എതിരെ ശക്തമായി സമരം ചെയ്യുന്ന ഈ സാഹചര്യത്തിൽ കോൺഗ്രസ് നേതൃത്വം നൽകുന്ന കടവൂർ സർവീസ് സഹകരണ ബാങ്കിൽ നടക്കുന്ന പിൻവാതിൽ നിയമനം ശക്തിയുക്തം എതിർക്കുമെന്ന്‌ യൂത്ത് കോൺഗ്രസ് പൈങ്ങോട്ടൂർ മണ്ഡലം പ്രസിഡന്റ് ധനേഷ് വർഗ്ഗീസ് പറഞ്ഞു.പ്രതിഷേധ പരിപാടിയിൽ ,ജിൻസ് കെ ജോസ്, ജോബി ജോസ്, ജിൻഷാദ് പി ജെ ഇമ്മാനുവേൽ ജോർജ്, ടൈഗ്രീസ് ആന്റണി, അരുൺ ജോസഫ്, ടോണി കെ എ, ജെറിൻ ജോർജ്, ഷീൻ കുരിയാക്കോസ്, തോമസ് ജോർജ്ജ്, ബിജിത് ആദായി,സോജൻ ജോസ്,ഫൈസിൽ മജീദ്,ബാബു ഭാർഗവൻ പേർ പങ്കെടുത്തു.
