പല്ലാരിമംഗലത്ത് കിണറിൽവീണ പോത്തിനെ ഫയർഫോസ് പുറത്തെടുത്തു.

കോതമംഗലം : പല്ലാരിമംഗലം പഞ്ചായത്തിൽ കിണറിൽവീണ പോത്തിനെ കോതമംഗലം ഫയർഫോഴ്സ് എത്തി പുറത്തെത്തിച്ചു. രണ്ടാംവാർഡിൽ താമസിക്കുന്ന പുതുവേലിക്കുടി ഹനീഫയുടെ പോത്താണ് മോഡേൺപടിയിൽ താമസിക്കുന്ന മുകളേൽ ഈസയുട കിണറിൽ വീണത്. ഫയർഫോഴ്സ് അസിസ്റ്റന്റ് സ്റ്റേഷൻ ഓഫീസർ പി കെ എൽദോസ്, സീനിയർ ഫയർ ഓഫീസർ പി എം റഷീദ്, ഫയർഫോഴ്സ് ഉദ്യോഗസ്ഥരായ ഷാനവാസ്, അൻവർസാദത്ത്, അഖിൽ, അൻസിൽ, പഞ്ചായത്ത് വൈസ് പ്രസിഡന്റ് ഒ ഇ അബ്ബാസ്, നാട്ടുകാരായ ഹംസ, ഷിയാസ് എന്നിവരുടെ നേതൃത്വത്തിലാണ് പോത്തിനെ പുറത്തെടുത്തത്.