Connect with us

Hi, what are you looking for?

AGRICULTURE

ഞങ്ങളും കൃഷിയിലേക്ക്; കൃഷി വകുപ്പ് ഉദ്യോസ്ഥരുടെ ജൈവ പച്ചക്കറി കൃഷി ആരംഭിച്ചു.

കോതമംഗലം: സർക്കാരിൻ്റെ രണ്ടാം നൂറുദിന കർമ്മ പരിപാടിയുടെ ഭാഗമായി കാർഷിക വികസന കർഷകക്ഷേമ വകുപ്പ് നടപ്പിലാക്കുന്ന ഞങ്ങളും കൃഷിയിലേക്ക്‌ പദ്ധതിയുടെ ഭാഗമായി കോതമംഗലം ബ്ലോക്കിലെ മുഴുവൻ കൃഷി ഉദ്യോഗസ്ഥരും കൃഷിക്കാരായി മാറി.
കാർഷിക സംസ്കാരം മുഴുവൻ ജനങ്ങളിലേക്കും എത്തിച്ചു കൊണ്ട് ഭക്ഷ്യ സുരക്ഷ ഉറപ്പാക്കുക എന്ന സന്ദേശവുമായി ഒരുമ 2022 എന്ന പേരിലാണ് കൃഷി ഉദ്യോഗസ്ഥരുടെ കൃഷി. കോതമംഗലം ചേലാടിന് സമീപം നഗരസഭയുടെ പതിനെട്ടാം വാർഡ് കൗൺസിലറായ പാറക്കൽ ഷിബു കുര്യാക്കോസിൻ്റെ അമ്പത് സെൻ്റ് സ്ഥലം പാട്ടത്തിനെടുത്താണ് മാതൃകാ ജൈവ പച്ചക്കറിത്തോട്ടം നിർമ്മിക്കുന്നത്.ബ്ലോക്കിലെ മുഴുവൻ കൃഷി ഉദ്യോഗസ്ഥരും അണിനിരന്നാണ് രാവിലെ മുതൽ കൃഷിഭൂമിയൊരുക്കിയത്.

തക്കാളി, മുളക്, വഴുതന, പാവൽ, പടവലം, പയർ,സാലഡ് വെള്ളരി, ചീര വിവിധയിനം കിഴങ്ങുവർഗ്ഗങ്ങൾ കൂടാതെ സുര്യകാന്തി, ചെണ്ടുമല്ലി, ചോളം, ഞവര എന്നിവയും കൃഷി ചെയ്യുന്നു. ഭക്ഷണം കൃഷിയിടത്തിൽ തന്നെ പാകം ചെയ്തുകൊണ്ടാണ് ജിവനക്കാർ കൃഷി പ്രവർത്തനങ്ങൾ നടത്തിയത്. ഔദ്യോഗിക പ്രവർത്തനങ്ങൾക്കു ശേഷമുള്ള സമയവും, അവധി ദിനങ്ങളും ഇതിനായി നീക്കിവയ്ക്കുമെന്ന് കൃഷി ഉദ്യോഗസ്ഥർ അറിയിച്ചു. ഞങ്ങളും കൃഷിയിലേക്ക് പദ്ധതിക്ക് മുഴുവൻ കുടുംബങ്ങളേയും പങ്കാളിയാക്കുന്നതിന് വിവിധ കർമ്മ പരിപാടികൾക്ക് കോതമംഗലം ബ്ലോക്കിൽ രൂപം നൽകിയതായി കൃഷി അസിസ്റ്റൻ്റ് ഡയറക്ടർ വി.പി.സിന്ധു അറിയിച്ചു.

You May Also Like

NEWS

കോതമംഗലം : കവളങ്ങാട്, കുട്ടമ്പുഴ പഞ്ചായത്തുകളിൽ വന്യ മൃഗ ശല്യവുമായി ബന്ധപ്പെട്ട് 18.5 കിലോമീറ്റർ ദൂരം സോളാർ ഫെൻസിങ് സ്ഥാപിക്കുന്നതിനായി 73 ലക്ഷം രൂപ അനുവദിച്ചതായി ആന്റണി ജോൺ എം എൽ ആ...

NEWS

കോതമംഗലം: നഗരസഭക്കു കീഴിലുള്ള പൂട്ടിക്കിടക്കുന്ന മുനിസിപ്പൽ ലൈബ്രറികൾ ഉടൻ തുറന്ന് പ്രവർത്തിക്കണം എന്ന് ആവശ്യപ്പെട്ടുകൊണ്ട് യൂത്ത് കോൺഗ്രസ്സ് കോതമംഗലം നിയോജകമണ്ഡലം കമ്മറ്റിയുടെ നേതൃത്വത്തിൽ മുൻസിപ്പൽ ഓഫിസിന് മുന്നിൽ പുസ്തകങ്ങൾ വായിച്ച് പ്രതിഷേധിച്ചു. നിയോജകമണ്ഡലം...

NEWS

പോത്താനിക്കാട്: പൈങ്ങോട്ടൂര്‍ കാവുംപാറ – പിട്ടാപ്പിള്ളിക്കവല റോഡിലെ ദുര്‍ബലമായ ചെക്ഡാമും പാര്‍ശ്വഭിത്തിയും പുനര്‍നിര്‍മിക്കണമെന്ന് നാട്ടുകാര്‍ ആവശ്യപ്പെട്ടു. ആറു പതിറ്റാണ്ടുകള്‍ക്ക് മുമ്പ് പൈങ്ങോട്ടൂര്‍ തോടിനു കുറുകെ നിര്‍മിച്ച ചെക്ക് ഡാമാണിത്. വേനല്‍ കാലത്ത് വെള്ളം...

ACCIDENT

കോതമംഗലം: മുനിസിപ്പൽ ബസ് സ്റ്റാൻഡിനു മുന്നിൽ തടി കയറ്റിവന്ന ലോറി മറിഞ്ഞു. ആലുവ-മൂന്നാർ റൂട്ടിലാണ് അപകടം നടന്നത്. സംഭവത്തിൽ ആർക്കും പരിക്കില്ല. ഇന്ന് രാവിലെ ആറ് മണിയോടെയാണ് ഹൈറേഞ്ച് ഭാഗത്തുനിന്ന് യൂക്കാലിയുടെ തടി...