Connect with us

Hi, what are you looking for?

NEWS

സോളാർ പാനൽ ലൈറ്റുകളിലെ വില പിടിപ്പുള്ള ബാറ്ററികൾ മോഷ്ടിക്കുന്നവരെ പിടികൂടണം: എച്ച്.എം.എസ്.

കോതമംഗലം: കോതമംഗലം ബ്ലോക്ക് പഞ്ചായത്ത് പദ്ധതിയുടെ ഭാഗമായി പത്ത് വർഷം മുൻപ് കോതമംഗലം താലൂക്കിലെ ബഹുഭൂരിപക്ഷം പഞ്ചായത്തുകളുമായി സഹകരിച്ച് ഗ്രാമീണ മേഖലയിലെ കവലകളിൽ സ്ഥാപിച്ചിരുന്ന സോളാർ പാനൽ വഴിവിളക്ക് ലൈറ്റുകൾ ഏതാനും വർഷങ്ങൾക്ക് മുൻപ് യഥാസമയം മെയിന്റനൻസ് ചെയ്യാത്തതുമൂലം താലൂക്കിലെ ബഹുഭൂരിപക്ഷം ലൈറ്റുകളും പ്രകാശിക്കാത്ത അവസ്ഥയിലായി. ഒരു ലൈറ്റ് സ്ഥാപിക്കാൻ ഏകദേശം 35000 മുതൽ 40000 രൂപ വരെയാണ് അന്ന് ചിലവ് കാണിച്ചത്. ബ്ലോക്ക് പഞ്ചായത്ത് പരിധിയിൽ അക്കാലത്ത് 300 ഓളം ലൈറ്റുകൾ സ്ഥാപിച്ചിരുന്നു. ഒരു കോടി രൂപക്ക് മുകളിൽ ചിലവാക്കിയ പദ്ധതിയാണ് പെരുവഴിയിലായത്. ഇതിനിടയിലാണ് ഏതാനും മാസങ്ങൾക്കിടയിൽ ഒട്ടുമിക്ക സോളാർ വഴി വിളക്കുകളുടേയും ബാറ്ററികൾ മോഷ്ടിക്കപ്പെട്ടത്.

കവളങ്ങാട്, കീരംപാറ, പല്ലാരിമംഗലം, പോത്താനിക്കാട്, കുട്ടം പുഴ , വാരപ്പെട്ടി, കോട്ടപ്പടി , നെല്ലിക്കുഴി, തൃക്കാരിയൂർ തൃക്കാരിയൂർ തുടങ്ങിയ പ്രദേശങ്ങളിലെ ബാറ്ററികളും മോഷണം പോയിട്ടുണ്ട്. പതിനായിരം രൂപ മുതൽ 25000 രൂപ വരെ ചിലവ്‌വരുന്ന ബാറ്ററി സൂക്ഷിക്കുന്ന സേഫ്റ്റി ബോക്സ് രാത്രിയുടെ മറവിൽ താഴ് തകർത്താണ് ബാറ്ററികൾ മോഷ്ടിച്ചിട്ടുള്ളത്. ഏതാണ്ട് അരക്കോടി രൂപക്ക് മുകളിൽ ചിലവാക്കിയിട്ടുണ്ട് ബാറ്ററികൾക്ക് മാത്രമായി താലൂക്കിൽ . ആയതിനാൽ ബാറ്ററി മോഷ്ടാക്കളെ കണ്ടെത്തി പിടികൂടി നിയമത്തിന്റെ മുന്നിൽ കൊണ്ട് വന്ന് തക്കതായ ശിക്ഷ നൽകണമെന്നും കേടായ സോളാർ പാനൽ തെരുവ് ലൈറ്റുകൾ നന്നാക്കി ജനങ്ങൾക്ക് പ്രയോജന പ്രധമാക്കണമെന്നും എച്ച്.എം.എസ്. ട്രേഡ് യൂണിയൻ സംസ്ഥാന വൈസ് പ്രസിഡന്റ് മനോജ് ഗോപിയും താലൂക്ക് സെക്രട്ടറി വാവച്ചൻ തോപ്പിൽ കുടിയും ആവശ്യപെട്ടു.

ഫോട്ടോ: നെല്ലിമറ്റം -പരീക്കണ്ണി റോഡുകളിൽ സ്ഥാപിച്ചിരുന്ന സോളാർ പാനൽ തെരുവ് ലൈറ്റുകളിലെ ബാറ്ററി മോഷ്ടിച്ച നിലയിൽ കണ്ടെത്തിയപ്പോൾ.

You May Also Like

NEWS

കോതമംഗലം :  ഇടുക്കി എൽ.ഡി.എഫ്. സ്ഥാനാർത്ഥി അഡ്വ. ജോയിസ് ജോർജ്ജിന് കോതമംഗലം നഗരത്തിൽ ഉജ്ജ്വല സ്വീകരണം നൽകി. വിജയം സുനിശ്ചിതമെന്ന് ജോയിസ് ജോർജ്ജ് കോതമംഗലം :ഇടുക്കി എൽ.ഡി.എഫ്. സ്ഥാനാർത്ഥി അഡ്വ. ജോയിസ് ജോർജ്ജിന്...

NEWS

കോതമംഗലം :ദേശീയപാത നവീകരണവുമായി ബന്ധപ്പെട്ട്‌ കോതമംഗലം നഗരസഭ പരിധിയിലും, കവളങ്ങാട്‌ ഗ്രാമപഞ്ചായത്തിലും ഉണ്ടായിട്ടുള്ള കുടിവെള്ള വിതരണത്തിലെ തടസ്സങ്ങള്‍ അടിയന്തിരമായി പരിഹരിക്കുന്നതിന്‌ ദേശീയപാത അതോറിറ്റി തയ്യാറാകണമെന്ന്‌ കോതമംഗലം താലൂക്ക്‌ വികസന സമിതി യോഗം ആവശ്യപ്പെട്ടു....

NEWS

കോതമംഗലം : ആന്റണി ജോൺ എം എൽ എ യുടെ പ്രത്യേക വികസന ഫണ്ടിൽ നിന്നും കോതമംഗലം നിയോജക മണ്ഡലത്തിലെ 23 ലൈബ്രറികൾക്ക് പുസ്തകങ്ങൾ വിതരണം ചെയ്തു. കേരളീയത്തിൻ്റെ ഭാഗമായി കേരള നിയമസഭ...

NEWS

കോതമംഗലം : സി പി ഐകോതമംഗലം ലോക്കൽ കമ്മിറ്റിയുടെ ഇടപെടലിനെ തുടർന്ന്മുനിസിപ്പൽ ബസ് സ്റ്റാൻ്റിൽ പ്രവർത്തിച്ചിരുന്ന കെ എസ് ആർ ടി സി യുടെ അടച്ചു പൂട്ടിയഇൻഫോർമേഷൻ കൗണ്ടർ തുറന്ന് പ്രവർത്തനം ആരംഭിച്ചു....