കോതമഗലം: ലോകത്തിലെ ഏറ്റവും വലിയ സ്പേസ് ഏജൻസിയായ നാസ യുടെ നേതൃത്വത്തിൽ ബഹിരാകാശ സംബന്ധമായ പുത്തൻ കണ്ടെത്തലുകളെ പ്രോത്സാഹിപ്പിക്കുക, ജനപങ്കാളിത്തം ഉറപ്പാക്കുക എന്നീ ഉദ്ദേശങ്ങളോടെ 2012 ഏപ്രിൽ മുതൽ ഓൺലൈനായും നേരിട്ടും ആരംഭിച്ച സ്പേസ് ഹാക്കത്തോൺ ഈ വർഷം ഒക്ടോബർ 1, 2 തീയതികളിലായി ലോകമൊ ട്ടാകെ നടത്തപ്പെടുന്ന സ്പേസ് ആൻഡ് സയൻസ് ഹാക്കത്തോൺ ഇത്ത വണ കേരളത്തിൽ മാർ അത്തനേഷ്യസ് എഞ്ചിനീയറിംഗ് കോളേജിന്. “സ്പേസ് ആപ്പുകളിൽ ഒന്നിനുകൂടി സ്ഥാനമുണ്ട്’ എന്ന ആശയത്തോടെയാണ് മേക്ക് സ്പേസ് എന്ന ആശയത്തിൽ നാസ 2022 ൽ ഹാക്കത്തോൺ സംഘ ടിപ്പിക്കുന്നത്. ഐ.എസ്.ആർ.ഒ. അടക്കം നിരവധി സംഘടനകളുടെ പങ്കാളിത്തത്തോടെയാണ് നടത്തപ്പെടുന്നത്. വി.എസ്.എസ്.സി. എയ്റോസോൾസ്ട്രെസ് ഗ്യാസസ് ആൻഡ് റേഡിയേറ്റീവ് ഫോഴ്സിംഗ് ബ്രാഞ്ച് സ്പേസ് ഫിസിക്സ് ലബോറട്ടറി തലവൻ ഡോ. എസ് സുരേഷ് ബാബു മുഖ്യാതിഥി ആകും. കേരളത്തിലകത്തും പുറത്തും ഉള്ള സ്കൂൾ വിദ്യാർത്ഥികൾ മുതൽ പ്രൊഫണലുകൾ വരെ ഉള്ള ആർക്കും ഈ പ്രോഗ്രാമിന്റെ ഭാഗമാകാവുന്ന താണ്. ആഗോളതലത്തിൽ വിജയികൾക്ക് നാസയുടെ ഒരു മിഷൻ ലോഞ്ചിം നേരിൽ കാണാനുള്ള അവസരം ലഭിക്കുന്നതായിരിക്കും.

എം. എ. എഞ്ചി.കോളേജിന്റെ വജ്ര ജൂബിലി ആഘോഷങ്ങളുടെ ഭാഗമായി നടത്തപ്പെടുന്ന പരിപാടികളുടെ ആരംഭമായിട്ടാണ് കോളേജിലെ സ്പേസ് ക്ലബ് ആയ എയ്റോസ്പേസ് ഇന്ററസ്റ്റഡ് സ്റ്റുഡന്റ്സ് അസ്സോസ്സിയേഷന്റെ നേതൃത്വത്തിൽ സ്പേസ് ഹാക്കത്തോൺ 2022 സംഘടിപ്പിക്കുന്നത് എന്ന് കോളേജ് അസ്സോസ്സിയേഷൻ സെക്രട്ടറി ഡോ. വിന്നി വർഗീസ്, കോളേജ് പ്രിൻസിപ്പൽ ഡോ. ബോസ് മാത്യു ജോസ്, സ്പേസ് ക്ലബ് കൺവീനർ ഡോ. റോജ അബ്രഹാം രാജു ക്ലബ് സെക്രട്ടറി മിൻഷിജ പി എം, സ്പേസ് ആപ്സ് ലോക്കൽ തലവൻ അരവിന്ദ് ശേഖർ ജെ ബി എന്നിവർ അറിയിച്ചു.

കോതമംഗലം: ആൻറണി ജോൺ MLA യുടെ അരുത് വൈകരുത് പദ്ധതിയുടെ ഭാഗമായി കോതമംഗലം ചെറിയപള്ളിയിലെ കന്നിപ്പെരുന്നാൾ സമ്പൂർണ്ണ ഗ്രീൻ പ്രോട്ടോക്കോളിൽ നടത്തുന്നതിൻ്റെ ഉത്ഘാടനം നടനും സംവിധായകനുമായ സോഹൻ സിനുലാൽ നിർവ്വഹിച്ചു.

പെരുന്നാൾ ദിനങ്ങളിൽ പള്ളിയും പരിസരവും പൂർണ്ണമായും ഗ്രീൻ പ്രോട്ടോക്കോളിലായിരിക്കും പ്രവർത്തിക്കുക. കോതമംഗലം നഗരസഭ, ഹരിത കേരളാ മിഷൻ, ശുചിത്വമിഷൻ, എംബിറ്റ്സ് എൻജിനീയറിംഗ് കോളേജ് Nടട ടീം, നഗരസഭയിലേയും നെല്ലിക്കുഴി, വാരപ്പെട്ടി പഞ്ചായത്തുകളിലേയും ഹരിത കർമ്മ സേനാംഗങ്ങൾ എന്നിങ്ങനെ വിവിധ വിഭാഗങ്ങളെ ഏകോപിപ്പിച്ചു കൊണ്ടാണ് പദ്ധതി നടപ്പിലാക്കുന്നത്.

1-ാം തീയതി മുതൽ പെരുന്നാൾ തീരും വരെ സന്നദ്ധസേനാംഗങ്ങൾ കർമ്മരംഗത്ത് ഉണ്ടാകും. ഹരിത പ്രോട്ടോക്കോൾ ലംഘിക്കുന്നവർക്ക് കടുത്ത ശിക്ഷ നേരിടേണ്ടി വരും. മുനിസിപ്പൽ ആരോഗ്യ വിഭാഗത്തിൻ്റെയും പോലീസ് സേനയുടെയും പ്രത്യേക നിരീക്ഷണവും ഉണ്ടായിരിക്കും.

ആൻ്റണി ജോൺ MLA അദ്ധ്യക്ഷനായ ഉത്ഘാടന സമ്മേളനത്തിൽ പള്ളി വികാരി ഫാ.ജോസ് പരുത്തു വയലിൽ സ്വാഗതം പറഞ്ഞു. AG ജോർജ്ജ്, KA നൗഷാദ്, തഹസീൽദാർ റെയിച്ചൽ കെ വറുഗീസ്, ഐവി രാജീവ്, ബെന്നി ആർട്ട് ലൈൻ, സേവി ഇലഞ്ഞിക്കൽ, എൽദോസ് ചേലാട്ട് എന്നിവർ പ്രസംഗിച്ചു. അഡ്വ. ബേബി ചുണ്ടാട്ട് നന്ദി പറഞ്ഞു.

കോതമംഗലം : കോതമംഗലം സെന്റ് ജോൺസ് മിഷൻ ധ്യാന കേന്ദ്രം നിർധന കുടുംബമായ ഊന്നുകൽ പാലപ്രയിൽ അനു ഷിനോക്ക് പണി പൂർത്തീകരിച്ച് നൽകിയ വീടിന്റെ താക്കോൽ കൈമാറി.ധ്യാന കേന്ദ്രത്തിൽ വച്ച് ആന്റണി ജോൺ എം എൽ എ താക്കോൽ അനു ഷിനോക്ക് കൈമാറി.ചടങ്ങിൽ മിഷൻ പ്രസിഡന്റ് റവ. ഫാദർ മാത്യൂസ് കുഴിവേലിപുറത്ത് അധ്യക്ഷത വഹിച്ചു.റവ. ഫാദർ പൗലോസ് പുതിയാമഠം,റവ. ഫാദർ വർഗീസ് മൈക്കുളങ്ങര,റവ. ഫാദർ മാത്യൂസ് ഇരളിൽ,ഡയറക്ടർ ബ്രദർ ജോണി തോളിലി,സെക്രട്ടറി പി വി ജോയി,ബ്രദർ ജോയി പറമ്പിൽ,സിസ്റ്റർ സുസന്ന,എം എസ് ബെന്നി എന്നിവർ സന്നിഹിതരായിരുന്നു.ചടങ്ങിൽ വച്ച് ചെറുവട്ടൂർ അനു മനോഹരന് തയ്യൽ മെഷീൻ വിതരണം നടത്തി.കൂടാതെ നിർദ്ധന രോഗികൾക്ക് ചികിത്സ സഹായം നൽകി.