റേഷൻ വീട്ടിലെത്തിക്കുന്ന പദ്ധതിയായ ”സഞ്ചരിക്കുന്ന റേഷൻ കട” പദ്ധതിക്ക് തുടക്കമായി : ആന്റണി ജോൺ എംഎൽഎ.

കോതമംഗലം – ആദിവാസി ഊരുകളിൽ റേഷൻ വീട്ടിലെത്തിക്കുന്ന പദ്ധതി ”സഞ്ചരിക്കുന്ന റേഷൻ കട” പദ്ധതി ബഹു:ഭക്ഷ്യ സിവിൽ സപ്ലൈസ് വകുപ്പ് മന്ത്രി പി തിലോത്തമൻ ഉദ്ഘാടനം ചെയ്തു.കുട്ടമ്പുഴ പഞ്ചായത്തിലെ പൂയംകുട്ടി റേഷൻ കട പടിയിൽ വച്ച് നടന്ന ചടങ്ങിൽ ആൻ്റണി ജോൺ എംഎൽഎ അധ്യക്ഷത വഹിച്ചു. കുട്ടമ്പുഴ പഞ്ചായത്ത് പ്രസിഡൻ്റ് സന്ധ്യാ ലാലു സ്വാഗതം ആശംസിച്ചു. ഭക്ഷ്യ കമ്മീഷൻ അംഗം  Adv. ബി രാജേന്ദ്രൻ,
റേഷനിങ് കണ്ട്രോളർ R മീന, ജില്ലാ സപ്ലൈ ഓഫീസർ,ജ്യോതി കൃഷ്ണ, ജില്ലാ പട്ടികവർഗ ഓഫീസർ  ജി അനിൽകുമാർ, പഞ്ചായത്ത് അംഗങ്ങളായ ബൈജു കെ കെ,കാന്തി
വെള്ളകയ്യൻ ഫ്രാൻസിസ് ആന്റണി, വിവിധ രാഷ്ട്രീയ പാർട്ടി നേതാക്കൾ വി വി ജോണി(സിപിഎം), ടി സി ജോയ് (സിപിഐ), എം എസ് എൽദോസ് (കോണ്ഗ്രസ്സ്),
ജില്ലാ സെക്രട്ടറി കെ ആർ ഇ യു(സി ഐ റ്റി യു)മുൻ എംഎൽഎ എ എം യൂസഫ്,ജില്ലാ പ്രസിഡന്റ് എകെആർആർഡിഎ വി വി ബേബി,ജില്ലാ സെക്രട്ടറി കെഎസ്ആർആർഡിഎ പി വി സെബാസ്റ്റ്യൻ,വിവിധ ഊരുകളിലെ കാണിമാർ ചിന്നയ്യൻ (വാര്യംകുടി),
കാമിയപ്പൻ(ഉറിയമ്പെട്ടി), തായപ്പൻ(തേര) തുടങ്ങിയവർ പങ്കെടുത്തു. താലൂക്ക് സപ്ലൈ ഓഫീസർ  നന്ദി അറിയിച്ചു.

സംസ്ഥാന സർക്കാരിന്റെ ആദിവാസി ക്ഷേമ പദ്ധതികളുടെ ഭാഗമായി ഭക്ഷ്യ പൊതു വിതരണ വകുപ്പിന്റെ ആഭിമുഖ്യത്തിൽ ആദിവാസി ഊരുകളിൽ നേരിട്ട് റേഷൻ സാധനങ്ങൾ എത്തിച്ചു കൊടുക്കുന്നതാണ് പദ്ധതി. ആയതിന്റെ ഭാഗമായി കോതമംഗലം താലൂക്കിൽ കുട്ടമ്പുഴ പഞ്ചായത്തിലെ വിദൂര പ്രദേശങ്ങളിലെ ഊരുകളായ വാരിയം, ഉറിയം പെട്ടി,തേര എന്നീ കോളനികളിൽ നേരിട്ട് റേഷൻ എത്തിക്കുന്ന പദ്ധതിക്കാണ് തുടക്കമായതെന്നും എംഎൽഎ അറിയിച്ചു.