കോതമംഗലം : കേരള സ്കൂൾ കായികമേളയുടെ ഭാഗമായി കോതമംഗലം മാർ അത്തനേഷ്യസ് കോളേജിലെ ഒളിമ്പിക്സ് മാതൃകയിലുള്ള സിമ്മിംഗ് പൂളിൽ നടക്കുന്ന നീന്തൽ-വാട്ടർ പോളോ മത്സരങ്ങൾ ആവേശകരമായി തുടരുന്നു. നാളെ വൈകുന്നേരം 3 മണിയോടുകൂടി മത്സരങ്ങൾ സമാപിക്കും. തുടർന്ന് 4 പി എം ന് സമാപന സമ്മേളനവും വിജയികൾക്കുള്ള ട്രോഫികളുടെ വിതരണവും നടക്കും. വിജയികൾക്കായുള്ള ട്രോഫികൾ എല്ലാം ഒരുങ്ങി കഴിഞ്ഞു. ആന്റണി ജോൺ എംഎൽഎയുടെ നേതൃത്വത്തിൽ സമാപന സമ്മേളനവും,സമ്മാനവിതരണവുമായി ബന്ധപ്പെട്ട് ഒരുക്കങ്ങൾ വിലയിരുത്തി. എ ഇ ഒ സജീവ് കെ ബി, മൂവാറ്റുപുഴ ഡിവൈഎസ്പി പി എം ബൈജു, ചീഫ് റഫറി ജി ശ്രീകുമാർ,ഓർഗനൈസേഷൻ സെക്രട്ടറി മുഹമ്മദ് അലി പി പി എന്നിവരും എംഎൽഎ യോടൊപ്പം ഉണ്ടായിരുന്നു.
