കാലടി :കേരള ജേർണലിസ്റ്റ്സ് യൂണിയൻ (കെ ജെ യു) കാലടി മേഖലാ സമ്മേളനം നടത്തി. ലക്ഷ്മി ഭവൻ ഹാളിൽ നടന്ന സമ്മേളനം ദീപിക കാലടി ലേഖകനും കാലടി ഗ്രാമ പഞ്ചായത്ത് പ്രസിഡൻറുമായ ഷൈജൻ തോട്ടപ്പിള്ളി ഉദ്ഘാടനം ചെയ്തു. കാലടി പ്രസ് ക്ലബ്ബ് പ്രസിഡൻറും എറണാകുളം ജില്ലാ കമ്മിറ്റിയംഗ വുമായ പി.ഐ.നാദിർഷ അധ്യക്ഷത വഹിച്ചു. സംസ്ഥാന സെക്രട്ടറി കെ.സി.സ്മിജൻ മുഖ്യപ്രഭാഷണം നടത്തി. സോഷ്യൽ മീഡിയ സ്റ്റേറ്റ് കോഡിനേറ്റർ ബോബൻ ബി. കിഴക്കേത്തറ, ജില്ലാ പ്രസിഡൻറ് ലത്തീഫ് കുഞ്ചാട്ട്, ജില്ലാ കമ്മിറ്റിയംഗം ഷിഹാബ് പറേലി, കാലടി പ്രസ് ക്ലബ്ബ് സെക്രട്ടറി അരുൺ മുകുന്ദൻ, പ്രശാന്ത് പാറപ്പുറം, തോമസ് പാടശേരി,എ.എ.ആരിഫ് എന്നിവർ സംസാരിച്ചു.
പുതിയ ഭാരവാഹികളായി തോമസ് പാടശേരി (പ്രസിഡൻറ്), പ്രശാന്ത് പാറപ്പുറം (സെക്രട്ടറി),എ.എ. ആരിഫ് (ട്രഷറർ) എന്നിവരെ തിരഞ്ഞെടുത്തു. ചടങ്ങിൽ യൂണിയൻ മുഖപത്രമായ കെജെയു ന്യൂസ് പുതിയ പതിപ്പിന്റെ പ്രകാശനവും കാലടി പഞ്ചായത്ത് പ്രസിഡൻറ് നിർവഹിച്ചു. പ്രാദേശിക പത്രപ്രവർത്തകർക്ക് ക്ഷേമനിധി ഏർപ്പെടുത്തുക,ആരോഗ്യ പരിരക്ഷ ഉറപ്പാക്കുക എന്നീ ആവശ്യങ്ങളും സമ്മേളനം ഉന്നയിച്ചു.
