കോതമംഗലം : കറുകടം വിദ്യാവികാസ്‌ സ്കൂളിൽ മെറിറ്റ്‌ ഡേ ആഘോച്ചു.ആന്റണി ജോണ്‍ എം എല്‍ എ അധ്യക്ഷത വഹിച്ച ചടങ്ങിൽ മന്ത്രി റോഷി അഗസ്റ്റിന്‍ ഉദ്ഘാടനം നിർവഹിച്ചു . ചടങ്ങിൽ ഐ സി എസ് ഇ 10-)0 ക്ലാസ് പരീക്ഷയില്‍ 90 ശതമാനം മാര്‍ക്കോടെ അഖിലേന്ത്യാതലത്തില്‍ അഞ്ചാംസ്ഥാനം നേടിയ വസുദേവ്‌ സജീവിനെയും,ഐ എസ് സി 12-)0ക്ലാസ് പരീക്ഷയില്‍ സയന്‍സില്‍ 90 ശതമാനം മാര്‍ക്ക്‌ നേടിയ വിഗ്നേഷ്‌ പ്രസീദിനെയും, ഹ്യൂമാനിറ്റീസില്‍ 97 ശതമാനം മാര്‍ക്ക്‌ നേടിയ ഷാരന്‍ മരിയ ഷെബിയെയും ഉന്നതവിജയം നേടിയ മറ്റു കുട്ടികളെയും അനുമോദിച്ചു.
നഗരസഭാ ചെയര്‍മാന്‍ കെ കെ ടോമി, ജൂബി പ്രതീഷ്‌, ടി യു കുരുവിള, പ്രസാദ്‌ പുക്കുന്നേല്‍, ഫാ. വര്‍ഗീസ്‌ മൈക്കുളങ്ങര, ഡോ. റെനി അന്ന ജോസഫ് , അനിത ജോര്‍ജ്‌ തുടങ്ങിയവർ സംസാരിച്ചു.
