കോതമംഗലം:ആഗോള സർവ്വമത തീർത്ഥാടന കേന്ദ്രമായ കോതമംഗലം മാർ തോമ ചെറിയ പള്ളിയിൽ ചരിത്ര പ്രസിദ്ധമായ കന്നി 20 പെരുന്നാൾ 2024 സെപ്തംബർ 25 ന് കൊടികയറി ഒക്ടോബർ 4 വരെ പത്ത് ദിവസങ്ങളിലായി ആചരിക്കുന്നു. ഈ പള്ളിയിൽ കബറടങ്ങിയിരിക്കുന്ന മഹാപരിശുദ്ധനായ യൽദോ മാർ ബസേലിയോസ് ബാവായുടെ 339-ാം ഓർമ്മപ്പെരുന്നാൾ ആണ് ഈ വർഷം. പരിശുദ്ധ യാക്കോ ബായ സുറിയാനി ക്രിസ്ത്യാനി സഭയുടെ ശ്രേഷ്ഠ കാതോലിക്ക ആബൂൻ മോർ ബസേലിയോസ് തോമസ് പ്രഥമൻ ബാവായുടെ മുഖ്യകാർമ്മികത്വത്തിലും മലങ്കര മെത്രാപ്പോലീത്ത അഭി. ജോസഫ് മോർ ഗ്രീഗോറിയോസ് തിരുമേനിയുടേയും, എബ്രാഹാം മോർ സേവേറിയോസ് തിരുമേനിയുടേയും കോതമംഗലം മേഖല മെത്രാപ്പോലീത്ത ഏലിയാസ് മോർ യൂലിയോസ്, പൗലോസ് മോർ ഐറേനിയോസ്, മാത്യൂസ് മോർ തീമോത്തിയോസ്, മർക്കോസ് മോർ ക്രിസോസ്റ്റമോസ്, കുര്യാക്കോസ് മോർ തെയോഫിലോസ്, ഏലിയാസ് മോർ അത്താനാസിയോസ്, കുര്യാക്കോസ് മോർ ക്ലീമ്മീസ്,മാത്യൂസ് മോർ അപ്രേം, മാത്യൂസ് മോർ അന്തീമോസ്, മാത്യൂസ് മോർ ഈവാനിയോസ് പരി.സഭയിലെ അഭിവന്ദ്യരായ മെത്രാപ്പോലീ ത്തന്മാരുടെയും സഹകാർമ്മികത്വത്തിലും പെരുന്നാൾ ആഘോഷിക്കുവാനുള്ള ക്രമീകരണങ്ങൾ ചെയ്തു വരുന്നു.
കേരള സർക്കാരിൻ്റെ ഗ്രീൻ പ്രോട്ടോക്കോൾ പ്രകാരമായിരിക്കും പെരുന്നാൾ ആഘോഷങ്ങൾ ….. സെപ്തംബർ 25 ന് രാവിലെ 6.30 പ്രഭാത നമസ്കാരവും 7.15 ന് വി.അഞ്ചിന്മേൽ കുർബ്ബാന വൈകിട്ട് 4 മണിക്ക് ചക്കാലക്കുടിചാപ്പലിൽ നിന്നും പള്ളിയിലേക്ക് പ്രദക്ഷിണം ധൂപ പ്രാർത്ഥനയ്ക്ക് ശേഷം അഞ്ച് മണിക്ക് ചരിത്ര പ്രസിദ്ധമായ കന്നി 20 പെരുന്നാളിന് തുടക്കം കുറിച്ച് കൊണ്ട് വികാരി ഫാ. ജോസ് പരത്തുവയിലിൽ കൊടിയുയർത്തും 5.15 ന് ഗ്രീൻ പ്രോട്ടോകോൾ ഉദ്ഘാടനം 6 മണിക്ക് സസ്യാനമസ്കാരം . സെപ്തംബർ 25 മുതൽ ഒക്ടോബർ 1 വരെ എല്ലാ ദിവസവും ഞായർ ഒഴികെ വി.അഞ്ചിന്മേൽ കുർബ്ബാന ക്രമീകരിച്ചിരിക്കുന്നു. സെപ്തംബർ 26 വ്യാഴാഴ്ച കൽക്കുരിശ് പെരുന്നാൾ ആയി ആചരിക്കുന്നു. വി. കുർബ്ബാനാനന്തരം പള്ളിയുടെ പടിഞ്ഞാറേ കൽക്കുരിശിങ്കലേക്ക് പ്രദക്ഷിണം ഉച്ച കഴിഞ്ഞ് 3 മണിക്ക് പെരുന്നാൾ കച്ചവടത്തിനുള്ള സ്റ്റാൾ ലേലം…. സെപ്തംബർ 28-ാം തീയതി ശനിയാഴ്ച 6 മണിക്ക് സന്ധ്യാനമസ്ക്കാരം അതിനു ശേഷം വൈദ്യത ദീപാലങ്കാരത്തിൻ്റെ സ്വിച്ച്ഓൺ കർമ്മം നിർവ്വഹിക്കും. ഒക്ടോബർ 13 വരെ ദീപാലങ്കാരം ഉണ്ടായിരിക്കുന്നതാണ്. സെപ്തംബർ 29 ഞായറാഴ്ച രാവിലെ 5.15 ന് പ്രഭാത നമസ്കാരം 6 am , 7.15 am, 8.45 am വി.കുർബ്ബാന 10.30ന് സർവ്വമത സമ്മേളനം 6.00 pm ന് സന്ധ്യാ നമസ്ക്കാരം, 6.30 pm ന് വി.കുർബ്ബാന ‘ സെപ്തമ്പർ 30 തിങ്കളാഴ്ച വൈകിട്ട് 5 മണിക്ക് കലവറ നിറയ്ക്കൽ (പെരുന്നാൾ നേർച്ചസദ്യയ്ക്കുള്ള ഉൽപ്പന്ന ശേഖരണം) ഒക്ടോബർ 2 ബുധനാഴ്ച രാവിലെ 6.45 ന് പ്രഭാതം 7.30 ന് വി.മൂന്നിന്മേൽ കുർബ്ബാന.
തീർത്ഥാടകർക്ക് രാവിലെ 9 മണി മുതൽ രാത്രി 10 മണി വരെ നേർച്ചക്കഞ്ഞി ഉണ്ടായിരിക്കുന്നതാണ്. 3 മണിക്ക് മേമ്പൂട്ടിൽ നിന്നും പള്ളി ഉപകരണങ്ങൾ ആഘോഷമായി പള്ളിയകത്തേക്ക് കൊണ്ടുപോകുന്നു. 5 മണിക്ക് തീർത്ഥാടക സംഘങ്ങൾക്ക് സ്വീകരണം ….. ഹൈറേഞ്ച് മേഖലയ്ക്ക് കോഴിപ്പിള്ളി കവലയിലും പടിഞ്ഞാറൻ മേഖലയ്ക്ക് മുവാറ്റുപുഴ കവലയിലും വടക്കൻ മേഖലയ്ക്ക് ഹൈറേഞ്ച് കവലയിലും പോത്താനിക്കാട് മേഖലയ്ക്ക് ചക്കാലക്കുടിചാപ്പലിലും സ്വീകരണം നൽകും. 5.30 ന് പ്രവാസി തീർത്ഥാടക സംഗമം നടക്കും. ഇന്ത്യയ്ക്ക് അകത്തും പുറത്തും നിന്നുള്ളതീർഘാടക സംഘങ്ങളെ സ്വീകരിക്കും… 6.30 ന് ശ്രേഷ്ഠ കാതോലിക്ക ബാവായുടെ മഹനീയ കാർമ്മികത്വത്തിലും പരിശുദ്ധ സഭയിലെ മെത്രാപ്പോലിത്തന്മാരുടെ സഹകാർമ്മികത്വത്തിലും സന്ധ്യാ നമസ്ക്കാരം, 8 മണിക്ക് പെരുന്നാൾ സന്ദേശം മലങ്കര മെത്രാപ്പോലീത്ത അഭി. ജോസഫ് മോർ ഗ്രീഗോറിയോസ് തിരുമേനി. 10 മണിക്ക് നഗരം ചുറ്റി പ്രദക്ഷിണം 151 പൊൻ വെള്ളി കുരിശുകളുടെ അകമ്പടിയോടെ പള്ളിയിൽ നിന്നും പുറപ്പെട്ട് വലിയ പള്ളി, സെൻ്റ്. ജോർജ്ജ് കത്തീഡ്രൽ,മലയിൻകീഴ് കുരിശ്, എം.ബി.എം.എം. ആശുപത്രി, ടൗൺ കുരിശ്, എന്നിവിടങ്ങളിൽ കൂടി മാർ ബേസിൽ ഹയർ സെക്കണ്ടറി റോഡ് വഴി തിരിച്ചെത്തും തുടർന്ന് ആശീർവ്വാദം, ആകാശ വിസ്മയം (കരിമരുന്ന് പ്രയോഗം ) ഉണ്ടായിരിക്കുന്നതാണ്. ഒക്ടോബർ 3 വ്യാഴാഴ്ച രാവിലെ 5.00 മണിക്ക് പ്രഭാത നമസ്കാരം 5.30 ന് വി. കുർബ്ബാന അഭി. ഡോ. എബ്രാഹാം മോർ സേവേറിയോസ് മെത്രാപ്പോലീത്ത, 6.45ന് വി.കുർബ്ബാന അഭി. ഡോ. ഏലിയാസ് മോർ അത്താനാസിയോസ് മെത്രാപ്പോലീത്ത, 8.30 വി. കുർബ്ബാന പെരുന്നാൾ സന്ദേശം ശ്രേഷ്ഠ കാതോലിക്ക ആബൂൻ മോർ ബസേലിയോസ് തോമസ് പ്രഥമൻ ബാവായുടെ മുഖ്യകാർമ്മികത്വത്തിലും മലങ്കര മെത്രാപ്പോലീത്ത ഡോ. ജോസഫ് മോർ ഗ്രീഗോറിയോസ് തിരുമേനിയുടെ സഹകാർമ്മികത്വത്തിലും 10.30 ന് നേർച്ചസദ്യ പള്ളിയുടെ പടിഞ്ഞാറ് വശത്ത് പ്രത്യേകം തയ്യാറാക്കിയ പന്തലിലിൽ…2 മണിക്ക് പ്രദക്ഷിണം പള്ളിയിൽ നിന്ന് പുറപ്പെട്ട് കിഴക്കേ അങ്ങാടിയിൽ കൂടി കോഴിപ്പിള്ളി കുരിശ് ചക്കാലക്കുടി വി. യൽദോ മാർ ബസേലിയോസ് ചാപ്പൽ എന്നിവിടങ്ങളിൽ ധൂപപ്രാർത്ഥനയ്ക്കു ശേഷം പള്ളിയിൽ തിരിച്ചെത്തും…
തുടർന്ന് ആശീർവ്വാദം 5 മണിക്ക് പള്ളി ഉപകരണങ്ങൾ തിരികെ മേമ്പൂട്ടിലേക്ക് ആഘോഷമായി കൊണ്ടുപോകുന്നു. 6 മണിക് സന്ധ്യാനമസ്കാരം. ഒക്ടോബർ 4 വെള്ളിയാഴ്ച 7 മണിക്ക് പ്രഭാത നമസ്കാരം 8 മണിക്ക് വി.മൂന്നിന്മേൽ കുർബ്ബാന ശ്രേഷ്ഠ കാതോലിക്ക ആബൂൻ മോർ ബസേലിയോസ് തോമസ് പ്രഥമൻ ബാവായുടെ മുഖ്യകാർമ്മികത്വത്തിലും അഭി. മാത്യൂസ് മോർ ഈവാനിയോസ് മെത്രാപ്പോലീത്തായുടെ സഹകാർമ്മികത്വത്തിലും.9 മണിക്ക് പാച്ചോർ നേർച്ച 10.30 ന് ലേലം വൈകിട്ട് 4 മണിക്ക് കൊടിയിറക്ക് 6.15 ന് സന്ധ്യാനമസ്ക്കാരം എന്നിങ്ങനെയാണ് പെരുന്നാൾ ക്രമീകരണങ്ങൾ… പെരുന്നാളിൻ്റെ സുഗമമായ നടത്തിപ്പിനു വേണ്ടി കെ സ് ആർ ടി സി പ്രത്യേക സർവ്വീസുകൾ നടത്തും. 12 ഗവൺമെൻ്റ് ഡിപ്പാർട്ട്മെൻ്റുകൾ ഏകോപിപ്പിച്ച് വേണ്ട ക്രമീകരണങ്ങൾ ഒരിക്കിയിട്ടുണ്ട് ഒക്ടോബർ 6 ന് രണ്ടാം കൂനൻ കുരിശ് സത്യത്തിൻ്റെ വാർഷികം ആഘോഷിക്കും എന്ന് ചെറിയ പള്ളി വികാരി ഫാ. ജോസ് പരത്തുവയലിൽ, വലിയ പള്ളി വികാരി ഫാ. നോബി വെട്ടിച്ചിറ, ഫാ. ജോസ് തച്ചേത് കുടി, ഫാ. ഏലിയാസ് പൂമറ്റത്തിൽ, ഫാ. ബിജോ കാവാട്ട്, ഫാ. ബേസിൽ ഇട്ടിയാണിയ്ക്കൽ ട്രസ്റ്റിമാരായ ബേബി ആഞ്ഞിലിവേലിൽ, ഏലിയാസ് കീരംപ്ലായിൽ , സലിം ചെറിയാൻ മാലിൽ, ബേബി പാറേക്കര, ബിനോയി മണ്ണൻചേരിൽ, എബി ചേലാട്ട്, ഡോ. റോയി മാലിൽ വലിയപള്ളി ട്രസ്റ്റിമാരായ ബാബു കുര്യാക്കോസ് പീച്ചക്കര,എൽദോസ് കണ്ണാപറമ്പേൽ, കെ.കെ. ചാണ്ടി കറുകപ്പിള്ളിൽ എന്നിവർ വാർത്താ സമ്മേളനത്തിൽ അറിയിച്ചു.
