പെരുമ്പാവൂർ : എൽദോസ് കുന്നപ്പിള്ളി എംഎൽഎയുടെ പ്രത്യേക വികസന ഫണ്ട് ഉപയോഗിച്ച് നിർമ്മാണം പൂർത്തിയാക്കിയ പെരുമ്പാവൂർ നഗരസഭയിലെ പതിനാലാം വാർഡിലെ ഇരിങ്ങോൾക്കാവ് ബൈ ലൈൻ റോഡ് എൽദോസ് കുന്നപ്പിള്ളി എംഎൽഎ ഉദ്ഘാടനം ചെയ്തു. ചരിത്രപ്രസിദ്ധമായ ഇരിങ്ങോൾ കാവിൽ നിന്നും നീലം കുളങ്ങര ക്ഷേത്രത്തിലേക്ക് പോകുന്ന ബൈ ലൈൻ റോഡാണ്.
നാലു ലക്ഷത്തി അറുപതിനായിരം രൂപ വിനിയോഗിച്ചാണ് ഇന്റർലോക്ക് ടൈൽസ് ചെയ്തു നിർമ്മാണം പൂർത്തിയാക്കിയത്.ഇരിങ്ങോൾ കാവിന്റെ ചുറ്റുമുള്ള റോഡുകളും അനുബന്ധ സൗകര്യങ്ങളും വികസിപ്പിച്ച് സൗന്ദര്യവൽക്കരണം നടത്തുന്ന എംഎൽഎ പദ്ധതിയുടെ ഭാഗമായാണ് റോഡ് ടൈൽ വിരിച്ച് മനോഹരമാക്കിയത് .ഇരിങ്ങോൾ കാവിന്റെ തകർന്നു കിടക്കുന്ന ചുറ്റുമതിൽ പുനർനിർമ്മിച്ച് കാവ് സംരക്ഷിക്കുന്നത് സംബന്ധിച്ച് നിയമസഭയിൽ എംഎൽഎ സബ്മിഷൻ നൽകിയിരുന്നു .
പെരുമ്പാവൂർ നഗരസഭ ചെയർമാൻ ബിജു ജോൺ ജേക്കബ് അധ്യക്ഷത വഹിച്ച യോഗത്തിൽ കൗൺസിലർമാരായ അനിതാ പ്രകാശ്, സി കെ രാമകൃഷ്ണൻ, ശാന്താ പ്രഭാകരൻ, അരുൺകുമാർ കെ സി, രൂപേഷ് കുമാർ, കെ ബി നൗഷാദ്, ആനി മാർട്ടിൻ , പി എസ് സിന്ധു, വിജീഷ് വിദ്യാധരൻ, മുഹമ്മദ് അഫസൽ, ബിജു ഗോപാലൻ, ബേബി വി ജോസഫ്, കുരുവിള, മത്തായി കെ വി, റസിഡൻഷ്യൽ അസോസിയേഷൻ ഭാരവാഹികൾ തുടങ്ങിയവർ പങ്കെടുത്തു.
