ഇടുക്കി: രാജമല പെട്ടിമുടിയിൽ മണ്ണൊലിച്ചിലിൽ അപകടം നടന്ന സ്ഥലത്ത് നിന്ന് ഇന്ന് രാവിലെ മുതൽ കണ്ടെത്തിയത് 6 മൃതദേഹങ്ങൾ. ഇതോടെ മരിച്ചവരുടെ എണ്ണം 49 ആയി. അതേസമയം അവശേഷിക്കുന്നവരെ കണ്ടെത്താനായി യുദ്ധകാല അടിസ്ഥാനത്തിൽ കഠിന പരിശ്രമം തുടരുകയാണ്. എം പി ഡീൻ കുര്യാക്കോസിനെ നേതൃത്വത്തിലുള്ള റെസ്ക്യൂ ആംബുലൻസ് , മെഡിക്കൽ സംവിധാനങ്ങളും റെസ്ക്യൂ ബോട്ട്, വയർലെസ് കമ്മ്യൂണിക്കേഷൻ സംവിധാനം ആൻറി ഡിസാസ്റ്റർ എൻഫോഴ്സ്മെൻറ് ടീം എന്നിവരുടെ സേവനവും ദുരന്തമേഖലയിൽ പ്രയോജനപ്പെടുത്തുന്നുണ്ട്.
രാജമലയിലെ ദുരന്തഭൂമിയിൽ കോതമംഗലത്തെ യുവ ഡോക്ടറായ സാം പോളിൻ്റെ നേതൃത്വത്തിലുള്ള മെഡിക്കൽ സംഘവും, വടാട്ടുപാറ സ്വദേശിയായ ബിജു കുമാറിന്റെ നേതൃത്വത്തിലുള്ള ആന്റി ഡിസാസ്റ്റർ ഫോഴ്സും പ്രവർത്തിക്കുന്നുണ്ട്.
