Connect with us

Hi, what are you looking for?

NEWS

പുനരധിവസിപ്പിക്കണം; കടുത്ത തീരുമാനവുമായി അറാക്കാപ്പ് ആദിവാസികൾ.

  • ജെറിൽ ജോസ് കോട്ടപ്പടി

കോതമംഗലം : സർക്കാർതലത്തിൽ ഇടപെട്ട് തങ്ങളെ പുനരധിവസിപ്പിച്ച ഇല്ലായെങ്കിൽ നിലവിൽ താമസിക്കുന്ന ട്രൈബൽ ഹോസ്പിറ്റലിൽ നിന്നും ഇറങ്ങില്ല എന്ന് അറാക്കാപ്പ് ആദിവാസി കുടുബങ്ങൾ. ജൂലൈ ആറാം തീയതി ജീവൻ പണയം വച്ച് 28 കിലോമീറ്റർ പുഴയിലൂടെ തുഴഞ്ഞ് ഇടമലയാറിന്റെ തീരമണഞ്ഞവരാണിവർ. വൈശാലി ഗുഹക്ക് സമീപം കുടിൽ കെട്ടിയ ആദിവാസി കുടുംബങ്ങളെ അനുനയിപ്പിച്ച് താമസിപ്പിച്ച സ്ഥലമാണ് ട്രൈബൽ ഹോസ്റ്റൽ. നവംബർ ഒന്നാം തീയതി സ്കൂളുകൾ തുറക്കുന്നതിനോട് അനുബന്ധിച്ച് ട്രൈബൽ ഹോസ്റ്റലിലെ കുട്ടികൾ എത്തും. അതിനു മുന്നോടിയായി ട്രൈബൽ ഹോസ്റ്റൽ ഒഴിയണം എന്നുള്ള കത്ത് ട്രൈബൽ ഡിപ്പാർട്ട്മെന്റ് ഭാഗത്തുനിന്നും ഊരിലെ മൂപ്പന് കിട്ടിക്കഴിഞ്ഞു.

ഇരുപത്തിയഞ്ചാം തീയതിക്ക് മുന്നോടിയായി തീരുമാനമറിയിക്കണമെന്നാണ് ട്രൈബൽ ഓഫീസർ അറിയിച്ചിരിക്കുന്നത്. ജില്ലാ കളക്ടർ നേരിട്ടുവന്ന് തങ്ങളുടെ പ്രശ്നത്തിന് പരിഹാരം ഉണ്ടാക്കിയില്ലെങ്കിൽ ഹോസ്റ്റലിൽ നിന്നും ഒഴിയില്ല എന്ന ആദിവാസി കുടുംബങ്ങൾ ഒന്നടങ്കം പറയുന്നു. നാളിതുവരെ യാതൊരുവിധ നടപടിയും ഉദ്യോഗസ്ഥരുടെ ഭാഗത്തുനിന്നും ഉണ്ടായിട്ടില്ല. തങ്ങൾക്ക് ഇറങ്ങിപ്പോകാൻ വേറെ ഇടവുമില്ല. ജില്ലാ കളക്ടർ നേരിട്ട് വരുമെന്ന് തന്നെയാണ് ഞങ്ങളുടെ വിശ്വാസം, തങ്ങളുടെ പ്രശ്നങ്ങൾക്ക് ഒരു പരിഹാരം കണ്ടെത്താൻ ഇതുവരെ ആർക്കും സാധിച്ചിട്ടില്ല. ഞങ്ങൾ സ്വമേധയാ ഇവിടെ നിന്നും ഇറങ്ങാൻ തീരുമാനിച്ചിട്ടില്ല. പൊലിസ് എത്തി ബലമായി ഇറക്കി വിട്ടോട്ടെ എന്നാണ് ഊരു മൂപ്പൻ തങ്കപ്പൻ പഞ്ചൻ പറയുന്നത്.

ജില്ലാ കലക്ടർ ഇടപെട്ട് ആദിവാസികൾക്ക് താൽക്കാലിക പുനരധിവാസം ഉറപ്പാക്കണം, ആദിവാസികളെ പറഞ്ഞു പറ്റിക്കാൻ ഇനിയും അനുവദിക്കില്ല. ലക്ഷ്യം കാണുന്നതുവരെ അറാക്കാപ്പ് ആദിവാസി കുടുംബങ്ങൾ ഇവിടെത്തന്നെ ഉണ്ടാകുമെന്ന് ആദിവാസി ഐക്യവേദി പ്രസിഡന്റ്‌ ചിത്ര നിലബൂർ പറഞ്ഞു.

You May Also Like

CHUTTUVATTOM

കുട്ടമ്പുഴ: താളുംകണ്ടം ആട് ഗ്രാമം പദ്ധതി നടപ്പാക്കി. കുട്ടമ്പുഴ ഗ്രാമപഞ്ചായത്ത് 2023 24 വാർഷിക പദ്ധതിയിൽ ഉൾപ്പെടുത്തി താളുംകണ്ടം ആദിവാസി കുടീയിലെ 30 കുടുംബങ്ങൾക്ക് 2 ആട് വിതമാണ്,ആട് ഗ്രാമം പദ്ധതി നടപ്പാക്കി....

NEWS

കോതമംഗലം :- പൂയംകുട്ടിക്കു സമീപം വെള്ളാരംകുത്തിൽ കാട്ടാനക്കൂട്ടം വീടു തകർത്തു; ഇന്ന് പുലർച്ചെ മൂന്ന് മണിക്കായിരുന്നു സംഭവം. കുട്ടമ്പുഴ പഞ്ചായത്തിലെ വെള്ളാരംകുത്ത് മുകൾ ഭാഗത്ത് താമസിക്കുന്ന രാമചന്ദ്രൻ – ശാരദ ദമ്പതികളുടെ വീടാണ്...

NEWS

കുട്ടമ്പുഴ : ഹൈക്കോടതിയെ വെല്ലുവിളിച്ച് മൂന്നാർ ഡി എഫ് ഒ.ഹൈക്കോടതി വിധി ഉണ്ടെങ്കിലും മലയോര ഹൈവേയിലൂടെ എളബ്ലാശ്ശേരി കുറത്തിക്കുടി വഴിയാത്ര ചെയ്യുന്നവരെ ചെക്ക് പോസ്റ്റിൽ തടയുമെന്ന് മൂന്നാർ ഡി എഫ് ഒ. മലയോര...

NEWS

കോതമംഗലം :- മാമലക്കണ്ടത്ത് പശുക്കളെ തൊഴുത്തിൽ ദുരൂഹ സാഹചര്യത്തിൽ ചത്ത നിലയിൽ കണ്ടെത്തി. ഏലംതാനത്ത് സുജാത സാജു എന്ന കർഷകയുടെ 2 കറവ പശുക്കളാണ് ചത്തത്. ആറ് പശുക്കളാണ് തൊഴുത്തിലുണ്ടായിരുന്നത്. ഒരു പശുവിൻ്റെ...