കോതമംഗലം : കനത്ത വേനൽ ചൂടിൽ തണ്ണിമത്തൻ വിളമ്പി ജൻമദിനാഘോഷം നടത്തിയത് ശ്രദ്ധേയമായി. പല്ലാരിമംഗലം ഗവൺമെന്റ് വൊക്കേഷണൽ ഹയർ സെക്കൻഡറി സ്കൂൾ വി എച്ച് എസ് ഇ അഗ്രികൾച്ചർ വിഭാഗം വിദ്യാർഥി ഇജാസ് കെ സുധീറാണ് വേറിട്ട ബർത്ത്‌ഡേ ആഘോഷം സംഘടിപ്പിച്ചത്. കേക്കും മധുരപലഹാരങ്ങളും ഫാസ്റ്റ് ഫുഡും ഒരുക്കി അടിപൊളിയാക്കി ജൻമദിനാഘോഷം സംഘടിപ്പിക്കുന്നവരിൽ നിന്നും വ്യത്യസ്തനാവുകയായിരുന്നു ഇജാസ്. അടിവാട് ടൗണിലെ വ്യാപാര സ്ഥാപനങ്ങളിലും യാത്രക്കാർക്കുമാണ് തണ്ണിമത്തൻ വിളമ്പിയത്.
തണ്ണിമത്തനുമായി സുഹൃത്തുക്കൾക്കൊപ്പം എത്തിയപ്പോൾ നാട്ടുകാർ ആദ്യമൊന്നമ്പരന്നു. സംഭവം മനസിലായതോടെ പൂർണ പിന്തുണയും പ്രോൽസാഹനവും ലഭിച്ചു. കനത്ത ചൂടിൽ നിന്നും അൽപമെങ്കിലും ശമനം ലഭിക്കാൻ തന്നാൽ കഴിയുന്നത് ചെയ്യുകയെന്നതായിരുന്നു ഇജാസിന്റെ ലക്ഷ്യം. പിടവൂർ കല്ലിങ്കൽ സുധീറിന്റെയും അജിതയുടെയും മകനാണ് ഇജാസ് . സഹോദരൻ :ഇൻസമാം.
സുഹൃത്തുക്കളായ അദിൽ ശാ , ഇർഫാൻ , ജെറിൻ , ഫസൽ, ഇനാസ് , സ്രുജിത് , റഹീസ്, സവാദ്, സാഹിദ്, അഭിജിത്ത്, അഷ്ഫാക് , അജിത്, ഷംനാസ് , മാഹിൻ , മാഹിൻഷാ, ജിസാൽ, സൽമാൻ , റെസ് വിൻ, അക്ബർ ഷാ, അക്തർ, അമീൻ, ഇറൻഷാ എന്നിവരടങ്ങിയ സുഹൃത് സംഘമാണ്
ഇജാസിനൊപ്പം തണ്ണിമത്തൻ വിളമ്പി ജൻമദിനം ആഘോഷമാക്കാൻ എത്തിയത്.
പടം: തണ്ണിമത്തന്‍ വിളമ്പി ബര്‍ത്ത്‌ഡേ ആഘോഷിക്കുന്ന ഇജാസും കൂട്ടുകാരും.
