കോതമംഗലം: ജില്ലയുടെ കിഴക്കൻ മേഖലയായ കോതമംഗലത്തും, പരിസര പ്രദേശങ്ങളിലും കഴിഞ്ഞ ദിവസം രാത്രിയുണ്ടായ ശക്തമായ മഴയിൽ താഴ്ന്ന പ്രദേശങ്ങൾ വെള്ളത്തിനടിയിലായി.
കുടമുണ്ടപ്പാലം പൂർണമായി മുങ്ങി ഗതാഗതം തടസപ്പെട്ടു. സമീപത്തെ പാലത്തിലൂടെ ചെറിയ വാഹനങ്ങൾ കടന്നു പോകുന്നുണ്ട്.
തൃക്കാരിയൂരിനു സമീപം റോഡിൽ വെള്ളക്കെട്ട് മൂലം ഗതാഗതം ഭാഗികമായി തടസപ്പെട്ടിരിക്കുകയാണ്. ഇനിയും മഴ ശക്തി പ്രാപിച്ചാൽ വെള്ളക്കെട്ട് രൂക്ഷമാകും. വിവിധ പ്രദേശങ്ങളിൽ കൃഷിയിടങ്ങളിൽ വെള്ളം കയറി നാശനഷ്ടങ്ങൾ സംഭവിച്ചിട്ടുണ്ട്. മണികണ്ഠൻ ചാൽ ചപ്പാത്തിൽ വെള്ളം ഇറങ്ങിയിട്ടില്ല. വഞ്ചിയിലാണ് ആളുകൾ മറുകരയെത്തുന്നത്.
