കോതമംഗലം: തോളേലി എം.ഡി ഹൈസ്കൂളിന്റെ സുവർണ ജൂബിലി ആഘോഷവും ദീർഘകാല സേവനത്തിന് ശേഷം സർവീസിൽ നിന്ന് വിരമിക്കുന്ന അധ്യാപിക സിബി വർഗീസിനുള്ള യാത്രയയപ്പും സംഘടിപ്പിച്ചു. സുവർണ്ണ ജൂബിലി ആഘോഷം ആന്റണി ജോൺ എംഎൽഎ ഉദ്ഘാടനം ചെയ്തു. എബ്രഹാം മാർ സെവേറിയോസ് വലിയ മെത്രാപ്പോലീത്ത അനുഗ്രഹ പ്രഭാഷണം നടത്തി. സ്കൂൾ മാനേജർ സാജു പി പോൾ പതാക ഉയർത്തി.
സ്കൂൾ ബോർഡ് പ്രസിഡന്റ് ഫാ.ജോബി ജോസ് തോമ്പ്ര അധ്യക്ഷത വഹിച്ചു.സുവർണ ജൂബിലിയോടനുബന്ധിച്ച് ഡോക്ടർ അനിലകുമാരി എം.സി നയിച്ച മെഗാ ക്വിസ് മത്സരത്തിൽ ഉപജില്ലയിലെ പ്രമുഖ സ്കൂളുകൾ മാറ്റുരച്ചു. ഇതിൽ ഹൈ സ്കൂൾ വിഭാഗത്തിൽ ബസാനിയ പബ്ലിക് സ്കൂൾ ഒന്നാം സ്ഥാനവും, മാർ ഏലിയാസ് ഹയർ സെക്കൻഡറി സ്കൂൾ രണ്ടാം സ്ഥാനവും, കരസ്ഥമാക്കി. യു പി വിഭാഗത്തിൽ അത്താണിക്കൽ യു പി സ്കൂൾ, എൻഎസ്എസ് തൃക്കാരിയൂർ എന്നീ സ്കൂളുകൾ ഒന്നും രണ്ടും സ്ഥാനങ്ങൾ കരസ്ഥമാക്കി.
വിരമിച്ച അധ്യാപക അനധ്യാപകരെ ആദരിക്കുന്നതിനായി ‘ഗുരുവന്ദനം’,പൂർവ്വ വിദ്യാർത്ഥികളുടെയും രക്ഷകർത്താക്കളുടെയും കലാപരിപാടികളായ ‘നാട്ടരങ്ങ് ‘എന്നിവ സംഘടിപ്പിച്ചു. കോട്ടപ്പടി ഗ്രാമപഞ്ചായത്ത് പ്രസിഡന്റ് ഉമേഷ് ശിവകുമാർ മുഖ്യപ്രഭാഷണം. നിർവഹിച്ചു. പിണ്ടിമന പഞ്ചായത്ത് പ്രസിഡന്റ് കെ.പി ജോർജ് സ്മരണിക പ്രകാശനം നടത്തി.സീനിയർ അസിസ്റ്റന്റ് എലിസബത്ത് പോൾ വാർഷിക റിപ്പോർട്ട് അവതരിപ്പിച്ചു. സ്കൂൾ മാനേജർ സാജു പി പോൾ പ്രതിഭകൾക്ക് പുരസ്കാരങ്ങളും എന്റോവ്മെന്റുകളും വിതരണം ചെയ്തു.
കോതമംഗലം ബ്ലോക്ക് പഞ്ചായത്ത് ക്ഷേമകാര്യ അധ്യക്ഷൻ സി.എം ബേബി, അയിരൂർ പാടം ജുമാമസ്ജിദ് ഇമാം എം.എം ഫത്ത്ഹുദ്ദീൻ റഷാദി, വേദാന്ത ചിന്തകൻ ബാബു മാനിക്കാട്ട്, കോട്ടപ്പടി ഗ്രാമ പഞ്ചായത്ത് വിദ്യാഭ്യാസ സ്ഥിര സമിതി അധ്യക്ഷ പ്രിയ സാബു, മെമ്പർമാരായ മിനി ഏലിയാസ്, കെ.വി ഫിലിപ്പോസ്, പിണ്ടിമന ഗ്രാമപഞ്ചായത്ത് മെമ്പറായ ഷർമിന ഉബൈദ്, പൂർവ്വ അധ്യാപക പ്രതിനിധി എ. വി ഔസേഫ്, ട്രസ്റ്റി മാരായ കെ സി വർഗീസ്, എൽദോസ് മാത്യു, ട്രഷറർ ജിൻസൺ ജോയ്, സെക്രട്ടറി എൽദോ വർഗീസ്, കൈറ്റ് കോഡിനേറ്റർ എസ് എം അലിയാർ, സുവർണ്ണ ജൂബിലി സ്മരണിക എഡിറ്റർ സീതി മുഹമ്മദ്, പി.ടി.എ പ്രസിഡന്റ് ഗിരീഷ് കെ.എസ്, മാതൃസംഘം ചെയർപേഴ്സൺ രാഗി ജയൻ,പൂർവ വിദ്യാർത്ഥി സംഘടന പ്രസിഡന്റ് അനിൽ ടി. കെ, സ്റ്റാഫ് സെക്രട്ടറി നിഷ സി. പോൾ, പൂർവ്വ വിദ്യാർത്ഥി പ്രതിനിധി റഹീം പി. എം, ഹെഡ്മിസ്ട്രസ് അർപ്പണ സി എബ്രഹാം, സ്കൂൾ ലീഡർ ശിവപ്രസാദ് കെ.ജിഎന്നിവർ പ്രസംഗിച്ചു. വിരമിക്കുന്ന ഹിന്ദി അധ്യാപിക സിബി വർഗീസ് മറുപടി പ്രസംഗം നടത്തി.
