കോതമംഗലം : ഓപ്പറേഷൻ ക്ലീൻ സ്റ്റേറ്റ് സ്പെഷ്യൽ ഡ്രൈവ്ന്റെ ഭാഗമായി ഇളംബ്ര കേന്ദ്രീകരിച്ചു കോതമംഗലം എക്സൈസ് റെയിഞ്ച് ഇൻസ്പെക്ടർ സിജോ വർഗീസും പാർട്ടിയും നടത്തിയ പരിശോധനയിൽ വിൽപ്പനയ്ക്കായി സൂക്ഷിച്ചിരുന്ന 60 ഗ്രാമോളം വരുന്ന കഞ്ചാവുമായി കോതമംഗലം ഇളംബ്ര ഇഞ്ചപ്പിള്ളിൽ രാജു മകൻ അരുൺ രാജ് (25) എന്നയാളെ പിടികൂടി. അരുൺ കോതമംഗലം കേന്ദ്രീകരിച്ച് കഞ്ചാവ് വിൽപ്പന നടത്തിവരികയായിരുന്നു.
എക്സൈസ് റെയിഞ്ച് ഇൻസ്പെക്ടർ സിജോ വർഗീസ് നേതൃത്വം നൽകിയ പരിശോധനയിൽ സിവിൽ എക്സൈസ് ഓഫീസർമാരായ റസാക്ക് കെ എ,വികാന്ത് പി വി,അബിൻസ്, ജോയൽ ജോർജ്, നൈനി മോഹൻ എന്നിവർ ഉണ്ടായിരുന്നു.
