പെരുമ്പാവൂർ : എറണാകുളം ജില്ലയിലെ മുഴുവൻ എംഎൽഎമാരെയും പങ്കെടുപ്പിച്ച് മുഖ്യമന്ത്രി പിണറായി വിജയൻ നടത്തിയ യോഗത്തിൽ പെരുമ്പാവൂരിന്റെ വികസന പ്രക്രിയയ്ക്ക് അൻപത് ആവശ്യങ്ങൾ അടങ്ങിയ പട്ടിക പെർഫക്ട് പെരുമ്പാവൂർ എന്ന പേരിൽ മുഖ്യമന്ത്രിക്ക് സമർപ്പിച്ചതായി എൽദോസ് കുന്നപ്പിള്ളി എംഎൽഎ അറിയിച്ചു . പ്രതിപക്ഷ നേതാവ് വി ഡി സതീശൻ ,മന്ത്രി പി രാജീവ് ,ജില്ലയിലെ മുഴുവൻ എംഎൽഎമാരും ,ജില്ലാ കളക്ടറും പങ്കെടുത്ത യോഗത്തിലാണ് പെരുമ്പാവൂരിൻ്റെ ആവശ്യങ്ങൾ എൽദോസ് കുന്നപ്പിള്ളി എംഎൽഎ അക്കമിട്ട് നിരത്തി സംസാരിച്ചു മുഖ്യമന്ത്രിക്ക് കൈമാറിയത്.
ആവശ്യങ്ങൾ അടങ്ങിയ പട്ടിക ഡിജിറ്റൽ രൂപത്തിലാക്കി ജില്ലാ ഭരണകൂടത്തിനും സമർപ്പിച്ചു ..രണ്ടുമണിക്കൂറോളം മുഖ്യമന്ത്രിയുടെ സാന്നിധ്യത്തിൽ മണ്ഡലങ്ങളുടെ വികസന പ്രക്രിയ ചർച്ച ചെയ്യാനും , ആവശ്യമായ പിന്തുണ നേടിയെടുക്കാനും കഴിഞ്ഞതിൽ സംതൃപ്തിയുണ്ടെന്ന് എം.എൽ.എ. പറഞ്ഞു .മുഖ്യമന്ത്രിക്ക് കൈമാറിയ പട്ടിക നാളെ പെരുമ്പാവൂർ പ്രസ് ക്ലബ്ബിന് കൈമാറി നാടിനു സമർപ്പിക്കുമെന്ന് എംഎൽഎ അറിയിച്ചു .
