കോതമഗലം: വിനോദ സഞ്ചാരം ബഹിരാകാശത്തേക്കും വളർത്തുന്നതിന് മുന്നോടിയായി ലോകത്തിലെ ഏറ്റവും വലിയ സ്പേസ് ഏജൻസിയായ നാസ യുടെ നേതൃത്വത്തിൽ സബ് ഓർബിറ്റൽ സ്പേസ് ടൂറിസം വെഹിക്കിൾ കണ്ടു പിടിക്കുന്നു. ഇപ്പോൾ വർദ്ധിച്ചു വരുന്ന ബഹിരാകാശ യാത്രികരുടെ എണ്ണം കണക്കിലെടുത്ത് എല്ലാവർക്കും ബഹിരാകാശ യാത്ര സാധ്യമാക്കുക എന്നതാണ് ഈ വെഹിക്കിൾ കൊണ്ട് ഉദ്ദേശിക്കുന്നത് എന്ന് എ.റ്റി.ആർ.എഫ്. തലവൻ ഡോ. എസ് സുരേഷ് ബാബു പറഞ്ഞു. കോതമംഗലം മാർ അത്തനേഷ്യസ് എഞ്ചിനീയറിംഗ് കോളേജിൽ വച്ച് നടന്ന സ്പേസ് ഹാക്കത്തോൺ 2022 ഉത്ഘാടനം ചെയ്തു സംസാരിക്കുകയായിരുന്നു അദ്ദേഹം. ബഹിരാകാശ സംബന്ധമായ പുത്തൻ കണ്ടെത്തലുകളെ പ്രോത്സാഹിപ്പിക്കുക, ജനപ ങ്കാളിത്തം ഉറപ്പാക്കുക എന്നീ ഉദ്ദേശങ്ങളോടെ 2012 ഏപ്രിൽ മുതലാണ് സ്പേസ് ആൻഡ് സയൻസ് ഹാക്കത്തോൺ ആരംഭിച്ചത്. ലോകമൊട്ടാകെ ഒക്ടോബർ 1, 2 തീയതികളിലായി നടത്തപ്പെടുന്ന ഈ ഹാക്കത്തോൺ ഇത്തവണ കേരളത്തിൽ കോതമംഗലം മാർ അത്തനേഷ്യസ് എഞ്ചിനീയറിംഗ് കോളേജിൽ വച്ച് നടത്തപ്പെടുന്നു. വിവിധ കോളേജുകളിൽ നിന്നും സ്കൂളുകളിൽ നിന്നുമായി നൂറോളം കുട്ടികളും അദ്ധ്യാപകരും ബഹിരാകാശ സംബന്ധിയായി വിഷയ ങ്ങളിൽ തത്പരരായ അനവധി പ്രൊഫഷണലുകളും നേരിട്ടും ഓൺലൈനായും ഇതിൽ പങ്കെടുത്തു. ആഗോളതലത്തിൽ വിജയികൾക്ക് നാസയുടെ ഒരു മിഷൻ ലോഞ്ചിംഗ് നേരിൽ കാണാനുള്ള അവസരം ലഭിക്കുന്നു എന്നതാണ് ഇതിന്റെ ആകർഷണങ്ങളിൽ ഒന്ന്. കോളേജിന്റെ വജ്ര ജൂബിലി ആഘോഷങ്ങളുടെ ഭാഗമായി നടത്തപ്പെടുന്ന വിവിധ പരിപാടികളുടെ ആരംഭമായിട്ടാണ് കോളേ ജിലെ സ്പേസ് ക്ലബ് ആയ എയ്റോസ്പേസ് ഇന്ററസ്റ്റഡ് സ്റ്റുഡന്റ്സ് അസ്സോ സ്സിയേഷന്റെ നേതൃത്വത്തിൽ സ്പേസ് ഹാക്കത്തോൺ 2022 സംഘടിപ്പിക്കുന്നത്. എം. എ. എഞ്ചി.കോളേജ് പ്രിൻസിപ്പൽ ഡോ. ബോസ് മാത്യു ജോസ് അദ്ധ്യക്ഷത വഹിച്ച ഉത്ഘാടന സമ്മേളനത്തിൽ സ്പേസ് ക്ലബ് കൺവീനർ ഡോ. റോജ അബ്രഹാം രാജു, ക്ലബ് സെക്രട്ടറി മിൻഷിജ പി എം, സ്പേസ് ആപ് പ്രാദേശിക തല വൻ ജെ ബി അരവിന്ദ് ശേഖർ എന്നിവർ സംസാരിച്ചു.

കോതമംഗലം : ഒക്ടോബർ 02 ആം തീയതി ഉച്ചയക്ക് 02.00 മണി മുതൽ ഒക്ടോബർ 3 ആം തീയതി ഉച്ചയ്ക്ക് 02.00 മണി വരെ PO ജംഗ്ഷൻ മുതൽ കോഴിപ്പിള്ളി ജംഗ്ഷൻ വരെ ഇരുവശത്തേക്കും വാഹന ഗതാഗതവും റോഡ് സൈഡി ലുള്ള പാർക്കിംഗും നിരോധിച്ചിരിക്കുന്നു.

• ഹൈറേഞ്ച് ഭാഗത്തു നിന്നും പെരുമ്പാവൂർ ഭാഗത്തേക്കുളള വാഹനങ്ങൾ കോഴിപ്പിള്ളി – തങ്കളം ബൈപ്പാസ് റോഡു വഴി തങ്കളം ജംഗ്ഷൻ എത്തുന്നതിനു മുൻപായി ആലുംമാവ് – കുരൂർ റോഡിൽക്കൂടി തൃക്കാരിയൂർ റോഡിൽ പ്രവേശിച്ച് തങ്കളം സൺഡേ സ്ക്കൂളിന് സമീപമുള്ള ആലുംമാവ് ജംഗ്ഷനിൽ നിന്നും ഇടത്തോട്ട് തിരിഞ്ഞ് നെല്ലിക്കുഴിയിലെത്തി പെരുമ്പാവൂർ ഭാഗത്തേക്ക് പോകേണ്ടതും ചെറിയ വാഹനങ്ങൾ കോഴിപ്പിള്ളി – തങ്കളം ബൈപ്പാസ് റോഡിലെ മലയിൻകീഴ് ജംഗ്ഷനിൽ നിന്നും വലത്തോട്ട് തിരിഞ്ഞ് ബ്ലോക്ക് ഓഫീസ് റോഡിലൂടെ തൃക്കാരിയൂരിൽ വഴി നെല്ലിക്കുഴിയിൽ എത്തി പോകേണ്ടതുമാണ്.

• ഹൈറേഞ്ച് ഭാഗത്തു നിന്നും മുവ്വാറ്റുപുഴ ഭാഗത്തേക്കുളള വാഹനങ്ങൾ കോഴിപ്പിള്ളി – തങ്കളം ബൈപ്പാസ് റോഡു വഴി തങ്കളം ജംഗ്ഷനിൽ എത്തി AM റോഡ് ക്രോസ് ചെയ്ത് നേരെ MA കോളേജ് റോഡു വഴി വിമലഗിരി ജംഗ്ഷനിൽ എത്തി വലത്തോട്ട് തിരിഞ്ഞ് മുവ്വാറ്റുപുഴ ഭാഗത്തേക്ക് പോകേണ്ടതാണ്.

• പെരുമ്പാവൂർ ഭാഗത്തു നിന്നും ഹൈറേഞ്ച്, ഭൂതത്താൻകെട്ട് ഭാഗത്തേ ക്കുള്ള വാഹനങ്ങൾ തങ്കളം ജംഗ്ഷനിൽ നിന്നും ഇടത്തോട്ട് തിരിഞ്ഞ് തങ്കളം – കോഴിപ്പിള്ളി ബൈപ്പാസ് റോഡു വഴി പോകേണ്ടതാണ്.

• മുവ്വാറ്റുപുഴ ഭാഗത്തു നിന്നും ഹൈറേഞ്ച്, ഭൂതത്താൻകെട്ട് ഭാഗത്തേക്കുള്ള വാഹനങ്ങൾ വിമലഗിരി ജംഗ്ഷനിൽ നിന്നും ഇടത്തോട്ട് തിരിഞ്ഞ് തങ്കളം – MA കോളേജ് റോഡു വഴി തങ്കളം ജംഗ്ഷനിൽ എത്തി AM റോഡ് ക്രോസ് ചെയ്ത് നേരെ തങ്കളം – കോഴിപ്പിള്ളി ബൈപ്പാസ് റോഡു വഴി പോകേണ്ടതാണ്.

• മുവ്വാറ്റുപുഴയിൽ നിന്നും ഹൈറേഞ്ച് ഭാഗത്തേക്കും തിരിച്ചുമുള്ള ദീർഘദൂര യാത്ര വാഹനങ്ങൾ പുതുപ്പാടി – വാരപ്പെട്ടി – അടിവാട് – ഊന്നുകൽ റോഡിൽക്കൂടി പോകേണ്ടതാണ്.

• പോത്താനിക്കാട് നിന്നും മുവ്വാറ്റുപുഴ ഭാഗത്തേക്കും തിരിച്ചും പോകുന്ന ഹെവിവാഹനങ്ങൾ ഒഴികെയുളള വാഹനങ്ങൾ വാട്ടർ അഥോറിറ്റി – MA കോളേജ് റോഡിലൂടെ പോകേണ്ടതാണ്

• ഹൈറേഞ്ച്, ചേലാട് ഭാഗത്തു നിന്നും കോതമംഗലത്ത് ട്രിപ്പ് അവസാനിപ്പിക്കുന്ന KSRTC, പ്രൈവറ്റ് ബസ്സുകൾ അരമനപ്പടി ബൈപ്പാസ് ജംഗ്ഷനിൽ ആളെ ഇറക്കി ബൈപ്പാസ് റോഡിന്റെ കിഴക്കു ഭാഗത്ത് പാർക്ക് ചെയ്യേണ്ടതും പെരുമ്പാവൂർ ഭാഗത്തേക്ക് പോകുന്ന ബസുകൾ കോഴിപ്പിള്ളി – തങ്കളം ബൈപ്പാസ് റോഡു വഴി പോകേണ്ടതുമാണ്.

• പെരുമ്പാവൂർ ഭാഗത്തു നിന്നും കോതമംഗലത്ത് ട്രിപ്പ് അവസാനിപ്പിക്കുന്ന KSRTC, പ്രൈവറ്റ് ബസ്സുകൾ നങ്ങേലിപ്പടിയിൽ നിന്നും വലത്തോട്ട് തിരിഞ്ഞ് തങ്കളം കാക്കനാട് റോഡിലൂടെ നാലുവരി പാത അവസാനിക്കുന്നിടത്ത് ആളെ ഇറക്കി അവിടെ നിന്നു തന്നെ ട്രിപ്പ് ആരംഭിക്കേണ്ടതുമാണ്.

• തൃക്കാരിയൂർ ഭാഗത്തു നിന്നും കോതമംഗലത്ത് ട്രിപ്പ് അവസാനിപ്പിക്കുന്ന KSRTC, പ്രൈവറ്റ് ബസ്സുകൾ തങ്കളം ബസ് സ്റ്റാൻഡിൽ ആളെ ഇറക്കി അവിടെ നിന്നു തന്നെ ട്രിപ്പ് ആരംഭിക്കേണ്ടതുമാണ്.

• മുവ്വാറ്റുപുഴ ഭാഗത്തു നിന്നും കോതമംഗലത്ത് ട്രിപ്പ് അവസാനിപ്പിക്കുന്ന KSRTC, പ്രൈവറ്റ് ബസ്സുകൾ തങ്കളം – MA കോളേജ് റോഡു വഴി വന്ന് തങ്കളം കാക്കനാട് റോഡിൽ നാലുവരി പാത അവസാനിക്കുന്നിടത്ത് ആളെ ഇറക്കി അവിടെ നിന്നു തന്നെ ട്രിപ്പ് ആരംഭിക്കേണ്ടതുമാണ്.

*പാർക്കിംഗ്*

വലിയ വാഹനങ്ങൾ തങ്കളം – കാക്കനാട് റോഡിന്റെ ഇരുവശങ്ങളിലും വാഹനഗതാഗതത്തിന് തടസം വരാത്തവിധം പാർക്ക് ചെയ്യേണ്ടതും ചെറിയവാഹനങ്ങൾ തങ്കളം – കോഴിപ്പിള്ളി ബൈപ്പാസ് റോഡിന്റെ വടക്കരികിൽ പാർക്കിംഗിനായി രേഖപ്പെടുത്തിയിട്ടുള്ള സ്ഥലങ്ങളിലും, മലയിൻകീഴിനും അരമനപ്പടിക്കും ഇടയിലുള്ള പാർക്കിംഗ് ഏരിയയിലും, സെന്റ് ജോർജ്ജ് കത്തീഡ്രൽ പള്ളിയുടെ കോംമ്പൌണ്ടിലും കിഴക്കു ഭാഗത്തു നിന്നും വരുന്ന വാഹനങ്ങൾ ശോഭന സ്ക്കൂൾ ഗ്രൌണ്ടിലും ആയി പാർക്ക് ചെയ്യേണ്ടതുമാണ് തങ്കളം – കോഴിപ്പിള്ളി ബൈപ്പാസ് റോഡിന്റെ തെക്കുഭാഗത്ത് ഒരു കാരണവശാലും പാർക്ക് ചെയ്യാൻ പാടുള്ളതല്ല.

കോതമംഗലം : റേഷൻ വ്യാപാരികളോട് സർക്കാർ കാണിക്കുന്ന അവഗണന അവസാനിപ്പിക്കണമെന്ന് ആവശ്യപ്പെട്ടുകൊണ്ട് കോതമംഗലം താലൂക്ക് സപ്ലൈ ഓഫീസിന് മുമ്പിൽ റേഷൻ വ്യാപാരികൾ പ്രതിഷേധ ധർണ്ണ നടത്തി. വേതന പാക്കേജ് കാലോചിതമായി പരിഷ്കരിക്കുക , വിതരണം കഴിഞ്ഞ് അഞ്ചു ദിവസത്തിനുള്ളിൽ വേതനം നൽകുമെന്ന വാക്ക് പാലിക്കുക , ഓണം ഉത്സവബത്തയും, ഓഗസ്റ്റ് മാസത്തെ കമ്മീഷനും ഉടൻ ലഭ്യമാക്കുക, കിറ്റിന് കമ്മീഷൻ നൽകണമെന്ന ഹൈക്കോടതി വിധി ഉടൻ നടപ്പിലാക്കുക, മണ്ണെണ്ണ ഡോർ ഡെലിവറിയായി നൽകുക, പഞ്ചസാര കമ്മീഷൻ വർദ്ധിപ്പിക്കുക , തുടങ്ങിയ ആവശ്യങ്ങൾ ഉന്നയിച്ചാണ് ധർണ നടത്തിയത്. ധർണ സമരം സംഘടനയുടെ ജില്ല പ്രസിഡന്റ്.വി .വി. ബേബി ഉദ്ഘാടനം ചെയ്‌തു. ജില്ല വൈസ് പ്രസിഡണ്ട് മാജോ മാത്യു, എം എസ്. സോമൻ, എം.എം.രവി.തുടങ്ങിയവർ സംബന്ധിച്ചു.