കോതമംഗലം: ചേലാട് സെന്റ് സ്റ്റീഫൻസ് ബെസ്-അനിയാ യാക്കോബായ സുറിയാനി വലിയപള്ളിയുടെ കീഴിലുള്ള യൂത്ത് അസോസിയേഷന്റെ നേതൃത്വത്തിൽ അന്താരാഷ്ട്ര ലഹരി വിരുദ്ധ ദിനത്തോടനുബന്ധിച്ച് വർദ്ധിച്ച് വരുന്ന മയക്കുമരുന്നിനും മറ്റ് രാസലഹരി ഉപയോഗത്തിനുമെതിരെ ലഹരിവിരുദ്ധ പ്രതിജ്ഞയും സിഗ്നേച്ചർ ക്യാംപെയിനും സംഘടിപ്പിച്ചു. യൂത്ത് അസോസിയേഷൻ സെക്രട്ടറി എൽദോസ് തങ്കച്ചൻ അദ്ധ്യക്ഷത വഹിച്ച യോഗം വലിയപള്ളി വികാരി റവ. ഫാ. എൽദോ പോൾ തോമ്പ്രാ ഉത്ഘാടനം ചെയ്തു.
സഹവികാരി ഫാ. അബ്രഹാം കിളിയൻകുന്നത്ത് ലഹരി വിരുദ്ധ പ്രതിജ്ഞ ചൊല്ലിക്കൊടുത്തു. റവ. ഫാ. വർഗീസ് പുതുമനക്കുടി, ഫാ. ബൈജു ചാണ്ടി, ട്രസ്റ്റിമാരായ റോയി വർഗീസ്, റെജി സൈമൺ, മുൻസിപ്പൽ കൗൺസിലർ സിജോ വർഗീസ്, യൂത്ത് അസോസിയേഷൻ ഭാരവാഹികളായ ജോസഫ് രഞ്ജിത്ത്, ബേസിൽ ചുള്ളിങ്ങൽ, ജോയൽ ജോർജ്, റോബിയ റെജി, തോമസ് മാത്യു, ബേസിൽ നോബിൾ, ബെനൽ എൽദോസ്, ബേസിൽ കുര്യാക്കോസ്, അലൻ ബിജു, ഐവിൻ ബിജു, ബേസിൽ എൽദോസ്, ബേസിൽ ബിജു, ബിബിൻ കല്ലുങ്കൽ, ബിജു ഏലിയാസ്, മാനേജിങ് കമ്മിറ്റി അംഗങ്ങൾ, സൺഡേ സ്കൂൾ ഹെഡ്മാസ്റ്റർ ഷാജു മാത്യു എന്നിവർ പ്രസംഗിച്ചു.
