പെരുമ്പാവൂര്: പ്രായപൂര്ത്തിയാകാത്ത പെണ്കുട്ടിയെ ഭീഷണിപ്പെടുത്തി പീഡിപ്പിച്ച് ഗര്ഭിണിയാക്കിയ കേസില് ഇതര സംസ്ഥാന തൊഴിലാളിക്ക് എണ്പത്തിരണ്ട് വര്ഷം കഠിനതടവും ഒരു ലക്ഷത്തി പതിനായിരം രൂപ പിഴയും വിധിച്ചു. ആസ്സാം നഗാവ് സ്വദേശി ഇഷ്ബുള് ഇസ്ലാം (25) നെയാണ് പെരുമ്പാവൂര് ഫാസ്റ്റ് ട്രാക്ക് കോടതി (പോക്സോ) ജഡ്ജി ദിനേഷ്.എം.പിള്ള തടവും പിഴയും വിധിച്ചത്. 2021 ആഗസ്തിലാണ് സംഭവം. വെസ്റ്റ് ബംഗാള് മൂര്ഷിദാബാദ് സ്വദേശിയായ പതിമൂന്നുകാരിയേയാണ് ഇയാള് കത്തി കാട്ടി ഭീഷണിപ്പെടുത്തി പീഢനത്തിനിരയാക്കിയത്. അമ്മയോടോപ്പം കഴിയുകയായിരുന്നു പെണ്കുട്ടി. കുറുപ്പംപടി പോലീസ് കേസ് രജിസ്റ്റര് ചെയ്ത് അന്വേഷണം
നടത്തി കുറ്റപത്രം സമര്പ്പിച്ചു. ഇന്സ്പെക്ടര് വി.എസ്.വിപിന്, എ.എസ്.ഐ മനോജ് കുമാര്, സീനിയര് സി പി ഒ അനീഷ് കുര്യാക്കോസ് സി.പി.ഒ മാരായ വിപിന് വര്ക്കി, എന്.പി.ബിന്ദു, ആര്.അജിത് തുടങ്ങിയവരായിരുന്നു അന്വേഷണ സംഘത്തില് ഉണ്ടായിരുന്നത്. പ്രോസിക്യൂഷനു വേണ്ടി അഡ്വ.എ.സിന്ധു ഹാജരായി.
