NEWS
മാതൃകയായി കോതമംഗലം രൂപത; ഒരു ലക്ഷം രൂപയുടെ കോവിഡ്-19 രോഗപ്രതിരോധത്തിനുള്ള ഉല്പന്നങ്ങള് വിതരണം ചെയ്തു.

കോതമംഗലം: കോവിഡ്-19 പ്രതിരോധ പ്രവര്ത്തനങ്ങളുടെ ഭാഗമായി സംസ്ഥാന സര്ക്കാര് നടത്തിവരുന്ന ബ്രേക്ക് ദ ചെയിന് പദ്ധതിയില് കോതമംഗലം രൂപത സോഷ്യല് സര്വീസ് സൊസൈറ്റി പങ്കുചേര്ന്നു. രൂപതാദ്ധ്യക്ഷന് മാര് ജോര്ജ് മഠത്തിക്കണ്ടത്തിലിന്റെ നിര്ദ്ദേശപ്രകാരം ഹാന്റ് സാനിറ്റൈസര്, മാസ്ക്, ഹാന്റ് വാഷ്, സോപ്പ് എിങ്ങനെ ഒരു ലക്ഷം രൂപ മാര്ക്കറ്റ് വിലയുള്ള വസ്തുക്കള് വിതരണം ചെയ്തു. കോതമംഗലം നിയോജക മണ്ഡലത്തിലെ പ്രാഥമികാരോഗ്യ കേന്ദ്രങ്ങളിലും മറ്റ് പൊതുസ്ഥാപനങ്ങളിലും സൗജന്യമായി നല്കുതിനായി ആന്റണി ജോണ് എം.എല്എ സാനിറ്റേഷന് വസ്തുക്കള് തഹസീല്ദാര് റെയ്ച്ചല് കെ. വര്ഗീസിന് കൈമാറി.
സെന്റ് ജോസഫ് ഹോസ്പിറ്റലിലേക്ക് നല്കുന്ന സാനിറ്റേഷന് വസ്തുകള് അഡ്മിനിസ്ട്രേറ്റര് സി. അഭയ എം.എസ്.ജെ യും രൂപതയുടെ യുവജനപ്രസ്ഥാനമായ യുവദീപ്തി വഴി വിതരണം ചെയ്യുന്ന വസ്തുക്കള് രൂപത പ്രസിഡന്റ് ജിബിന് ജോര്ജും ജീവ മെഡിക്കല്സ് വഴി വിതരണം ചെയ്യുന്ന സാനിറ്റേഷന് വസ്തുക്കള് ബീമോന് ജോര്ജും ഏറ്റുവാങ്ങി.
കോതമംഗലം സെന്റ് ജോസഫ് ഹോസ്പിറ്റല് കോഫറന്സ് ഹാളില് നടന്ന ചടങ്ങില് രൂപത വികാരി ജനറാള് മോണ്. ചെറിയാന് കാഞ്ഞിരക്കൊമ്പില് അദ്ധ്യക്ഷത വഹിച്ചു. സോഷ്യല് സര്വീസ് ഡയറക്ടര് റവ. ഡോ. തോമസ് ജെ. പറയിടം, ഹോസ്പിറ്റല് അഡ്മിനിസ്ട്രേറ്റര് സി. അഭയ എം.എസ്.ജെ. പ്രോഗ്രാം കോ- ഓര്ഡിനേറ്റര് ജോസ കെ.യു,. ഹോസ്പിറ്റല് സെക്രട്ടറി അഡ്വ. മാത്യു ജോസഫ്, സി. ജോസ്മിന് എം.എസ്.ജെ, ജോഷി അറയ്ക്കല് എന്നിവര്പ്രസംഗിച്ചു. ലോകാരോഗ്യ സംഘടന നിര്ദ്ദേശിക്കുന്ന മാനദണ്ഡമനുസരിച്ചാണ് ഹാന്റ് സാനിറ്റൈസര് നിര്മ്മിച്ചിരിക്കുതെന്ന് ഫാര്മസി കോളേജ് അധികൃതര് അറിയിച്ചു.
NEWS
നെല്ലിക്കുഴി ഗ്രാമ പഞ്ചായത്തിലെ ബിജെപി മെമ്പർ രാജി വച്ചു.

കോതമംഗലം : നെല്ലിക്കുഴി ഗ്രാമപഞ്ചായത്ത് ആറാം വാർഡ് അംഗം സനൽ പുത്തൻപുരയ്ക്കൽ രാജി വച്ചു. ഇന്ന് ഉച്ചക്ക് 3 മണിക്ക് പഞ്ചായത്ത് സെക്രട്ടറി മുൻപാകെ രാജി സമർപ്പിച്ചു. 2020 ഡിസംബർ മാസത്തിൽ നടന്ന തദ്ദേശ്ശ തെരഞ്ഞെടുപ്പിൽ പട്ടികജാതി സംവരണ വാർഡായി തെരഞ്ഞെടുത്ത തൃക്കാരിയൂർ തുളുശ്ശേരിക്കവല ആറാം വാർഡിൽ ബിജെപി സ്ഥാനാർത്ഥിയായി താമര ചിഹ്നത്തിൽ മത്സരിച്ച സനൽ 194 വോട്ടിന്റെ ഭൂരിപക്ഷത്തിൽ സിപിഎം സ്ഥാനാർത്ഥി വി കെ ചന്ദ്രനെ പരാജയപ്പെടുത്തിയിരുന്നു.
സനലിന് വിദേശത്ത് ജോലി ശരിയായിട്ടുണ്ടെന്നും മൂന്നര മാസത്തിനകം വിദേശത്തേക്ക് പോകേണ്ടി വരുമെന്നതിനാലാണ് രാജി സമർപ്പിച്ചതെന്ന് സനൽ അറിയിച്ചു. തനിക്ക് എല്ലാവിധ പിന്തുണയും നൽകി കൂടെ നിന്ന പാർട്ടിയോടും പാർട്ടി പ്രവർത്തകരോടും, വാർഡ് നിവാസികളോടും എല്ലാവിധ നന്ദിയും കടപ്പാടും അറിയിക്കുന്നതായും സനൽ പറഞ്ഞു.
🌀കോതമംഗലം വാർത്ത ẇһѧṭṡѧƿƿıʟ ലഭിക്കുവാൻ താഴെ കാണുന്ന ലിങ്കിൽ ക്ലിക്ക് ചെയ്യുക👇
NEWS
മണിക്കിണർ പാലം നിർമ്മാണത്തിന്റെ തുടർ നടപടികൾ വേഗത്തിലാക്കും: മന്ത്രി പി എ മുഹമ്മദ് റിയാസ് നിയമസഭയിൽ.

കോതമംഗലം : മണിക്കിണർ പാലം നിർമ്മാണത്തിന്റെ തുടർ നടപടികൾ വേഗത്തിലാക്കുമെന്ന് മന്ത്രി പി എ മുഹമ്മദ് റിയാസ് നിയമസഭയിൽ വ്യക്തമാക്കി.ഇതു സംബന്ധിച്ച ആന്റണി ജോൺ എം എൽ എ യുടെ ചോദ്യത്തിന് മറുപടി പറയുമ്പോൾ ആണ് മന്ത്രി ഇക്കാര്യം അറിയിച്ചത്.ഒന്നാം പിണറായി സർക്കാരിന്റെ അവസാന കാലഘട്ടത്തിൽ 928 ലക്ഷം രൂപയുടെ ഭരണാനുമതി നല്കിയ പല്ലാരിമംഗലം പഞ്ചായത്തിലെ മണിക്കിണർ പാലത്തിന്റെ നിർമ്മാണവുമായി ബന്ധപ്പെട്ട് റവന്യൂ വകുപ്പിൽ നിന്നും അനുമതി ലഭ്യമായിട്ടുള്ളത് എം എൽ എ സഭയുടെ ശ്രദ്ധയിൽപെടുത്തി.
പല്ലാരിമംഗലത്ത് നിന്നും സമീപ പഞ്ചായത്തുകളായ കവളങ്ങാട്,പോത്താനിക്കാട്,പൈങ്ങോട്ടൂർ പഞ്ചായത്തുകളിലേക്കും ഇടുക്കി ജില്ലയിലേക്കും എളുപ്പത്തിൽ എത്തിച്ചേരുവാൻ സഹായകരമായതും,പ്രദേശത്തിന്റെ വികസനത്തിന് വലിയ സാധ്യതയും ഉള്ളതായ പ്രസ്തുത പാലത്തിന്റെ സ്ഥലമേറ്റെടുപ്പ് നടപടികൾ വേഗത്തിലാക്കി സാങ്കേതിക അനുമതി നല്കി ടെണ്ടർ നടപടികൾ പൂർത്തീകരിച്ച് പാലം നിർമ്മാണം വേഗത്തിലാക്കണമെന്ന് എം എൽ എ നിയമസഭയിൽ ആവശ്യപ്പെട്ടു.കോതമംഗലം മണ്ഡലത്തിലെ പല്ലാരിമംഗലം പഞ്ചായത്തിൽ മണിക്കിണർ പാലം നിർമ്മാണത്തിന് 19-2-21 ലെ സഉ(സാധാ ) നം.253/2021 പൊ മ വ പ്രകാരം 928 ലക്ഷം രൂപയുടെ ഭരണാനുമതി നല്കിയിരുന്നു.സ്ഥലമെടുപ്പ് നടപടികൾക്കായി റവന്യൂ വകുപ്പിൽ നിന്നും ഉത്തരവ് ലഭിച്ചതിനെ തുടർന്ന് ജില്ലാ കളക്ടർക്ക് അർത്ഥനാ പത്രം സമർപ്പിക്കുകയും സ്ഥലമെടുപ്പ് നടപടികൾക്കായി സ്പെഷ്യൽ തഹസിൽദാർ എൻ.എച്ച്. No 1 കാക്കനാടിന് ആവശ്യപ്പെട്ട തുക കൈമാറുകയും ചെയ്തിട്ടുണ്ട്.
സ്ഥലമേറ്റെടുപ്പ് നടപടികൾ റവന്യൂ വകുപ്പ് മുഖേന പുരോഗമിച്ച് വരുന്നു.സ്ഥലമേറ്റെടുക്കൽ പൂർത്തിയാകുന്ന മുറയ്ക്ക് സാങ്കേതിക അനുമതി ലഭ്യമാക്കി ടെണ്ടർ നടപടികൾ പൂർത്തിയാക്കി പ്രവർത്തി ആരംഭിക്കുമെന്ന് പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ് ആന്റണി ജോൺ എം എൽ എ യെ നിയമസഭയിൽ അറിയിച്ചു.
NEWS
വിവാഹത്തിൽ പങ്കെടുക്കാൻ കൂട്ട അവധി; കോതമംഗലം സിവിൽ സ്റ്റേഷനിലെ ജീവനക്കാരുടെ നടപടി വിവാദത്തിൽ

കോതമംഗലം : സർക്കാർ ഓഫീസിൽ കൂട്ട അവധിയിൽ വലഞ്ഞ് ജനങ്ങൾ. കോതമംഗലം മിനി സിവിൽ സ്റ്റേഷനിൽ പ്രവർത്തിക്കുന്ന താലൂക്ക് ഓഫീസിലേയും വില്ലേജ് ഓഫീസിലേയും ജീവനക്കാർ കൂട്ട അവധിയെടുത്തതോടെയാണ് ജനങ്ങൾ വലഞ്ഞത്. ജീവനക്കാരുടെ കൂട്ട അവധി ഓഫിസ് പ്രവർത്തനങ്ങൾ താളം തെറ്റിച്ചതായി പരാതിയിൽ പറയുന്നു. താലൂക്ക് റവന്യൂ ഉദ്യോഗസ്ഥൻ്റെ വിവാഹത്തിൽ പങ്കെടുക്കുന്നതിനു വേണ്ടിയായിരുന്നു ജീവനക്കാർ അവധിയെടുത്തത്.
താലൂക്ക് ഓഫീസിൽ മതിയായ ഉദ്യോഗസ്ഥരില്ലാതിരുന്നത് ഇന്നലെ ആവശ്യങ്ങൾക്കായെത്തിയ ആളുകൾ നിരാശയോടെ മടങ്ങുന്നതിന് കാരണമായി. 71 ജീവനക്കാരുള്ള താലൂക്ക് ഓഫീസിൽ നിന്ന് 35 ൽ പരം ജീവനക്കാരാണ് വിവാഹത്തിൽ പങ്കെടുക്കാനായി അവധിയെടുത്തത്. കൂടാതെ അഞ്ച് ജീവനക്കാരുടെ കുറവും ഓഫീസിലുണ്ടായിരുന്നു. ആകെ 27 പേരാണ് താലൂക്ക് ഓഫീസിൽ ഹാജരായത്.
കൂടാതെ കളക്ടറുടെ അനുമതിയോടെയാണ് ജീവനക്കാർ അവധിയെടുത്തതെന്നും തഹസിൽദാർ റേച്ചൽ കെ വർഗീസ് വിശദീകരിച്ചു. ഒപ്പം ഓഫീസ് സേവനങ്ങൾക്ക് തടസ്സം വരാത്ത രീതിയിൽ ക്രമീകരണം ഏർപ്പെടുത്തിയിരുന്നതായും തഹസിൽദാർ പറഞ്ഞു. എന്നാൽ ഇത്രയധികം ജീവനക്കാർ കൂട്ട അവധിയെടുത്തത് വിവാദത്തിന് വഴിവെച്ചു. കൂട്ട അവധിയെടുത്തതിന് ഉദ്യോഗസ്ഥരോട് മേലുദ്യോഗസ്ഥൻ വിശദീകരണം ആവശ്യപ്പെട്ടിട്ടുണ്ട്.
-
CRIME1 week ago
പരീക്കണ്ണിപ്പുഴയിൽ സ്ത്രീയുടെ മൃതദേഹം കണ്ടെത്തി.
-
CRIME3 days ago
കോതമംഗലത്ത് വൻ ഹെറോയിൻ വേട്ട
-
CRIME1 week ago
വനത്തിൽ നിന്നും ഉടുമ്പിനെ പിടികൂടി കറിവെച്ച് കഴിച്ച കേസിൽ നാലുപേരെ വനപാലകർ അറസ്റ്റ് ചെയ്തു
-
ACCIDENT7 days ago
പത്രിപ്പൂ പറക്കാൻ പോയ യുവാവ് മരത്തിൽ നിന്ന് വീണ് മരിച്ചു.
-
CRIME3 days ago
നിരന്തര കുറ്റവാളിയായ കോതമംഗലം സ്വദേശിയെ കാപ്പ ചുമത്തി നാടുകടത്തി.
-
AGRICULTURE5 days ago
ഒരു തട്ടേക്കാടൻ തണ്ണിമത്തൻ വിജയഗാഥ; വിളവെടുത്തത് 12 ടണ്ണിൽ പരം കിരൺ തണ്ണിമത്തൻ,പാകമായി കിടക്കുന്നത് 15 ടണ്ണിൽ പരം
-
Business1 week ago
സൗഖ്യ ഹോംസിലൂടെ നേടാം നവോന്മേഷം; യൂറോപ്യൻ മാതൃകയിൽ റിട്ടയർമെന്റ് ജീവിതം ആഗ്രഹിക്കുന്നവർക്കായി കോതമംഗലത്ത് ഒരു സ്വർഗ്ഗീയഭവനം
-
AGRICULTURE3 days ago
പിണ്ടിമനയിലും തണ്ണീർമത്തൻ വസന്തം