പെരുമ്പാവൂർ : ബിജെപി ജില്ലാ നേതാവിൻറെ പേരിൽ പണപ്പിരിവു നടത്തിയ മൂന്നുപേരെ പോലീസ് അറസറ്റ് ചെയ്തു. കോട്ടപ്പടി ഇടയൻ വീട്ടിൽ സുരേഷ് (35), ഇടുക്കി കുടയത്തൂർ പച്ചിലാംകുന്നിൽ രാജേഷ് (37) കാഞ്ഞൂർ ചുള്ളി പറമ്പിൽ വീട്ടിൽ ജിമ്മി ഫ്രാൻസിസ് (50) എന്നിവരെയാണ് പെരുമ്പാവൂർ പോലിസ് അറസ്റ്റ് ചെയ്തത്.
കഴിഞ്ഞ 14ന് ആണ് സംഭവം നടന്നത് . ചേലാമറ്റത്ത് പ്ലാസ്റ്റിക്ക് കമ്പനി നടത്തുന്ന വ്യവസായിയുടെ പക്കൽ നിന്നുമാണ് ബിജെപി ജില്ലാ നേതാവിൻറെ പേര് പറഞ്ഞ് ഇവർ പണം തട്ടിയത്. സമാന രീതിയിൽ ഇവർ തട്ടിപ്പ് നടത്തിയിട്ടുണ്ടെന്ന് എസ്.എച്ച്.ഒ സി.ജയകുമാർ പറഞ്ഞു. ഇവർ കൂടുതൽ തട്ടിപ്പ് നടത്തിയിട്ടുണ്ടോ എന്ന കാര്യം അന്വേഷിച്ചു വരുകയാണ് പോലീസ്.
