കോതമംഗലം :തൃക്കാരിയൂർ പാനിപ്ര തോട്ടത്തിക്കുടി ഷംസുദ്ദീൻ (36), വെസ്റ്റ് ബംഗാൾ മുർഷിദാബാദ് അബ്ദുൽ അസീസ് മണ്ഡൽ (33) വെസ്റ്റ് ബംഗാൾ ഗോപാൽപൂർ ഘട്ട് സുമൻ മണ്ഡൽ (29) എന്നിവരെയാണ്
പെരുമ്പാവൂർ എ എസ് പിയുടെ പ്രത്യേക അന്വേഷണസംഘവും കാലടി പോലീസും ചേർന്ന് പിടികൂടിയത്. ഓട്ടോ ടാക്സിയിൽ കഞ്ചാവുമായി വരുന്ന സമയത്ത് കാലടി ജംഗ്ഷനിൽ വച്ചാണ് പിടികൂടിയത്.
ബംഗാളിൽ നിന്നും ഒഡീഷയിൽ നിന്നും ട്രെയിൻ മാർഗ്ഗം അങ്കമാലിയിൽ എത്തിക്കുന്ന കഞ്ചാവ് അവിടെനിന്ന് കാലടി കോട്ടപ്പടി ഭാഗങ്ങളിൽ ഓട്ടോ ടാക്സിയിൽ എത്തിച്ച് വിൽപ്പന നടത്തിവരികയായിരുന്നു. സ്ഥിരമായി ഷംസുദ്ദീന്റെ ഓട്ടോ ടാക്സി ആണ് കഞ്ചാവ് വില്പന നടത്താൻ ഉപയോഗിച്ചിരുന്നത്. സുമൻ മണ്ഡലിന് കാലടിയിൽ ഹോട്ടൽ ജോലിയുടെ മറവിലാണ് വിൽപ്പന. അബ്ദുൽ അസീസ് മണ്ഡൽ കോട്ടപ്പടി ഭാഗത്താണ് കച്ചവടം നടത്തിവന്നിരുന്നത്. ബംഗാളിൽ നിന്നും ഒഡീഷയിൽ നിന്നും 3000 രൂപയ്ക്ക് ലഭിക്കുന്ന കഞ്ചാവ് ഇവിടെ കിലോക്ക് ഇരുപതിനായിരം രൂപ നിരക്കിലാണ് വില്പന നടത്തുന്നത്. മലയാളികൾ കും അന്യസംസ്ഥാന തൊഴിലാളികൾക്കുമായിരുന്നു വിൽപ്പന.
