കോതമംഗലം : മാന്നാനം K E കോളേജ് സോഷ്യൽ വർക്ക് ഡിപ്പാർട്ട്മെൻ്റിൻ്റെ നേതൃത്വത്തിൽ കാർമൽ ആയൂർവേദ വില്ലേജിൻ്റെ സഹകരണത്തോടെ നടത്തുന്ന പഞ്ചദിന പഠന – ശുചിത്വ ശിബിരം ” പുലരി – 2022 “-ന് ഭൂതത്താൻകെട്ടിൽ തുടക്കമായി. പഠനത്തോടൊപ്പം ശുചിത്വ ഭാരത മിഷൻ്റെ ഭാഗമായി നടത്തുന്ന ശുചികരണ പ്രവർത്തനങ്ങളുടെ ഉത്ഘാടനം ജില്ലാ പഞ്ചായത്ത് മെമ്പർ K K ദാനി നിർവ്വഹിച്ചു. K E കോളേജ് അഡ്മിനിസ്ട്രേറ്റർ ഫാ.ബിജു തെക്കേക്കുറ്റ് അധ്യക്ഷത വഹിച്ചു. നങ്ങേലിൽ ആയുർവേദ കോളേജ് HOD – ഡോ. ഷിബു വർഗീസ് മുഖ്യ പ്രഭാഷണം നടത്തി.
എറണാകുളം ജില്ലയിലെ ഏറ്റവും മനോഹര വിനോദ സഞ്ചാര കേന്ദ്രമായ ഭൂതത്താൻകെട്ടിനെ ശുചിത്വ – സൗന്ദര്യവൽക്കരണം നടത്തി സഞ്ചാരികൾക്ക് പ്രിയമുള്ളതാക്കി തീർക്കുക എന്ന ലക്ഷ്യമാണ് ക്യാമ്പിലൂടെ മുന്നോട്ട് വയ്ക്കുന്നതെന്ന് കാർമൽ ആയുർവേദ വില്ലേജ് ഡയറക്ടർ ഫാ.മാത്യു മഞ്ഞക്കുന്നേൽ പറഞ്ഞു. KE കോളേജ് സോഷ്യൽ വർക്ക് ഡിപ്പാർട്ട്മെൻ്റിലെ 30-കുട്ടികളാണ് ക്യാമ്പിൽ പങ്കെടുക്കുന്നത്.
