കോതമംഗലം : പൊതു വിദ്യാലയങ്ങളുടെ യശസ്സുയർത്തി നാടിൻ്റെ അഭിമാനമായി മാറിയ കോതമംഗലം മണ്ഡലത്തിലെ അതിഥി തൊഴിലാളികളുടെ കുട്ടികളിൽ പ്ലസ് ടു,എസ് എസ് എൽ സി പരീക്ഷകളിലും, സംസ്ഥാന സ്കൂൾ കലോത്സവത്തിലും ഉന്നത വിജയം കരസ്ഥമാക്കിയ തഹജിബ സാജിദ്, അർഷി സലിം,അലീഷ നൗഷാദ് എന്നിവരെ ആന്റണി ജോൺ എം എൽ എ മണ്ഡലത്തിൽ നടപ്പിലാക്കുന്ന “കൈറ്റ് ” വിദ്യാഭ്യാസ പദ്ധതിയുടെ ഭാഗമായുള്ള “എം എൽ എ അവാർഡ് ” നൽകി ആദരിച്ചു. പ്ലസ് ടു പരീക്ഷയിൽ രണ്ടാം വർഷം മുഴുവൻ വിഷയങ്ങൾക്കും ഫുൾ മാർക്ക് നേടിയ തഹജിബ സാജിദ് എസ് എസ് എൽ സി പരീക്ഷയിൽ 9 എ പ്ലസും,1 എ യും നേടി ഉന്നത വിജയം നേരത്തെ കരസ്ഥമാക്കിയിരുന്നു. അർഷി സലിം സംസ്ഥാന സ്കൂൾ യുവജനോത്സവത്തിൽ ഹിന്ദി പ്രസംഗത്തിലെ ജേതാവാണ്.
![](https://i0.wp.com/kothamangalamnews.com/wp-content/uploads/2024/07/alfalah.jpeg?resize=600%2C750&ssl=1)
എസ് എസ് എൽ സി പരീക്ഷയിൽ 5 എ പ്ലസ് നേടിയ അലീഷ നൗഷാദ് മലയാളം രണ്ട് പേപ്പറിനും എ പ്ലസ് നേടിയിരുന്നു.പൊതു വിദ്യാഭ്യാസ സംരക്ഷണ യജ്ഞത്തിൻ്റെ ഭാഗമായി പൊതു വിദ്യാലയങ്ങൾ മികവിൻ്റെ കേന്ദ്രങ്ങളാവുകയും അന്താരാഷ്ട്ര നിലവാരത്തിലേക്ക് ഉയരുകയും ചെയ്യുന്ന സാഹചര്യത്തിൽ ഈ കുട്ടികളുടെ നേട്ടം സമൂഹത്തിനാകെ മാതൃകയാണെന്ന് എം എൽ എ പറഞ്ഞു.
![](https://kothamangalamnews.com/wp-content/uploads/2023/11/kothamangalamnews.png)