NEWS
കോതമംഗലം മണ്ഡലത്തിലെ രൂക്ഷമായ വന്യമൃഗ ശല്യം വിഷയം നിയമസഭയിൽ.

കോതമംഗലം:- കോതമംഗലം മണ്ഡലത്തിലെ കുട്ടമ്പുഴ, പിണ്ടിമന, കോട്ടപ്പടി പഞ്ചായത്തുകളിലെ വിവിധ പ്രദേശങ്ങളിലുണ്ടാകുന്ന ആനശല്യം തടയുന്നതിനു കൂടുതൽ ഫലപ്രദമായ നടപടികൾ സ്വീകരിക്കുമെന്നും ആനശല്യം മൂലമുണ്ടായിട്ടുള്ള വ്യാപക കൃഷിനാശങ്ങൾക്കുള്ള നഷ്ട പരിഹാരം വേഗത്തിൽ ലഭ്യമാക്കുവാൻ നടപടി സ്വീകരിക്കുമെന്നും ബഹു:വനം വകുപ്പ് മന്ത്രി അഡ്വ.കെ രാജു നിയമസഭയിൽ വ്യക്തമാക്കി. ഇതു സംബന്ധിച്ച ആന്റണി ജോൺ എംഎൽഎയുടെ നിയമസഭാ ചോദ്യത്തിന് മറുപടി പറയുമ്പോൾ ആണ് ബഹു: മന്ത്രി ഇക്കാര്യം വ്യക്തമാക്കിയത്. തന്റെ മണ്ഡലത്തിലെ കുട്ടമ്പുഴ,പിണ്ടിമന,കോട്ടപ്പടി പഞ്ചായത്തുകളിലെ വിവിധ പ്രദേശങ്ങളിൽ രൂക്ഷമായ ആനശല്യം മൂലം ജനങ്ങൾ വലിയ തോതിൽ ബുദ്ധിമുട്ടുകയാണെന്നും,വനത്തിൽ നിന്നും കിലോമീറ്ററുകൾ അകലെയുള്ള ജനവാസ കേന്ദ്രങ്ങളിൽ ആനകൾ കൂട്ടമായി എത്തി വിളവെടുക്കാൻ പാകമായ വിളകളുൾപ്പെടെ വ്യാപകമായ കൃഷി നാശം വരുത്തുന്നതും, മുൻ വർഷങ്ങളിൽ ഇത്തരത്തിലുള്ള ആനശല്യത്തിൽ 3 പേർക്ക് ജീവൻ നഷ്ടപ്പെട്ടിട്ടുള്ളതും എംഎൽഎ ബഹു: മന്ത്രിയുടെ ശ്രദ്ധയിൽപ്പെടുത്തി.
ഇത്തരത്തിലുള്ള ആനശല്യത്തിന് ശാശ്വത പരിഹാരം കണ്ടെത്തുന്നതിനായി ഈ പ്രദേശങ്ങളിൽ റെയിൽ ഫെൻസിങ്ങും,ട്രഞ്ചും അടക്കമുള്ള കാര്യക്ഷമമായ പ്രതിരോധ മാർഗ്ഗങ്ങൾ സ്വീകരിക്കണമെന്നും എംഎൽഎ നിയമസഭയിൽ ആവശ്യപ്പെട്ടു. അതോടൊപ്പം തന്നെ ഈ പ്രദേശങ്ങളിൽ ആന ശല്യംമൂലമുണ്ടായിട്ടുള്ള വ്യാപക കൃഷി നാശങ്ങൾക്ക് കർഷകർക്ക് കാല താമസം കൂടാതെ നഷ്ട പരിഹാരം ലഭ്യമാക്കുന്നതിനു വേണ്ട നടപടി സ്വീകരിക്കണമെന്നും എംഎൽഎ ആവശ്യപ്പെട്ടു. വന മേഖലയോട് ചേർന്നുള്ള ജനവാസ മേഖലകളിൽ വന്യ ജീവി ആക്രമണം തടയുന്നതിനായി സൗരോർജ വേലികൾ നിർമ്മിച്ചു വരുന്നുണ്ടെന്നും, കോട്ടപ്പടി,പിണ്ടിമന പഞ്ചായത്തുകളിലായി മാവേലി മുതൽ അയിനിച്ചാൽ വരെ 5.50കിലോമീറ്ററും, വാവേലി മുതൽ കണ്ണക്കട വരെ 5.20 കിലോമീറ്ററും കുട്ടമ്പുഴ പഞ്ചായത്തിൽ 57.40 കിലോമീറ്ററും നിലവിൽ സൗരോർജ വേലി ഉണ്ടെന്നും കൂടാതെ പ്രസ്തുത പ്രദേശങ്ങളിൽ ജനവാസ മേഖലകളിൽ ഇറങ്ങുന്ന വന്യമൃഗങ്ങളെ തിരികെ കാട്ടിലേക്ക് കയറ്റി വിടുന്നതിനും മറ്റ് അടിയന്തിര സേവനം ലഭ്യമാക്കുന്നതിനുമായി സ്പെഷ്യൽ ഫോറസ്റ്റ് പ്രൊട്ടക്ഷൻ ഫോഴ്സിനെയും വനം വകുപ്പ് ജീവനക്കാരെയും താല്ക്കാലിക വാച്ചർമാരെയും ഉൾപ്പെടുത്തി എലിഫന്റ് ഡിപ്രഡേഷൻ സ്ക്വാഡുകളെയും സജ്ജമാക്കിയിട്ടുണ്ടെന്നും നിലവിൽ പ്രസ്തുത പ്രദേശങ്ങളിൽ ഫണ്ടിന്റെ ലഭ്യത അനുസരിച്ച് ഈ സാമ്പത്തിക വർഷത്തിൽ തന്നെ കോട്ടപ്പടി, കുട്ടമ്പുഴ പഞ്ചായത്തുകളിലായി 27 കി മി സൗരോർജ വേലികൾ നിർമ്മിക്കുന്നതിനുള്ള നടപടികൾ പുരോഗമിച്ചു വരുന്നതായും ബഹു:മന്ത്രി പറഞ്ഞു.
അതോടൊപ്പം കൃഷി നാശത്തിന് ആവശ്യമായ രേഖകൾ സഹിതം സമർപ്പിക്കുന്ന അപേക്ഷകളിൽ ഫണ്ടിന്റെ ലഭ്യതയനുസരിച്ച് നഷ്ട പരിഹാരം നൽകി വരുന്നതായും, നിലവിൽ ഓൺലൈനായി ലഭിക്കുന്ന അപേക്ഷകളിന്മേൽ സമയബന്ധിതമായി തുടർ നടപടികൾ സ്വീകരിക്കുകയും ഫണ്ടിന്റെ ലഭ്യതയ്ക്കനുസരിച്ച് നഷ്ട പരിഹാരം നൽകുകയും ചെയ്തു വരുന്നതായും,2018-19 വർഷത്തിൽ കുട്ടമ്പുഴ പഞ്ചായത്ത് 26,പിണ്ടിമന പഞ്ചായത്ത് 28, കോട്ടപ്പടി പഞ്ചായത്ത് 68 എന്നിങ്ങനെ മൂന്ന് പഞ്ചായത്തുകളിലായി 122 പേർക്ക് 1269285 രൂപയും, 2019-20 വർഷത്തിൽ കുട്ടമ്പുഴ പഞ്ചായത്ത് 28,പിണ്ടിമന പഞ്ചായത്ത് 23, കോട്ടപ്പടി പഞ്ചായത്ത് 42 എന്നിങ്ങനെ 93 പേർക്ക് 1104059 രൂപയും നഷ്ടപരിഹാരമായി വിതരണം ചെയ്തു കഴിഞ്ഞതായും, ഓൺലൈൻ ആയി ലഭിക്കുന്ന അപേക്ഷകളിൽ കാല താമസം കൂടാതെ നഷ്ട പരിഹാരം ലഭ്യമാക്കുന്നതിനു വേണ്ട നടപടി സ്വീകരിക്കുമെന്നും ബഹു: മന്ത്രി ആന്റണി ജോൺ എംഎൽഎയെ നിയമസഭയിൽ അറിയിച്ചു.
NEWS
കാട്ടാന ആക്രമണം ഉണ്ടായ സ്കൂൾ ആന്റണി ജോൺ എം എൽ എ സന്ദർശിച്ചു.

കോതമംഗലം : കഴിഞ്ഞ രാത്രി കാട്ടാനക്കൂട്ടം ആക്രമിച്ച ഇടമലയാർ ഗവൺമെന്റ് യു പി സ്കൂൾ ആന്റണി ജോൺ എം എൽ എ സന്ദർശിച്ചു.2016 ന് ശേഷം ആദ്യമായിട്ടാണ് കാട്ടാന സ്കൂളിൽ വലിയ തോതിൽ നാശനഷ്ടം ഉണ്ടാക്കിയിട്ടുള്ളത്.സ്കൂളിന് ചുറ്റുമുള്ള ഫെൻസിങ് അടിയന്തിരമായി അറ്റക്കുറ്റ പണി നടത്തി പുനസ്ഥാപിക്കുന്നതിനും സ്കൂൾ കോമ്പൗണ്ടിനു ചുറ്റുമുള്ള കാട് അടിയന്തിരമായി വെട്ടി തെളിക്കുന്നതിനും വനം വകുപ്പ് ഉദ്യോഗസ്ഥർക്ക് നിർദ്ദേശം നൽകി.തുണ്ടം റെയിഞ്ച് ഓഫീസർ സി വി വിനോദ് കുമാർ,മറ്റ് വനം വകുപ്പ് ഉദ്യോഗസ്ഥർ,എച്ച് എം ഷമീന റ്റി എ,സീനിയർ അസിസ്റ്റന്റ് ജോയി ഓ പി, ലക്ഷ്മി ബി,രാജേഷ് കുമാർ, റീന ആർ ഡി,സന്തോഷ് പി ബി,സോമൻ കരിമ്പോളിൽ,ബിനു ഇളയിടത്ത് എന്നിവർ എം എൽ എ യോടൊപ്പം ഉണ്ടായിരുന്നു.
NEWS
കോണ്ഗ്രസിന്റെ അസ്ഥിത്വം തകര്ക്കാന് കേന്ദ്ര – സംസ്ഥാന സര്ക്കാരുകള് മത്സരിക്കുന്നു: മാത്യു കുഴല്നാടന് എംഎല്എ.

കോതമംഗലം. കോണ്ഗ്രസ് കോതമംഗലം – കവളങ്ങാട് ബ്ലോക്ക് കമ്മറ്റികളുടെ നേതൃ സംഗമം മാത്യു കുഴല്നാടന് എംഎല്എ ഉദ്ഘാടനം ചെയ്തു. മാര്ച്ച്് 30 ന് വൈക്കം സത്യഗ്രഹത്തിന്റെ ശതാബ്ദി ആഘോഷത്തില് നിയോജക മണ്ഡലത്തില് നിന്നും 1500 പ്രവര്ത്തകരെ പങ്കെടുപ്പിക്കുവാന് യോഗത്തില് തീരുമാനിച്ചു. കോണ്ഗ്രസ് കോതമംഗലം ബ്ളേക്ക് പ്രസിഡന്റ് എം.എസ് എല്ദോസ് അധ്യക്ഷനായി. കെപിസിസി ജന. കെ. ജയന്ത്് മുഖ്യ പ്രഭാഷണം നടത്തി. എ.ജി ജോര്ജ്, കെ.പി ബാബു, പി.പി ഉതുപ്പാന്, എബി എബ്രാഹം, പി.എ.എം ബഷീര്, റോയി കെ. പോള്, പി.സി ജോര്ജ്, പീറ്റര് മാത്യു, ഷെമീര് പനയ്ക്കല്, പ്രിന്സ് വര്ക്കി, ബാബു ഏലിയാസ്, വി.വി കുര്യന്, സി.ജെ. എല്ദോസ്, ജെയിംസ് കോറമ്പേല്, പരീത് പട്ടന്മാവുടി, ബിനോയി ജോഷ്വ, അനൂപ് കാസിം, ജോര്ജ് വറുഗീസ്, സത്താര് വട്ടക്കുടി, സലീം മംഗലപ്പാറ, പഞ്ചായത്ത് പ്രസിഡന്റുമാരായ ജെസി സാജു, കാന്തി വെള്ളക്കയ്യന് എന്നിവര് പ്രസംഗിച്ചു.
NEWS
ഇടമലയാർ സ്കൂളിനു നേരെ കാട്ടാനക്കൂട്ടത്തിൻ്റെ ആക്രമണം; വൻ നാശനഷ്ടം

കോതമംഗലം :- ഇടമലയാർ ഗവൺമെൻ്റ് യു പി സ്കൂളിനു നേരെ കാട്ടാനക്കൂട്ടത്തിൻ്റെ ആക്രമണം;വൻ നാശനഷ്ടം; ഇന്ന് പുലർച്ചെ രണ്ട് മണിയോടുകൂടിയാണ് സംഭവം. ആറോളം വരുന്ന കാട്ടാനക്കൂട്ടമാണ് ഇമലയാർ ഗവ. യു പി സ്കൂളിനു നേരെ ആക്രമണം അഴിച്ചുവിട്ടത്. 5 ക്ലാസ് മുറികളുടെ ജനാലകളും, സ്റ്റോർ റൂമും , കുടിവെള്ള ടാങ്കും പൈപ്പുകളും, കുട്ടികളുടെ പച്ചക്കറിത്തോട്ടവും, പ്രാഥമിക ആവശ്യങ്ങൾക്കായുള്ള അഞ്ചു ശുചിമുറികളും കാട്ടാനകൾ തകർത്തിട്ടുണ്ട്. ഇടമലയാർ വന അതിർത്തിയിൽ സ്ഥിതി ചെയ്യുന്ന സ്കൂളിനു നേരെ 2016 ലും കാട്ടാനകളുടെ ആക്രമണം ഉണ്ടായിട്ടുണ്ട്. പരീക്ഷയെഴുതാൻ സ്കൂളിലെത്തിയ കുട്ടികൾ കണ്ടത് തകർന്ന ക്ലാസ് മുറികളാണ്. സ്കൂൾ പരിസരവും ക്ലാസ് മുറികളും വൃത്തിയാക്കുന്നത് വരെ വിദ്യാർത്ഥികളെ താത്കാലികമായി സ്കൂൾ മുറ്റത്തെ മരച്ചുവട്ടിൽ ഇരുത്തുകയായിരുന്നു. താളുകണ്ടം, പൊങ്ങൻചുവട് ഭാഗത്തുനിന്നുമുള്ള കുട്ടികളാണ് ഈ സ്കൂളിൽ പഠിക്കുന്നത്.
ഫെൻസിംഗ് പ്രവർത്തന രഹിതമായതാണ് പ്രശ്നമായതെന്നും ബദൽ സംവിധാനമൊരുക്കി പരീക്ഷകൾ നടത്തുമെന്നും സ്കൂളിലെ സീനിയർ അസിസ്റ്റൻ്റ് ജോയി OP പറഞ്ഞു. സ്കൂളിന് വൻ നാശനഷ്ടങ്ങളാണ് ഉണ്ടായിട്ടുള്ളതെന്നും ആനശല്യം നേരിടാൻ തക്കതായ നടപടികൾ സ്വീകരിക്കുമെന്നും കുട്ടമ്പുഴ പഞ്ചായത്ത് വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർമാൻ EC റോയി പറഞ്ഞു.
🌀കോതമംഗലം വാർത്ത whatsappil ലഭിക്കുവാൻ താഴെ കൊടുത്തിരിക്കുന്ന ലിങ്ക് ഉപയോഗിക്കുക..👇
https://chat.whatsapp.com/DcL8RgJp47d7R9L2iom1zx
-
ACCIDENT3 days ago
ബസും സ്കൂട്ടറും കൂട്ടിയിടിച്ച് യുവതി മരിച്ചു.
-
ACCIDENT5 days ago
കാറും ബൈക്കും കൂട്ടിയിടിച്ചു: യുവാവിന് പരിക്ക്
-
CRIME5 days ago
പെൺകുട്ടി മാത്രമുള്ള സമയം വീട്ടിൽ അതിക്രമിച്ച് കയറി ഉപദ്രവിച്ച പല്ലാരിമംഗലം സ്വദേശി അറസ്റ്റിൽ
-
NEWS1 week ago
കുട്ടമ്പുഴ – കീരംപാറ പഞ്ചായത്തുകളിൽ ബഫർ സോൺ പരിധികളിൽ 1031 നിർമ്മിതികൾ കണ്ടെത്തിയതായി വനം വകുപ്പ് മന്ത്രി
-
NEWS1 week ago
കോതമംഗലത്ത് രണ്ടിടങ്ങളിൽ തീ പിടുത്തം : ജാഗ്രത പുലർത്തണമെന്ന് അഗ്നി രക്ഷാ സേന
-
CRIME4 days ago
കാപ്പാ ഉത്തരവ് ലംഘിച്ച നിരന്തര കുറ്റവാളിയെ അറസ്റ്റ് ചെയ്തു
-
NEWS2 days ago
തങ്കളം – കോഴിപ്പിള്ളി ന്യൂ ബൈപ്പാസ് രണ്ടാം ഘട്ട രണ്ടാം റീച്ചിന്റെ നിർമ്മാണ പ്രവർത്തനങ്ങൾ ആരംഭിച്ചു.
-
CRIME3 days ago
കാപ്പാ ഉത്തരവ് ലംഘിച്ച നിരന്തര കുറ്റവാളിയായ കോതമംഗലം സ്വദേശിയെ അറസ്റ്റ് ചെയ്തു
You must be logged in to post a comment Login