കോതമംഗലം: കീരമ്പാറ പഞ്ചായത്തിൽ കാട്ടാനയുടെ ആക്രമണത്തിൽ പരിക്കേറ്റ് ചികിത്സയിൽ കഴിയുന്ന കപ്പിലാമൂട്ടിൽ വീട്ടിൽ കെ ഡി സജിയെ കോതമംഗലം ധർമ്മ ഗിരി ആശുപത്രിയിൽ എത്തി ആന്റണി ജോൺ എം എൽ എയും കോതമംഗലം ഡി എഫ് ഒ പി യു സാജുവും സന്ദർശിച്ചു. രാവിലെ കളപ്പാറ വഴി യാത്രചെയ്യവേ ആയിരുന്നു കാട്ടാനയുടെ ആക്രമണം ഉണ്ടായത്.
കുട്ടമ്പുഴ വില്ലേജ് ഓഫീസിലെ റിട്ടയേർഡ് അസിസ്റ്റന്റ് ഓഫീസർ ആണ്.ചികിത്സ ചിലവുകൾക്കുൾപ്പെടെ മറ്റ് ആവിശ്യങ്ങൾക്കുമായി അടിയന്തിര ധന സഹായം ലഭ്യമാക്കാൻ കോതമംഗലം ഡി എഫ് ഒ യ്ക്ക് ആന്റണി ജോൺ എം എൽ എ നിർദ്ദേശം നൽകി.
