കോതമംഗലം: ഭൂതത്താന്‍കെട്ട് ഡാമിന്റെ പതിനഞ്ച് ഷട്ടറുകളും ഉയര്‍ത്തി. ചൊവ്വാഴ്ച രാത്രി 13 ഷട്ടറുകള്‍ ഉയര്‍ത്തിയിരുന്നു. ഇന്നലെ രാവിലെ 11 ഓടെയാണ് അവശേഷിച്ച രണ്ടു ഷട്ടറുകള്‍ കൂടി ഉയര്‍ത്തിയത്. ശക്തമായ മഴ തുടരുന്നതിനാലും കല്ലാര്‍കുട്ടി, പാംബ്ല ഡാമുകള്‍ തുറന്നതിനാലും പെരിയാറില്‍ ജലനിരപ്പ് ഉയരുന്ന സാഹചര്യത്തിലാണ് ഭൂതത്താന്‍കെട്ടും തുറക്കാന്‍ തീരുമാനിച്ചത്. മുന്‍ വര്‍ഷങ്ങളിലെല്ലാം ജൂണിലാണ് ഡാം തുറന്നിരുന്നത്. ഡാം തുറന്നതോടെ പെരിയാറില്‍ കുത്തൊഴുക്ക് വര്‍ധിച്ചു. ഇരുകരകളിലുമുള്ളവര്‍ ജാഗ്രത പാലിക്കണമെന്ന് അധികൃതര്‍ നിര്‍ദേശിച്ചിട്ടുണ്ട്. ജലനിരപ്പ് താഴ്ന്നതോടെ ഭൂതത്താന്‍കെട്ട് ടൂറിസ്റ്റ് ബോട്ട് സര്‍വീസും നിലച്ചു.
