കോതമംഗലം: പൈപ്പ് പൊട്ടി കുടിവെള്ളം പാഴാകുന്നതായി പരാതി. പിണ്ടിമന പഞ്ചായത്തിൽ അഞ്ചാം വാർഡിൽ പഴങ്ങര – ഇഞ്ചകണ്ടം റോഡിൽ അംഗൻവാടി ജംഗ്ഷനിൽ വാട്ടർ അതോർറ്റിയുടെ പൈപ്പ് ലൈൻ പൊട്ടി കുടിവെള്ളം പാഴാകുകയും റോഡിലെ ടാറിംഗ് പൊട്ടുകയും ചെയ്യുന്നതായി പരാതി. ഇതിന്റെ ഫലമായി താഴ്ന്ന ഭാഗത്തുള്ളവർക്ക് കുടിവെള്ളം ആവശ്യത്തിന് കിട്ടാതെ വരുകയും ചെയ്യുന്നു. ഈ വിഷയത്തിൽ അടിയന്തിരമായി ഇടപെട്ട് പരിഹാരം കാണണമെന്നവശ്യപ്പെട്ട് ആം ആദ്മി പാർട്ടി പിണ്ടിമന പഞ്ചായത്ത് കമ്മിറ്റിയുടെ നേതൃത്വത്തിൽ കോതമംഗലം വാട്ടർ അതോരറ്റി അസിസ്റ്റന്റ് എഞ്ചിനിയർ മുമ്പകെ പരാതി നൽകി.
ആം ആദ്മി പാർട്ടി പിണ്ടിമന പഞ്ചായത്ത് പ്രിസിഡന്റ് കെ.എസ്. ഗോപിനാഥൻ, സംസ്ഥാന വക്താവ് ജോൺസൺ കറുകപിള്ളിൽ, വോളന്റിയർമാരായ സാബു കുരിശിങ്കൽ, ചന്ദ്രൻ കീരമ്പാറ എന്നിവർ പങ്കെടുത്തു.
