കോതമംഗലം :ഇരമല്ലൂർ പബ്ലിക് ലൈബ്രറിയുടെ പ്ലാറ്റിനം ജൂബിലി ആഘോഷങ്ങൾക്ക് പ്രൗഢഗംഭീരമായി തുടക്കം കുറിച്ചു.
ഒരു വർഷം നീണ്ടു നിൽക്കുന്ന ആഘോഷ പരിപാടികളുടെ ഉദ്ഘാടനം, നിറഞ്ഞ സദസ്സിന്റെയും അനുഗ്രഹീത പ്രഭാഷകൻ വി കെ സുരേഷ് ബാബു സാറിന്റെയും ജന പ്രതിനിധികളുടെയും ഗ്രന്ഥശാല സംഘം ഭാരവാഹികളുടെയും സാന്നിധ്യത്തിൽ ആന്റണി ജോൺ എം എൽ എ നിർവഹിച്ചു.
സമൂഹത്തിൽ ഗ്രന്ഥശാലകളുടെ പ്രസക്തിയും വായനയുടെ പ്രാധാന്യവും വിളിച്ചോതുന്ന ഉജ്ജ്വല പ്രഭാഷണമാണ് സുരേഷ് ബാബു സാർ നടത്തിയത്.
പ്ലാറ്റിനം ജൂബിലി ആഘോഷ കമ്മിറ്റി ചെയർമാൻ എം എം കുഞ്ഞുമൈതീൻ അധ്യക്ഷത വഹിച്ചു.നെല്ലിക്കുഴി ഗ്രാമ പഞ്ചായത്ത്‌ പ്രസിഡന്റ്‌ പി എം മജീദ്, ലൈബ്രറി കൗൺസിൽ ജില്ലാ പ്രസിഡന്റ്‌ പി കെ സോമൻ, ഗ്രാമ പഞ്ചായത്ത്‌ വൈസ് പ്രസിഡന്റ്‌ ശോഭ വിനയൻ,കെ ഒ കുര്യാക്കോസ്, കെ എം പരീത്, പി കെ രാജേഷ്,
അഡ്വ. എൻ എൻ. ഇളയത്,ലൈബ്രറി ജൂബിലി കമ്മിറ്റി ഭാരവാഹികളായ പ്രിൻസ് രാധാകൃഷ്ണൻ,സാബു മാത്യു,കെ ഇ ഹസ്സൻ,കെ എം യൂസഫ്, ഉമ ഗോപിനാഥ്, പ്രിയ സി എസ് എന്നിവർ പ്രസംഗിച്ചു.സമ്മേളനാനന്തരം കൊച്ചിൻ മൻസൂർ ഒരുക്കിയസംഗീത വിരുന്ന് പരിപാടിക്ക് മാറ്റു കൂട്ടി.
സ്ത്രീകൾ ഉൾപ്പടെ സമൂഹത്തിന്റെ എല്ലാ വിഭാഗങ്ങളിൽ നിന്നും നല്ല പങ്കാളിത്തമാണ് ഉദ്ഘാടന പരിപാടിക്ക് ഉണ്ടായത്. സമീപ പ്രദേശങ്ങളിൽ നിന്ന് നിരവധി ലൈബ്രറി പ്രവർത്തകരും, സാംസ്‌കാരിക സംഘടനാ പ്രവർത്തകരും സന്നിഹിതരായിരുന്നു.
