പെരുമ്പാവൂര്‍: കഞ്ചാവ് കേസിലെ പ്രതിയെ ഒഡീഷയില്‍ നിന്നും പിടികൂടി. ഒഡീഷ റായ്ഗഡ പദംപൂര്‍ സ്വദേശി സാംസന്‍ ഗന്റ (33) നെയാണ് പെരുമ്പാവൂര്‍ എഎസ്പിയുടെ നേതൃത്വത്തിലുള്ള പ്രത്യേക അന്വേഷണ സംഘം പിടികൂടിയത്. കഴിഞ്ഞ ഒമ്പതിന് 16 കിലോ കഞ്ചാവുമായി ഒഡീഷ സ്വദേശിയായ സൂരജ് ബീറയെ മാറമ്പിള്ളിയില്‍ നിന്ന് പൊലീസ് അറസ്റ്റ് ചെയ്തിരുന്നു. അന്വേഷണത്തില്‍ ഇയാള്‍ക്ക് കഞ്ചാവ് നല്‍കിയിരുന്നത് ഒഡീഷ റായിഗട സ്വദേശിയായ സാംസന്‍ ആയിരുന്നുവെന്ന് തെളിഞ്ഞു. തുടര്‍ന്ന് പെരുമ്പാവൂര്‍ പൊലീസ് ഒഡീഷയില്‍ പോയി പ്രതിയെ അറസ്റ്റ് ചെയ്യുകയായിരുന്നു.
തടിയിട്ട് പറമ്പ് പൊലീസ് സ്റ്റേഷനില്‍ 72 കിലോ കഞ്ചാവ് കേസിലെ പ്രതിയാണ് ഇയാള്‍. ഈ കേസില്‍ ആറുമാസത്തോളം ജയില്‍ ശിക്ഷ അനുഭവിച്ചിട്ടുണ്ട്. എഎസ്പി മോഹിത് രാവത്ത് ഇന്‍സ്‌പെക്ടര്‍ എംകെ രാജേഷ് സബ് ഇന്‍സ്‌പെക്ടര്‍മാരായ ടോണി ജെ മറ്റം, വി വിദ്യ, സീനിയര്‍ സിപി ഒ സികെ മീരാന്‍, സിപിഒമാരായ സിഎസ് അരുണ്‍, പി നോബിള്‍ തുടങ്ങിയവരാണ് പൊലീസ് സംഘത്തിലുണ്ടായിരുന്നത്.
