കോതമംഗലം : കൃഷി വകുപ്പിന്റെ ഞങ്ങളും കൃഷിയിലേക്ക് പദ്ധതി ജനകീയ ക്യാമ്പയിനായി നാം ഏറ്റെടുക്കണമെന്ന് കൃഷി വകുപ്പ് മന്ത്രി പി പ്രസാദ് പറഞ്ഞു. നേര്യമംഗലം ജില്ലാ കൃഷിതോട്ടത്തിൽ ആർ കെ വി വൈ പദ്ധതികളിലുൾപ്പെടുത്തി പൂർത്തീകരിച്ച ആധുനിക സംവിധാനങ്ങളേടെയുള്ള ഗോശാല ,സംരക്ഷിത കാർഷിക വിപണന പ്രദർശനശാല, സംയോജിതകൃഷിക്കു വേണ്ടി നവീകരിച്ച കുളം ,ജില്ലാ കൃഷി ഓഫീസിലെ ഇ – ഓഫീസ് സംവിധാനത്തിൻ്റെയുംഉദ്ഘാടനം നിർവഹിക്കുകയായിരുന്നു മന്ത്രി .
കിടപ്പു രോഗികളും കൈ കുഞ്ഞുങ്ങളും ഒഴികെയുള്ള എല്ലാവരും ഇതിൽ പങ്കാളികളാകണം. വിഷ രഹിത ഭക്ഷണം ഓരോരുത്തരും ഉറപ്പുവരുത്തണം .കാലാവസ്ഥ വ്യതിയാനത്തിൻ്റെയും അനിയന്ത്രിതമായ കീടനാശിനി പ്രയോഗത്തിൻ്റെയും കാരണത്താൽ ചില കീടങ്ങൾക്ക് കീടനാശിനികളെ പ്രതിരോധിക്കാനുള്ള ശേഷി കൂടുതലായി ചിലയിടങ്ങളിൽ കണ്ടു വരുന്നുണ്ട്. ജൈവ പച്ചക്കറികൾ എന്ന പേരിൽ ലഭിക്കുന്നവ പലതിലും കീടനാശിനിയുടെ സാന്നിദ്ധ്യം കാണുന്നു.ഇത് പല മാരക രോഗത്തിനും കാരണമാകുന്നു. അതിനാൽ അവനവന് ആവശ്യമായ ശുദ്ധമായ ഭക്ഷണം നമ്മൾ തന്നെ ഉല്പാദിപ്പിക്കാനുള്ള ശ്രമമുണ്ടാകണമെന്നും മന്ത്രി പറഞ്ഞു.
ആർ കെ വി വൈ പദ്ധതിയിലുൾപ്പെടുത്തി ഫാമിൻ്റെ സമഗ്ര വികസനത്തിനായി 10 കോടി രൂപയുടെ വികസന പദ്ധതികളാണ് കെ എൽ ഡി സി ഏറ്റെടുത്തു നടപ്പിലാക്കി വരുന്നത്. സംയോജിത കൃഷിരീതിയിൽ മത്സ്യ കുളങ്ങൾ ,പച്ചക്കറി കൃഷിക്കായുള്ള പോളി ഹൗസുകൾ ,മിസ്റ്റ് ചേമ്പർ ,കർഷക പരിശീലന കേന്ദ്രം, ഗസ്റ്റ് ഹൗസ് ,ചെക്ക് ഡാം, ചെറുകിട സംസ്ക്കരണ യൂണിറ്റ് എന്നിവയാണ് ഈ പദ്ധതിയിലുള്ളത്. ആർ. കെ. വി. വൈ പദ്ധതിയിലുൾപ്പെടുത്തി 3.75 കോടി രൂപയുടെ വികസന പ്രവർത്തനങ്ങളാണ് കൃഷിവകപ്പിൻ്റെ എഞ്ചിനിയറിംഗ് വിഭാഗം ഇവിടെ പൂർത്തികരിച്ചിട്ടുള്ളത്. 16 പശുക്കളെ ഒരേ സമയം പരിപാലിക്കാൻ സൗകര്യമുള്ള ഗോശാല , ഫാമിലെ ജലസേചന സൗകര്യം വർദ്ധിപ്പിക്കുന്നതിനായി ജലസംഭരണി ,പമ്പ് ഹൗസ് ,മണിക്കൂറിൽ ആയിരത്തഞ്ഞുറ് തേങ്ങ പൊതിക്കുന്ന യന്ത്രം , ചകിരിയിൽ നിന്നും നാര് വേർതിരിക്കുന്ന യന്ത്രം ,മിനി എസ്കവേറ്റർ ,കാർഷികോപകരണങ്ങൾ മുതലായവയാണ് പൂർത്തിയാക്കിയിട്ടുള്ളത്.
ജില്ലാ കൃഷി ഓഫീസ് ഇ- ഓഫീസ് സംവിധാനത്തിലേക്ക് മാറുന്നതിലൂടെ പൊതുജനങ്ങൾക്ക് ജില്ലാ ഓഫീസിൽ നൽകിയ അപേക്ഷയുടെ തൽസ്ഥിതി ഏതു കോണിൽ നിന്നും നിമിഷങ്ങൾക്കുള്ളിൽ അറിയാൻ സാധിക്കുകയും അപേക്ഷകളിൻമേൽ .രേഖകൾ ഡിജിറ്റലായി സൂക്ഷിക്കുന്നതിനാൽ എത്രകാലപഴക്കമുള്ള രേഖകളും വീണ്ടെടുക്കാം ,ഓഫീസിൻ്റെ കാര്യക്ഷമത വർദ്ധിപ്പിച്ച് സുതാര്യത കൈവരുത്തുന്നതിന് ഇ- ഓഫീസ് സഹായകരമാകുന്നു.
എസ് എസ് എൽ സി, പ്ലസ് ടു പരീക്ഷകളിൽ ഉയർന്ന മാർക്ക് വാങ്ങി വിജയിച്ച ഫാമിലെ തൊഴിലാളികളുടെ മക്കളെയും ,ഫാം ഡേ വിജയികളെയും മന്ത്രി അനുമോദിച്ചു.
ആൻ്റണി ജോൺ എം എൽ എ അദ്ധ്യക്ഷത വഹിച്ചു. ജില്ലാ പഞ്ചായത്ത് വൈസ് പ്രസിഡൻറ് ഷൈനി ജോർജ്ജ് ,
ജില്ലാ പഞ്ചായത്ത് വികസന കാര്യ സ്റ്റാൻഡിംഗ് കമ്മിറ്റി ചെയർപേഴ്സൺ റാണിക്കുട്ടി ജോർജ്, പ്രിൻസിപ്പൽ കൃഷി ഓഫീസർ ഇ എം ബബിത ,കോതമംഗലം ബ്ലോക്ക് പഞ്ചായത്ത് പ്രസിഡൻ്റ് പി എ എം ബഷീർ, കവളങ്ങാട് പഞ്ചായത്ത് പ്രസിഡൻ്റ് ഷൈജൻ്റ് ചാക്കോ ,ജില്ലാ പഞ്ചായത്ത് മെമ്പർമാരായ കെ.വി രവീന്ദ്രൻ ,സനിതാ റഹിം ഗ് പഞ്ചായത്ത് വൈസ് പ്രസിഡൻ്റ് ജിംസിയ ബിജു ,കെ എൽ ഡി സി മാനേജിoഗ് ഡയറക്ടർ പി എസ് രാജീവ് ,കൃഷി ഡെപ്യൂട്ടി ഡയറക്ടർ തോമസ് സാമുവൽ അസിസ്റ്റന്റ് എക്സി.എഞ്ചിനീയർ കെ സുരേഷ് കുമാർ ,ഫാം സൂപ്രണ്ട് സൂസൻ
ലീ തോമസ് ,കൃഷി ഓഫീസർ ജാസ്മിൻ തോമസ് ,സി പി ഐ ജില്ലാ അസിസ്റ്റന്റ് സെക്രട്ടറി ഇ കെ ശിവൻ, മണ്ഡലം സെക്രട്ടറി പി റ്റി ബെന്നി, സെക്രട്ടറിയേറ്റംഗം പി എം ശിവൻ, ലോക്കൽ സെക്രട്ടറി പി എം സുകുമാരൻ എന്നിവർ പങ്കെടുത്തു.
പടം : നേര്യമംഗലം ജില്ലാ കൃഷിതോട്ടത്തിൽ ആധുനിക ഗോശാലയുടെ ഉദ്ഘാടനം കൃഷി വകുപ്പ് മന്ത്രി പി പ്രസാദ് നിർവഹിക്കുന്നു.
