പെരുമ്പാവൂർ : വായ്ക്കര സർക്കാർ സ്കൂളിൽ പെരുമ്പാവൂർ എം എൽ എ എൽദോസ് കുന്നപ്പിള്ളിയുടെ ആസ്തി വികസന ഫണ്ട് അത്യാധുനിക രീതിയിൽ പുതിയതായി നിർമ്മിച്ച സ്കൂൾ കെട്ടിടം ഉദ്ഘാടനത്തിനൊരുങ്ങുന്നു. 2019-20 വർഷത്തെ ആസ്തി വികസന ഫണ്ടിൽനിന്നും 42 ലക്ഷം രൂപ ചെലവഴിച്ചു നിർമ്മിച്ചിട്ടുള്ള പുതിയ കെട്ടിടത്തിൽ 2 ക്ലാസ് മുറികളും രണ്ട് ടോയ്‌ലറ്റുകളുമാണ് ഇതിനോടകം സജ്ജമാക്കിയിട്ടുള്ളത്. പുതിയ കെട്ടിടം ശിശു സൗഹാർദ്ദപരമായി നിർമ്മിച്ചിട്ടുള്ളതും ഭിത്തികളും തൂണുകളും മനോഹരമായ ചിത്രങ്ങളാലലംകൃതവുമാണ്.
ക്ലാസ് മുറികളിലേക്ക് ആവശ്യമായ ഫർണിച്ചറുകളും ഈ ഫണ്ടിൽ പെടുത്തി സജ്ജീകരിച്ചു നൽകിയിട്ടുണ്ട്. 110 വർഷം പഴക്കമുള്ള ഈ സ്കൂളിന് മികച്ച സൗകര്യങ്ങളോടുകൂടിയ പുതിയ കെട്ടിട ലഭിച്ചതിൽ വിദ്യാർത്ഥികളും, അദ്ധ്യാപകരും രക്ഷിതാക്കളും നാട്ടുകാരും സന്തോഷത്തിലാണ്.
