കോതമംഗലം : കുട്ടമ്പുഴ പൂയം കുട്ടിയിൽ ഷെൽട്ടർ ഹോം നിർമ്മിക്കുന്നതിന് 25 ലക്ഷം രൂപ അനുവദിച്ചതായി ആന്റണി ജോൺ എം എൽ എ അറിയിച്ചു. പ്രകൃതിക്ഷോഭം മറ്റുമുണ്ടാകുമ്പോൾ പലപ്പോഴും ആദിവാസിമേഖല ഉൾപ്പെടെ ഒറ്റപ്പെട്ടു പോകുന്ന സാഹചര്യത്തിലാണ് ഷെൽട്ടർ ഹോം നിർമ്മിക്കുവാൻ തീരുമാനിച്ചിട്ടുള്ളത്. പൂയംകുട്ടിക്ക് സമീപമുള്ള 90 സെൻറ് റവന്യൂ ഭൂമിയിലാണ് ഷെൽട്ടർ ഹോം നിർമ്മിക്കുന്നത്.4 ഡോർമെട്രികൾ,ഹാൾ,കിച്ചൺ, സ്റ്റോർ,സിറ്റ് ഔട്ട്‌, ടോയ്ലറ്റ് സൗകര്യങ്ങൾ , പോർച്ച് എന്നീ സൗകര്യങ്ങളോടുകൂടിയാണ് ഷെൽട്ടർ ഹോം നിർമ്മിക്കുന്നത്.നിർമ്മാണ പ്രവർത്തനങ്ങൾ വേഗത്തിൽ ആരംഭിക്കുമെന്ന് എം എൽ എ അറിയിച്ചു.
