Connect with us

Hi, what are you looking for?

NEWS

കുട്ടം തെറ്റിയ കാട്ടുപോത്ത് നേര്യമംഗലം പാലം മുതൽ ഇരുമ്പ് പാലം വരെ ജനങ്ങൾക്ക് ഭീഷണിയാകുന്നു

കോതമംഗലം: ഇടുക്കി -എറണാകുളം ജില്ലാ അതിർത്തിയായ നേര്യമംഗലം പാലം മുതൽ
ഇരുമ്പുപാലം വരെയുള്ള വഴിയാത്രക്കാർക്കും നാട്ടുകാർക്കുമാണ് കൂട്ടം തെറ്റിയ കാട്ടുപോത്ത് ഭീഷണിയായിട്ടുള്ളത്.
കഴിഞ്ഞ ദിവസം രാത്രി ഇരുമ്പുപാലം പടിക്കപ്പ് റോഡിൽ എത്തിയ കാട്ടുപോത്ത് നാട്ടുകാരെ ഭീതിയിലാക്കിയിരുന്നു.
ഇരുമ്പുപാലം – പടിക്കപ്പ് റോഡിൽ ജീപ്പു യാത്രക്കാരാണ് കാട്ടുപോത്തിനെ കണ്ടത്.ഇവർ നാട്ടുകരെ വിവരം അറിയിക്കുകയും ജാഗ്രത പാലിക്കാനുള്ള അറിയിപ്പും നൽകി.നാട്ടുകാരും ജിപ്പുകാരും കാട്ടുപോത്തിനെ ഓടിച്ചു വനമേഖലയിലേക്ക്എത്തിക്കുവാൻ ശ്രമിച്ചെങ്കിലും നടന്നില്ല. കാട്ടുപോത്ത് റോഡ് സൈഡിലെ റബ്ബർ തോട്ടത്തിലെക്ക് കയറി പോകുകയായിരുന്നു.

പകലോ രാത്രിയിലോ വീണ്ടും കാട്ടുപോത്ത് ജനവാസ മേഖലയിലൊ റോഡിലോ ഇറങ്ങുമോ എന്ന ആശങ്കയാണ് പ്രദേശവാസികൾക്കുള്ളത്.കഴിഞ്ഞ ദിവസങ്ങളിൽ നേര്യമംഗലത്ത് റബ്ബർ തോട്ടത്തിലും നേര്യമംഗലം ഇഞ്ചതൊട്ടി റോഡിൽ മൊഴുക്കുമാലി ഭാഗത്തും കണ്ടത് ഇതേ കാട്ടുപോത്താണന്നാണ് വനപാലകരുടെ സംശയം.പിന്നീട് കൊച്ചി-ധനുഷ് കോടി ദേശീയപാതക്കരികിൽ നേര്യമംഗലം മൂന്നാം മൈൽ ഭാഗത്തും ഈ കാട്ടുപോത്തിനെ കണ്ടിരുന്നു.
കാട്ടുപോത്തുകൾ സാധാരണ കൂട്ടമായി സഞ്ചരിക്കുന്ന രീതിയാണ് ഉള്ളത്.

ഇത് ഒറ്റയ്ക്ക് ആയതിനാൽ വെള്ളം കുടിക്കാനൊ മറ്റോ എത്തിയപ്പോൾ കൂട്ടം തെറ്റി
ജനവാസ മേഖലയിലേക്ക് വന്നതാകാമെന്നുമാണ് വനപാലകരുടെ നിഗമനം.എന്നാൽ കാട്ടു പോത്തിനെ ഉൾകാട്ടിൽ എത്തിക്കുവാൻ ഒരു നടപടിയും നേര്യമംഗലം റേഞ്ചിലെ വനപാലകരുടെ ഭാഗത്തു നിന്നും ഉണ്ടായിട്ടില്ലന്ന പരാതിയുണ്ട്. കാട്ടുപോത്ത് നേര്യമംഗലം പാലം മുതൽ ഇരുമ്പുപാലം വരെ വിവിധ ഭാഗങ്ങളിൽ ഒരാഴ്ചയായി ചുറ്റിത്തിരിയുകയാണ്. കൊച്ചി ധനുഷ് കോടി ദേശീയപാതയിൽ നേര്യമംഗലത്തിനും വാളറക്കുമിടയിൽ കാട്ടുപോത്ത് എത്തുന്നത് മൂന്നാറിലേക്ക് രാത്രി കാല വാഹനയാത്രക്കാരായ വിനോദസഞ്ചാരികൾക്കും ഭീഷണിയാണ്. ഈ സാഹചര്യത്തിൽ യാത്രക്കാർക്കും നാട്ടുകാർക്കും ഭീഷണിയായ കാട്ടുപോത്തിനെ പിടികൂടി ഉൾവനത്തിൽ തുറന്ന് വിടണമെന്ന ആവശ്യം ശക്തമായിട്ടുണ്ട്.

You May Also Like

NEWS

കോതമംഗലം: ദേശീയപാത കടന്നു പോകുന്ന കോതമംഗലം ടൗണില്‍ കോഴിപ്പിള്ളി കവലയിലും സെന്റ് ജോര്‍ജ് ഹയര്‍ സെക്കന്‍ഡറി സ്‌കൂളിനു സമീപവും സ്ലാബ് തകര്‍ന്ന ഓടകള്‍ കാല്‍നട യാത്രികരുടെ ജീവന് ഭീഷണിയായി മാറിയിരിക്കുകയാണ്. സമീപത്തെ വ്യാപാര...

NEWS

കോതമംഗലം:  പൂയംകുട്ടി ബ്ലാവനയില്‍ റോഡിന് കുറുകെ മരം വീണു.വൈദ്യുതി ലൈനും പോസ്റ്റുകളും തകര്‍ത്താണ് മരം വീണത്.വാഹനഗതാഗതവും തടസ്സപ്പെട്ടിരുന്നു.നാട്ടുകാരും വനപാലകരും ചേര്‍ന്ന് മരം മുറിച്ചുനീക്കി.സമാനരീതിയില്‍ ഏതുസമയത്തും കടപുഴകിവീഴാവുന്ന വിധത്തില്‍ നിരവധി മരങ്ങള്‍ ഈ ഭാഗത്തുണ്ട്.മുറിച്ചുമാറ്റിയില്ലെങ്കില്‍ അപകടങ്ങള്‍ക്ക്...

NEWS

കോതമംഗലം: നിർദ്ധിഷ്ട  തൃക്കാരിയൂര്‍ , നേര്യമംഗലം  പഞ്ചായത്തുകളുടെ രൂപീകരിക്കണം ഇക്കുറിയും യാഥാർത്ഥ്യമാകുവാൻ സാധ്യതയില്ല. തൃക്കാരിയൂര്‍ , നേര്യമംഗലം  പഞ്ചായത്തുകൾ രൂപീകരിക്കണമെന്ന ആവശ്യം ഉയര്‍ന്നുതുടങ്ങിയിട്ട് വര്‍ഷങ്ങളേറെയായതാണ്.ആവശ്യം യാഥാര്‍ത്ഥ്യമാകാന്‍ ഇനിയും കാത്തിരിക്കേണ്ടിവരുമെന്നാണ് ഇപ്പോള്‍ വ്യക്തമാകുന്നത്.തദ്ദേശ സ്വയംഭരണ സ്ഥാപനങ്ങളുടെ...

NEWS

കോതമംഗലം: മോഹൻലാലിന്റെ 64 ജന്മദിനമാണ്‌ 21/05/2024 ഇന്ന് ചൊവ്വാഴ്ച. ഒരുപാട് ഫീച്ചറുകളും അനുഭവങ്ങളും ആണ്‌ അദ്ദേഹത്തേപറ്റി വരുന്നത്. എന്നാൽ ഇന്നു വരെ അറിയാത്ത മോഹൻലാലിന്റെ ജീവിതത്തിലെ കുട്ടിക്കാലം മുതൽ ഉള്ള ചരിത്രം എഴുതുകയാണ്‌...