വിദ്യാരംഗം കലാസാഹിത്യ വേദിയുടെയും വിവിധ ക്ലബ്ബുകളുടെയും ഉദ്ഘാടനം നടത്തി

കോതമംഗലം: നെല്ലിമറ്റം സെൻറ് ജോസഫ് യുപി സ്കൂളിൽ വിദ്യാരംഗം കലാ സാഹിത്യ വേദിയുടെയും വിവിധ ക്ലബ്ബുകളുടെയും സംയുക്ത ഉദ്ഘാടനം കാസിസ് കരാട്ടെ അക്കാദമി ഇന്ത്യ പ്രസിഡണ്ടും ഷിറ്റോ റിയോ ഇൻറർനാഷണൽ കരാട്ടെ ചാമ്പ്യൻഷിപ്പ് ബ്രോൺസ് മെഡലിസ്റ്റുമായ സന്തോഷ് അഗസ്റ്റിൻ നിർവഹിച്ചു. സ്കൂൾ മാനേജർ ഫാ. ജോർജ് കുരിശുമൂട്ടിൽ അധ്യക്ഷത വഹിച്ചു.

സ്കൂൾ ഹെഡ്മാസ്റ്റർ വിനു ജോർജ്, എം പി ടി എ ചെയർപേഴ്സൺ ഷീജ ജിയോ എന്നിവർ പ്രസംഗിച്ചു . നെസ്‌ല നഷാബ് സ്വാഗതവും റയാൻ റിജോ നന്ദിയും പറഞ്ഞു . കുട്ടികളുടെ കലാപരിപാടികളും നടത്തി.