കോതമംഗലം : വാരപ്പെട്ടി ഗ്രാമപഞ്ചായത്ത് ആറാം വാർഡ് മെമ്പർ ചെമ്മയത്ത് വീട്ടിൽ സി.കെ അബ്ദുൾ നൂർ(47) ഹൃദയാഘാതം മൂലം മരണപ്പെട്ടു. മൈലൂർ ഉൾപ്പെടുന്ന ആറാം വാർഡിൽ യു.ഡി.എഫ് സ്ഥാനാർഥിയായി മത്സരിച്ചാണ് അബ്ദുൾ നൂർ വിജയിച്ചത്. മൂന്നാറിൽ വെച്ച് ഹൃദയാഘാതം ഉണ്ടായതിനെ തുടർന്ന് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഉച്ചയോടെയാണ് അന്ത്യം സംഭവിച്ചത്. വൈകിട്ട് ആറ് മണിക്ക് വാരപ്പെട്ടി പഞ്ചായത്ത് ഓഫീസിൽ പൊതു ദർശനത്തിന് വെച്ച ശേഷം മൈലൂർ ജുമാ മസ്ജിദിൽ 6 മണിയോടെ ഖബറടക്കം നടത്തും.
ഐക്യരാഷ്ട്രസഭയുടെ (UNDP) വികസന വിഭാഗം പ്രൊജക്റ്റ്‌ ഓഫീസർ, നല്ലൊരു പ്രാസംഗികൻ, മികച്ച യുവജന സന്നദ്ധ പ്രവർത്തകൻ, സാംസ്കാരിക രംഗങ്ങളിലെ നിറസാനിധ്യം, കോതമംഗലം M.A കോളേജ് യൂണിയൻ ജനറൽ സെക്രട്ടറി, കാലടി ശ്രീ ശങ്കര യൂണിവേഴ്സിറ്റി സെന്ററിൽ യൂണിയൻ ചെയർമാൻ എന്നീ നിലകളിൽ പ്രവർത്തിച്ചിട്ടുണ്ട് അബ്ദുൾ നൂർ.
