CHUTTUVATTOM

കിടപ്പു രോഗികൾക്കൊപ്പം പുതുവർഷ ആഘോഷമൊരുക്കി വാരപ്പെട്ടി പഞ്ചായത്ത്

Published

5 months ago

December 30, 2022

kothamangalamnews.com

കോതമംഗലം : പഞ്ചായത്തിലെ കിടപ്പു രോഗികൾക്ക് പ്രത്യേക പരിഗണയും ശ്രുശ്രൂശയും സേവനങ്ങളും എത്തിച്ചു കൊണ്ട് നിരവധി പദ്ധതികളാണ് വാരപ്പെട്ടി പഞ്ചായത്ത് നടപ്പാക്കി വരുന്നത്. ഇതിന്റെ ഭാഗമായിട്ടാണ് പഞ്ചായത്തിന്റെ നേതൃത്വത്തിൽ കിടപ്പു രോഗികളെ അവരുടെ വീടുകളിൽ പോയി പുതു വർഷ ആഘോഷങ്ങളിൽ പങ്കാളികളാക്കുന്നത്. കിടപ്പു രോഗികൾക്കുള്ളേ കേക്ക് വിതരണ ഉത്ഘാടനം
വാരപ്പെട്ടി സി എച്ച് സി യിൽ നടന്ന ചടങ്ങിൽ പഞ്ചായത്ത് പ്രസിഡന്റ് പി.കെ. ചന്ദ്രശേഖരൻ നായർ നിർവ്വഹിച്ചു.

വൈ.പ്രസിഡന്റ് ബിന്ദു ശശി, പഞ്ചായത്ത് അംഗങ്ങളായ പ്രിയ സന്തോഷ്, കെ.കെ. ഹുസൈൻ, കെ.എം. സൈയ്ത്, എം.എസ്. ബെന്നി, ദീപ ഷാജു, ഷജി ബ്ലസി , പഞ്ചായത്ത് സെക്രട്ടറി എം എം ഷംസുദ്ധീൻ , മെഡിക്കൽ ഓഫീസർ ബി സുധാകർ , ആശുപത്രി വികസന സമിതി അംഗളായെ ലെത്തീഫ് കുഞ്ചാട്ട്, കെ.കെ. മണിക്കുട്ടൻ, ആശുപത്രി പി ആർ ഒ സോബിൻ പോൾ, ഹെൽത്ത് ഇൻസ്പെക്ടർ മാരായ സാബു വടക്കൻ, സിനോജ്, പാലി
യേറ്റീവ് നേഴ്സ് ഫാത്തിമ്മ തുടങ്ങിയവർ സംസാരിച്ചു. തുടർന്ന് പഞ്ചായത്തിലെ മുഴുവൻ കിടപ്പു രോഗികളുടെയും വീടുകളിൽഎത്തി അവർക്ക് പുതുവത്സര സന്ദേശങ്ങൾ കൈമാറുകയും കേക്ക് വിതരണം ചെയ്യുകയും ചെയ്തു. പഞ്ചായത്ത് പ്രസിഡന്റ് പി.കെ.ചന്ദ്രശേയരൻ നായരുടെ നേതൃത്വത്തിൽ പഞ്ചായത്ത് അംഗങ്ങൾ, ആശ വർക്കർ മാർ , പാലീയേറ്റീവ് വാളന്റിയർ മാർ എന്നിവരടങ്ങുന്ന സംഘമാണ് കിടപ്പു രോഗികളെ സന്ദർശിച്ചു പുതുവൽസരസന്ദേശങ്ങളും കേക്കുകളും കൈമാറിയത്.

പാട്ടു പാടിയും വിശേഷങ്ങളും അനുഭവങ്ങളും രോഗാവസ്ഥയും പങ്കു വച്ചുളള പഞ്ചായത്തിന്റെ സന്ദർശനം കിടപ്പു രോഗികൾക്ക് വേറിട്ട അനുഭവമായിരുന്നു. സന്ദർശകരായി എത്തിയവർ പാട്ടു പാടിയും രോഗികളുടെ പാട്ടുകൾ കേട്ടു കൊണ്ടും പുത്തൻ പ്രതീക്ഷയോടെ പുതുവൽസര സന്ദേശമാണ് നൽകിയത്.
കിടപ്പ് രോഗികൾക്ക് കൂടുതൽ കരുതലും പരിഗണയും പിന്തുണയും ശ്രുശ്രൂശയും നൽകുന്ന നിരവധി പദ്ധതികളാണ് പഞ്ചായത്ത് നടപ്പാക്കി വരുന്നതെന്നും അതിന്റ ഭാഗമായാണ് ലോക മാകെ പുതുവൽസര ആഘോഷത്തിലുള്ള പോൾ ഇത്തരം പരിപാടികൾ നടത്തുന്നതെന്നും പ്രസിഡന്റ് പി.കെ. ചന്ദ്രശേഖരൻ നായർ പറഞ്ഞു.

CHUTTUVATTOM

പല്ലാരിമംഗലത്ത് കിണറിൽവീണ പോത്തിനെ ഫയർഫോസ് പുറത്തെടുത്തു.

Published

2 hours ago

June 3, 2023

kothamangalamnews.com

കോതമംഗലം : പല്ലാരിമംഗലം പഞ്ചായത്തിൽ കിണറിൽവീണ പോത്തിനെ കോതമംഗലം ഫയർഫോഴ്സ് എത്തി പുറത്തെത്തിച്ചു. രണ്ടാംവാർഡിൽ താമസിക്കുന്ന പുതുവേലിക്കുടി ഹനീഫയുടെ പോത്താണ് മോഡേൺപടിയിൽ താമസിക്കുന്ന മുകളേൽ ഈസയുട കിണറിൽ വീണത്. ഫയർഫോഴ്സ് അസിസ്റ്റന്റ് സ്റ്റേഷൻ ഓഫീസർ പി കെ എൽദോസ്, സീനിയർ ഫയർ ഓഫീസർ പി എം റഷീദ്, ഫയർഫോഴ്സ് ഉദ്യോഗസ്ഥരായ ഷാനവാസ്, അൻവർസാദത്ത്, അഖിൽ, അൻസിൽ, പഞ്ചായത്ത് വൈസ് പ്രസിഡന്റ് ഒ ഇ അബ്ബാസ്, നാട്ടുകാരായ ഹംസ, ഷിയാസ് എന്നിവരുടെ നേതൃത്വത്തിലാണ് പോത്തിനെ പുറത്തെടുത്തത്.

CHUTTUVATTOM

കോഴിപ്പിള്ളി സഹകരണ ബാങ്ക് ഈ വർഷത്തെ സാമൂഹിക ജീവകാരുണ്യ പ്രവർത്തനങ്ങൾക്ക് തുടക്കം കുറിച്ചു.

Published

2 days ago

June 1, 2023

kothamangalamnews.com

കോതമംഗലം : കോതമംഗലം താലൂക്കിലെ
കോഴിപ്പിള്ളി സഹകരണ ബാങ്ക് ഈ വർഷത്തെ സാമൂഹിക ജീവകാരുണ്യ പ്രവർത്തനങ്ങൾക്ക് തുടക്കം കുറിച്ചു. താലൂക്കിലെ പ്രധാന സഹകരണ സ്ഥാപനമായ കോഴിപ്പിള്ളി സഹകരണ ബാങ്ക് ഈ വർഷം നിരവധി സാമൂഹിക ജീവകാരുണ്യ പ്രവർത്തനങ്ങൾക്കായുള്ള പദ്ധതികളാണ് നടപ്പിലാക്കുന്നത്. രോഗികൾക്കുള്ള ചികിത്സാ സഹായം, സർക്കാർ സ്കൂളുകൾക്ക് ഉപകരണങ്ങളും കുട്ടികൾക്കുള്ള പഠനോപകരണങ്ങളുടെയും വിതരണം, ചെറുകിട നാമമാത്ര കർഷകർക്ക് വിവിധ സഹായങ്ങൾ, ബാങ്ക് അംഗങ്ങളുടെ കുട്ടികളിൽ ഉന്നത വിജയം നേടിയവർക്ക് അനുമോദനം എന്നിവയും ഈ വർഷത്തെ സാമൂഹിക പ്രവർത്തന പദ്ധതികളിൽ ഉൾപെടുത്തിയിട്ടുണ്ട്.
കോഴിപ്പിള്ളി സർക്കാർ എൽ പി സ്കൂളിന് പഠനോപകരണങ്ങൾ നൽകി കൊണ്ടാണ് പദ്ധതിയുടെ ഉത്ഘാടനം നടത്തിയത്. വാരപ്പെട്ടി പഞ്ചായത്ത് പ്രസിഡന്റ് ഉത്ഘാടനം നിർവ്വഹിച്ചു. സഹകരണ ബാങ്ക് പ്രസിഡണ്ട് ഹാൻസി പോൾ പഠനോപകരണങ്ങളുടെ വിരണ ഉത്ഘാടനം നടത്തി. പഞ്ചായത്ത് ആരോഗ്യ വിദ്യാഭ്യാസ കമ്മിറ്റി ചെയർമാൻ കെ.എം. സെയ്ത് അധ്യക്ഷത വഹിച്ചു.

കോതമംഗലം ബ്ലോക്ക് പഞ്ചായത്ത് അംഗം ഡയാന നോബി മുഖ്യ പ്രഭാഷണം നടത്തി. പഞ്ചായത്ത് അംഗങ്ങളായ എയ്ഞ്ചൽ മേരി ജോബി, ഷജി ബെസ്സി, പി പി കുട്ടൻ, സ്കൂൾ എച്ച് എം ഫ്രാൻസീസ് ജെ പുന്നോലിൽ, സഹകരണ ബാങ്ക് ഡയറക്ടർ റസാക്ക് കെ.എം, എൽദേസ് കെ.എം , കെ.എൻ.ജയൻ, റഹീം സി എ , സെക്രട്ടറി ഉമാദേവി കെ വി.സ്കൂൾ അദ്ധ്യാപകരായ ശ്രുതി കെ എൻ , അമ്പിളി എൻ ,
ജൻസഖാദർ, അൽഫോൻസാ സി.റ്റി.
പി റ്റി എ പ്രസിഡന്റ് എൻ.വി. ബിനോയ് തുടങ്ങിയവർ സംസാരിച്ചു. ചടങ്ങിൽ സ്കൂളിന്റെ പേരിൽ കോതമംഗലം പ്രസ് ക്ലബ് സെക്രട്ടറിയും കേരള ജേർണലിസ്റ്റ് യൂണിയൻ എറണാകുളം ജില്ലാ പ്രസിഡൻറുമായ
ലെത്തീഫ് കുഞ്ചാട്ടിനെ പഞ്ചായത്ത് പ്രസിഡന്റ് പി കെ. ചന്ദ്രശേഖരൻ നായർ ഉപഹാരം നൽകി അനുമോദിച്ചു.

CHUTTUVATTOM

എം. എ. കോളേജിൽ അദ്ധ്യാപക ഒഴിവ്

Published

1 week ago

May 25, 2023

kothamangalamnews.com

കോതമംഗലം: മാർ അത്തനേഷ്യസ് കോളേജിൽ എം. എസ് സി
ബയോ ഇൻഫോർമാറ്റിക്സ്
വിഭാഗത്തിൽ അധ്യാപക ഒഴിവുണ്ട്. താല്പര്യമുള്ള യോഗ്യരായ ഉദ്യോഗാർഥികൾ സെക്രട്ടറി, എം. എ. കോളേജ് അസോസിയേഷൻ, കോതമംഗലം കോളേജ് പി. ഒ,686666, കോതമംഗലം എന്ന വിലാസത്തിൽ ജൂൺ 3 ശനിയാഴ്ചക്കകം അപേക്ഷിക്കണമെന്ന് പ്രിൻസിപ്പൽ അറിയിച്ചു.

കൂടുതൽ വിവരങ്ങൾക്ക് 0485-2822378, 2822512