കോതമംഗലം : തൃക്കാരിയൂർ ഗവ. എൽ. പി. സ്കൂൾ 120-ാമത്വാർഷികാഘോഷവും യാത്രയയപ്പ് സമ്മേളനം സംഘടിപ്പിച്ചു.പൊതു സമ്മേളനം ആന്റണി ജോൺ എം.എൽ.എ ഉദ്ഘാടനം ചെയ്തു .നെല്ലിക്കുഴി ഗ്രാമപഞ്ചായത്ത് പ്രസിഡന്റ് സനീറ നസീർ അധ്യക്ഷത വഹിച്ചു.സ്റ്റാഫ് പ്രതിനിധി
അശ്വനി എസ്. കുമാർ റിപ്പോർട്ട് അവതരിപ്പിച്ചു. നെല്ലിക്കുഴി ഗ്രാമപഞ്ചായത്ത് വൈസ് പ്രസിഡന്റ് അബു കൊട്ടാരം എൻഡോവ്മെന്റ് വിതരണം ചെയ്തു.
ബ്ലോക്ക് പഞ്ചായത്ത് മെമ്പർ ശ്രീചിത്ര ശ്രീനിവാസ് വിരമിക്കുന്ന പ്രധാന അദ്ധ്യാപികയായ ഷീജ തോമസിനെ ആദരിച്ചു. ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ സൽജ ജോസ് പ്രൊഫിഷൻസി അവാർഡും,വാർഡ് മെമ്പർ സിജി വർഗീസ് സ്കോളർഷിപ്പും വിതരണം ചെയ്തു.ചടങ്ങിൽ കോതമംഗലം സർവീസ് സഹകരണ ബാങ്ക് ബോർഡ് മെമ്പറും പഞ്ചായത്തംഗവുമായ കെ ജി ഷാജി, കോതമംഗലം എ.ഇ.ഒ. സജീവ് കെ.ബി,കോതമംഗലം ബി.പി.സി ബിനിയത്ത് പി.എച്ച്, മുൻ അദ്ധ്യാപിക ഗീതു വി.എം, കോതമംഗലം മുൻ ബി.പി.ഒ എസ്.എം. അലിയാർ,കൊച്ചുവീട്ടിൽ ലക്ഷ്മി ജ്വല്ലറി കെ.പി. ചന്ദ്രബോസ്,ലെൻസ്ഫെഡ് ഏരിയ പ്രസിഡന്റ് ലിജിൻ വി.എം,മാതൃസംഗമം ചെയർപേഴ്സൺ സീന ബേസിൽ,പി.ടി.എ വൈസ് ചെയർപേഴ്സൺ ഹരിത എബി,സ്കൂൾ ലീഡർ ജഗൻ ജെ ആസാദ് എന്നിവർ ആശംസകള് അറിയിച്ചു.
പി.ടി.എ. പ്രസിഡന്റ് കെ. പി. ജയകുമാർ സ്വാഗതവും മാതൃസംഗമം വൈസ് ചെയർപേഴ്സൺ ബിനി രാജേഷ് കൃതജ്ഞതയും രേഖപ്പെടുത്തി. വാർഷിക ത്തോടനുബന്ധിച്ച് കുട്ടികളുടെ വിവിധ കലാപരിപാടികൾ അരങ്ങേറി.
