NEWS
മാര് തോമാ ചെറിയ പള്ളിയുടെ പോളിടെക്നിക് കോളേജിനും പുതിയ കോഴ്സുകള്ക്കും അനുമതി ലഭിച്ചു

കോതമംഗലം: മാര് തോമാ ചെറിയ പള്ളിയുടെ ഉടമസ്ഥതയില് പുതിയ ഒരു പോളിടെക്നിക് കോളേജിനും പുതിയ കോഴ്സുകള്ക്കും (എം സി എ, ബിടെക്ക് ഡാറ്റ സയന്സ്) അനുമതി ലഭിച്ചു. എംബിറ്റ്സ് എന്ജിനീയറിങ് കോളേജ് ( മാര് ബസേലിയോസ് ഇന്സ്റ്റിറ്റ്യൂട്ട് ഓഫ് ടെക്നോളജി & സയന്സ് ) ക്യാമ്പസില് പോളിടെക്നിക്കിന് വേണ്ടി പ്രത്യേകം സൗകര്യങ്ങള് ഒരുക്കിയിട്ടുണ്ട്. ഓള് ഇന്ത്യ കൗണ്സില് ഫോര് ടെക്നിക്കല് എഡ്യൂക്കേഷന്, സാങ്കേതിക സര്വകലാശാല , സ്റ്റേറ്റ് ബോര്ഡ് ഓഫ് ടെക്നിക്കല് എഡ്യൂക്കേഷന് എന്നീ വിഭാഗങ്ങളുടെ പരിശോധനകള് പൂര്ത്തിയാക്കി എല്ലാ അംഗീകാരങ്ങളും നേടിയാണ് കോളേജ് പ്രവര്ത്തനം ആരംഭിക്കുന്നത്. സിവില് എന്ജിനീയറിങ്, മെക്കാനിക്കല് എന്ജിനീയറിങ് , ഇലക്ടറിക്കല് & ഇലക്ട്രോണിക്സ് എന്ജിനീയറിങ് എന്നീ ബ്രാഞ്ചുകള് ആണ് ആരംഭഘട്ടത്തില് അനുമതി ലഭിച്ചിട്ടുള്ളത്. അഡ്മിഷന് നടപടികള് പുരോഗമിച്ചു വരുന്നു. സെപ്തംബര് 15 നുള്ളില് അഡ്മിഷന് പൂര്ത്തിയാകും, സെപ്റ്റംബര് 5, 7 തിയത്തികളിയായി യഥാക്രമം ബിടെക്ക്, ഡിപ്ലോമ ക്ലാസ്സുകള് ആരംഭിക്കും. കോളേജിന്റെയും കോഴ്സുകളുടെയും ഉത്ഘാടനം കോളേജ് വാര്ഷികത്തോട് അനുബന്ധിച്ചു നടക്കും. നിര്ദ്ധനരായ വിദ്യാര്ഥികള്ക്ക് സൗജന്യമായി പഠിക്കുന്നതിനുള്ള സൗകര്യം മാനേജ്മെന്റ് ഏര്പ്പെടുത്തിയിട്ടുണ്ട്. സെപ്തംബര് 5 മുതല് 11 വരെ തീയതികളില് കോളേജില് നേരിട്ടെത്തി സ്പോട്ട് അഡ്മിഷന് എടുക്കാവുന്നതാണ്.
മാര് തോമാ ചെറിയ പള്ളി വികാരി ഫാ. ജോസ് പരത്തുവയലില്, എംബിറ്റ്സ് കോളേജ് സെക്രട്ടറി സി എ കുഞ്ഞച്ചന് ചുണ്ടാട്ട്, ട്രഷറര് സി കെ ബാബു ചെറുപുറം, എന്ജിനീയറിങ് കോളേജ് പ്രിന്സിപ്പല് ഡോ പി സോജന് ലാല്, പോളിടെക്നിക്ക് കോളേജ് പ്രിന്സിപ്പല് പോള്സണ് പീറ്റര്, ആള് കേരള പ്ലേസ്മെന്റ് ഓഫീസേഴ്സ് കണ്സോര്ഷ്യം വൈസ് പ്രസിഡന്റും കോളേജിലെ പ്ലേസ്മെന്റ് ഓഫീസറുമായ ജെന്റി ജോയി, മെക്കാനിക്കല് എന്ജിനീയറിങ് വിഭാഗം മേധാവി പ്രഫ. നിധീഷ് എല്ദോ ബേബി, അഡ്മിഷന് സെല് കോര്ഡിനേറ്റര് ബേസില് എല്ദോസ്, ഷിജു രാമചന്ദ്രന് എന്നിവര് പത്രസമ്മേളനത്തില് പങ്കെടുത്തു.
NEWS
പോലീസ് ഉദ്യോഗസ്ഥനെ വീടിനുള്ളില് തുങ്ങി മരിച്ച നിലയില് കണ്ടെത്തി

മൂവാറ്റുപുഴ: പോലീസ് ഉദ്യോഗസ്ഥനെ വീടിനുള്ളില് തുങ്ങി മരിച്ച നിലയില് കണ്ടെത്തി. കളമശ്ശേരി എ.ആര് ക്യാമ്പിലെ ഡ്രൈവര് എസ്സിപിഒ മുരിങ്ങോത്തില് ജോബി ദാസ്(48)നെയാണ് മരിച്ച നിലയില് കണ്ടെത്തിയത്. റാക്കാട് നാന്തോട് ശക്തിപുരം ഭാഗത്തുള്ള വീട്ടില് ഇന്ന് ഉച്ചയ്ക്ക് 2ഓടെ ജോബി ദാസിനെ തൂങ്ങി മരിച്ച നിലയില് കണ്ടെത്തുകയായിരുന്നു. മൃതദേഹം മൂവാറ്റുപുഴ ജനറല് ആശുപത്രിയില് സൂക്ഷിച്ചിരിക്കുന്ന മൃതദേഹം പോസ്റ്റുമോര്ട്ടത്തിന് ശേഷം ബന്ധുക്കള്ക്ക് വിട്ട് നല്കും. ജോബി ദാസിന്റെതെന്ന് കരുതുന്ന ആത്മഹത്യകുറിപ്പ് പോലീസ് വീട്ടില് നിന്നും കണ്ടെടുത്തു. മരണകാരണം വ്യക്തമല്ല. ഭാര്യ: അശ്വതി. മക്കള്:അദ്വൈധ്, അശ്വിത്.
CRIME
നിർമ്മല കോളേജ് വിദ്യാർത്ഥിനിയെ ബൈക്ക് ഇടിപ്പിച്ച് കൊലപ്പെടുത്തിയ പ്രതിയെ കാപ്പ ചുമത്തി ജയിലിലടച്ചു

മൂവാറ്റുപുഴ: നിർമ്മല കോളേജ് വിദ്യാർത്ഥിനിയെ ബൈക്ക് ഇടിപ്പിച്ച്
കൊലപ്പെടുത്തിയ പ്രതിയെ കാപ്പ ചുമത്തി ജയിലിലടച്ചു. ഏനാനല്ലൂർ
കുഴുമ്പിത്താഴം ഭാഗത്ത്, കിഴക്കെമുട്ടത്ത് വീട്ടിൽ ആൻസൺ റോയ് (23)
യെയാണ് കാപ്പ ചുമത്തി വിയ്യൂർ സെൻട്രൽ ജയിലിൽ അടച്ചത്.
ഓപ്പറേഷൻ ഡാർക്ക് ഹണ്ടിന്റെ ഭാഗമായി ജില്ലാ പോലീസ് മേധാവി
വിവേക് കുമാർ സമർപ്പിച്ച റിപ്പോർട്ടിന്റെ അടിസ്ഥാനത്തിലാണ് നടപടി.
മൂവാറ്റുപുഴ, വാഴക്കുളം എന്നീ പോലീസ് സ്റ്റേഷൻ പരിധികളിൽ
കൊലപാതകശ്രമം, ദേഹോപദ്രവം, അതിക്രമിച്ച് കടന്ന്
നാശനഷ്ടമുണ്ടാക്കുക തുടങ്ങിയ കേസുകളിലും പ്രതിയാണ് ഇയാൾ. 2020
ൽ മൂവാറ്റുപുഴ ചിറപ്പടി ആനിക്കാട് ഭാഗത്ത് ഇയാളും കൂട്ടാളികളും
മയക്ക് മരുന്ന് ഉപയോഗിച്ച് പൊതുജനങ്ങൾക്ക് ബുദ്ധിമുട്ടുണ്ടാക്കുന്നത്
ചോദ്യം ചെയ്ത ഓട്ടോറിക്ഷ ഡ്രൈവറെ കൊലപ്പെടുത്താൻ ശ്രമിച്ച
കേസിലും, 2022 ൽ വാഴക്കുളം മഞ്ഞള്ളൂർ ഭാഗത്തുള്ള ബാറിലെ
ജീവനക്കാരെ കൊലപ്പെടുത്താൻ ശ്രമിച്ച കേസിലും പ്രതിയാണ്. കഴിഞ്ഞ
ജൂലായ് അവസാനം അമിത വേഗതയിലും, അശ്രദ്ധമായും
ലൈസൻസില്ലാതെ ബൈക്ക് ഓടിച്ച് വന്ന് മൂവാറ്റുപുഴ നിർമ്മല
കോളേജിന് മുമ്പിൽ വച്ച് വിദ്യാർത്ഥിനികളായ നമിതയേയും, മറ്റൊരു
ആളെയും ഇടിച്ചു വീഴ്ത്തുകയായിരുന്നു. ഇതിൽ നമിത കൊല്ലപ്പെട്ടു.
കൂടെയുണ്ടായിരുന്ന വിദ്യാർത്ഥിനിക്ക് ഗുരുതര പരിക്കേറ്റു. ഇതിന്
മൂവാറ്റുപുഴ പോലീസ് രജിസ്റ്റർ ചെയ്ത കേസിൽ പ്രതിയായി
മൂവാറ്റുപുഴ സബ് ജയിലിൽ ജുഡീഷ്യൽ കസ്റ്റഡിയിൽ കഴിഞ്ഞ്
വരികെയാണ് കാപ്പ ചുമത്തി സെൻട്രൽ ജയിലിലേയ്ക്ക് മാറ്റിയത്.
കല്ലൂർക്കാട് പോലീസ് ഇൻസ്പെക്ടർ കെ.ഉണ്ണിക്യഷ്ണൻ, സി.പി.
ഒമാരായ ബേസിൽ സ്ക്കറിയ, സേതു കുമാർ, കെ.എം.നൗഷാദ്
എന്നിവരാണ് അറസ്റ്റ് ചെയ്ത് വിയ്യൂർക്ക് മാറ്റിയത്. ഓപ്പറേഷൻ
ഡാർക്ക് ഹണ്ടിന്റെ ഭാഗമായി 89 പേരെ കാപ്പ ചുമത്തി
ജയിലിലടച്ചു. 68 പേരെ നാട് കടത്തി.
NEWS
എം. എ. കോളേജിൽ ലാബ് അസിസ്റ്റന്റ് ഒഴിവ്

കോതമംഗലം: മാർ അത്തനേഷ്യസ് (ഓട്ടോണോമസ് )കോളേജിലെ ബയോസയൻസ് വിഭാഗത്തിലേക്ക് ലാബ് അസിസ്റ്റന്റ്മാരുടെ ഒഴിവുണ്ട്. താല്പര്യമുള്ള യോഗ്യരായവർ ഒക്ടോബർ 9 തിങ്കളാഴ്ച രാവിലെ 10 മണിക്ക് അസ്സൽ സർട്ടിഫിക്കറ്റുമായി എം. എ കോളേജ് അസോസിയേഷൻ സെക്രട്ടറിയുടെ കാര്യാലയത്തിൽ ഹാജരാകണമെന്ന് കോളേജ് പ്രിൻസിപ്പൽ അറിയിച്ചു.
-
CRIME1 week ago
നിരന്തര കുറ്റവാളിയായ കോതമംഗലം സ്വദേശിയെ കാപ്പ ചുമത്തി നാട് കടത്തി
-
NEWS5 days ago
കോതമംഗലം നഗരത്തിലെ വിവിധ ഹോട്ടലുകളിൽ മിന്നൽ പരിശോധന : പഴകിയ ഭക്ഷണസാധനങ്ങൾ പിടിച്ചെടുത്തു.
-
CRIME1 week ago
കോതമംഗലത്ത് വൻ ചീട്ടുകളി സംഘം പിടിയിൽ
-
CRIME1 day ago
നിരന്തര കുറ്റാവാളിയെ കാപ്പ ചുമത്തി നാട് കടത്തി
-
NEWS7 hours ago
പോലീസ് ഉദ്യോഗസ്ഥനെ വീടിനുള്ളില് തുങ്ങി മരിച്ച നിലയില് കണ്ടെത്തി
-
NEWS4 days ago
സഞ്ചാര സ്വാതന്ത്ര്യം തടഞ്ഞ് വനം വകുപ്പ് : മാമലക്കണ്ടത്ത് സംഘർഷാവസ്ഥ
-
NEWS1 week ago
എന്റെ കോതമംഗലം എക്സ്പോ-23 ആരംഭിച്ചു
-
NEWS1 week ago
കാട്ടാന ശല്യം ഉണ്ടായ പ്രദേശങ്ങൾ ആന്റണി ജോൺ എം എൽ എ സന്ദർശിച്ചു