കോതമംഗലം: വടാട്ടുപാറയില്‍ വന്യ മൃഗ ശല്യം രൂക്ഷമായ മേഖലയില്‍ ഹാങ്ങിങ് ഫെന്‍സിങ് സ്ഥാപിക്കുന്ന പ്രവര്‍ത്തി ആരംഭിച്ചു. 7 കിലോമീറ്റര്‍ ദൂരത്തില്‍ 18 ലക്ഷം രൂപ ചിലവഴിച്ച് മീരാന്‍ സിറ്റി മുതല്‍ പലവന്‍ പടി വരെ ഹാങ്ങിങ് ഫെന്‍സിങ് നിര്‍മ്മാണ പ്രവര്‍ത്തനങ്ങളുടെ ഉദ്ഘാടനം ആന്റണി ജോണ്‍ എം എല്‍ എ നിര്‍വഹിച്ചു. പഞ്ചായത്ത് പ്രസിഡന്റ് കാന്തി വെള്ളക്കയന്‍ അധ്യക്ഷത വഹിച്ചു.റെയ്ഞ്ച് ഓഫീസര്‍ വിനോദ് കുമാര്‍, ഡെപ്യൂട്ടി റെയ്ഞ്ച് ഓഫീസര്‍ ശ്രീധരന്‍, പി കെപൗലോസ്, പി എ അനസ്,എ ബി ശിവന്‍, സജി തോമസ്, പി ജെ ഷിബി, കെ എസ് ബിനോയി,ബിജു വര്‍ഗീസ് എന്നിവര്‍ പ്രസംഗിച്ചു.സമയബന്ധിതമായി പ്രവര്‍ത്തികള്‍ പൂര്‍ത്തീകരിക്കുമെന്ന് എംഎല്‍എ പറഞ്ഞു.
