Connect with us

Hi, what are you looking for?

NEWS

തങ്കളം – കോഴിപ്പിള്ളി ന്യൂ ബൈപ്പാസിൻറെ ആദ്യ റീച്ച് ഗതാഗതത്തിനായി തുറന്നു കൊടുത്തു

കോതമംഗലം : തങ്കളം – കോഴിപ്പിള്ളി ന്യൂ ബൈപ്പാസിൻറെ ആദ്യ റീച്ച് ആന്റണി ജോൺ എം എൽയുടെ നേതൃത്വത്തിൽ ഗതാഗതത്തിനായി തുറന്നു കൊടുത്തു. തങ്കളം ലോറി സ്റ്റാൻഡ് മുതൽ കലാ ഓഡിറ്റോറിയം വരെ വരുന്ന ആദ്യ റീച്ചാണ് ഇന്നുമുതൽ ഗതാഗതത്തിനായി തുറന്നു കൊടുത്തത് . കന്നി ഇരുപത് പെരുന്നാളിൻറെകൂടി സാഹചര്യം പരിഗണിച്ചാണ് റോഡ് ഇന്ന് മുതൽ ഗതാഗതത്തിനായി തുറന്നു കൊടു ത്തിട്ടുള്ളത് . ഒന്നാം പിണറായി സർക്കാരിൻറെ 2019 -20 സംസ്ഥാന ബഡ്ജറ്റിൽ നാലര കോടി രൂപയാണ് ആദ്യ റീച്ചിൻറെ നിർമ്മാണത്തിനായി അനുവദിച്ചിരുന്നത് . റോഡ് ഫോർമേഷനും ബി എം ആൻഡ് ബി സി ടാറിങ്ങും മറ്റ് അനുബന്ധ നിർമ്മാണ പ്രവർത്തനങ്ങളും ഇതിനോടകം പൂർത്തീകരിച്ചിട്ടുണ്ട് . ഫുട്ട് പാത്തിന്റെ അവശേഷിക്കുന്ന 20 % നിർമ്മാണ പ്രവർത്തനങ്ങൾ കൂടി പൂർത്തിയായതിന് ശേഷം പൊതുമരാമത്ത് വകുപ്പ് മന്ത്രി പങ്കെടുത്തു കൊണ്ട് ആദ്യ റീച്ചിന്റെ ഔദ്യോഗിക ഉദ്‌ഘാടനം നടത്തുമെന്ന് ആന്റണി ജോൺ എം എൽ എ പറഞ്ഞു . 10 കോടി ചിലവഴിച്ചുള്ള രണ്ടാം റീച്ചിലെ ( കലാ ഓഡിറ്റോറിയം മുതൽ കോഴിപ്പിള്ളി വരെ ) നിർമ്മാണ പ്രവർത്തനങ്ങൾ പുരോഗമിക്കുകയാണെന്നും എം എൽ എ പറഞ്ഞു . മുനിസിപ്പൽ സ്റ്റാന്റിംഗ് കമ്മിറ്റി ചെയർമാൻമാരായ കെ എ നൗഷാദ് , കെ വി തോമസ്, വാർഡ് കൗൺസിലർ ഏലിയാമ്മ ജോർജ്, എം പി ഐ ചെയർമാൻ ഇ കെ ശിവൻ , സർക്കിൾ ഇൻസ്‌പെക്ടർ ബിജോയ് പി റ്റി , പൊതുമരാമത്ത് അസിസ്റ്റൻറ് എൻജിനീയർ അരുൺ എം എസ് , സജി മാടവന,നിധിൻ കുര്യൻ എന്നിവരും എം എൽ എ യോടൊപ്പം ഉണ്ടായിരുന്നു.

You May Also Like

CRIME

പെരുമ്പാവൂർ; ഓപ്പറേഷൻ ക്ലീൻ പെരുമ്പാവൂർ പദ്ധതിയുടെ ഭാഗമായി നടത്തിയ പരിശോധനയിൽ രണ്ടേകാൽ കിലോ കഞ്ചാവുമായി ഒഡിഷ സ്വദേശി പിടിയിൽ. ഒഡീഷ കണ്ടമാൽ സ്വദേശി രാഹുൽ ഡിഗൽ (29) നെയാണ് പെരുമ്പാവൂർ എഎസ് പി...

NEWS

കോതമംഗലം : കോതമംഗലം മാർ അത്തനേഷ്യസ് കോളേജിൽ റിസേർച്ച് കമ്മിറ്റി, ഐ ക്യു എ സി എന്നിവയുടെ സഹകരണത്തോടെ റിസേർച്ച് സ്കോളേഴ്സ് മീറ്റ് സംഘടിപ്പിച്ചു. ചടങ്ങിന്റെ ഉദ്ഘാടനം കോട്ടയം എം. ജി. യൂണിവേഴ്സിറ്റി...

NEWS

മലയോരമേഖല നേരിടുന്ന വന്യമൃഗ ആക്രമണങ്ങളും, കൃഷിനാശവും ജനജീവിതം ദുസ്സഹമാക്കിയിരിക്കുമ്പോൾ രാത്രിയിൽ പുറത്തിറങ്ങാൻപോലുമാവാതെ ആദിവാസികൾ അടക്കമുള്ള കാർഷിക മേഖല. ഇനിയും വൈദുതി എത്തിയിട്ടില്ലാത്ത മലയോരമേഖലകളിൽ റേഷൻ കടകൾ വഴി കിട്ടിയിരുന്ന മണ്ണെണ്ണ പൂർണ്ണമായി നിലച്ചിട്ട്...

NEWS

കോതമംഗലം: സെന്റ് അഗസ്റ്റിൻസ് ഗേൾസ് ഹയർസെക്കൻഡറി സ്കൂളിന്റെയും, കോതമംഗലം താലൂക്ക് ലീഗൽ സർവീസസ് കമ്മറ്റിയുടെയും, കേരള ജേർണലിസ്റ്റ് യൂണിയന്റെയും സംയുക്താഭിമുഖ്യത്തിൽ, സെന്റ് അഗസ്റ്റിൻസ് സ്കൂളിൽ വച്ച് വായന മാസാചരണം, കോതമംഗലം മജിസ്ട്രേറ്റും താലൂക്ക്...