Connect with us

Hi, what are you looking for?

NEWS

തങ്കളത്തെ വെള്ളക്കെട്ടിനു ശാശ്വത പരിഹാരം ഉണ്ടാകണം; റവന്യൂ അധികാരികൾക്ക് സങ്കട ഹർജി നല്കി.

കോതമംഗലം: തങ്കളം ബൈപാസ് ജംഗ്ഷനിലേയും, റോട്ടറി ഭവൻ സമീപ പ്രദേശങ്ങളിലേയും വെള്ളക്കെട്ടിനു ഉടൻ പരിഹാരം ഉണ്ടാക്കണമെന്ന് ആവശ്യപ്പെട്ടു കൊണ്ട് മർച്ചൻ്റ് അസ്സോസിയേഷൻ, റസിഡൻ്റ്സ് അസ്സോസിയേഷൻ, ആട്ടോമൊബൈൽ വർക് ഷോപ് അസ്സോസിയേഷനും സംയുക്തമായി അൻപത്തി ഏഴു പേർ ഒപ്പിട്ട സങ്കട ഹർജി ജോർജ് എടപ്പാറ, ബിനു ജോർജ്, കെ.ഒ ഷാജി എന്നിവർ ചേർന്നു കോതമംഗലം തഹസീൽദാർ റെയ്ച്ചൽ കെ വർഗീസിനു നല്കി.

ഒറ്റപ്പെട്ട മഴയിൽ പോലും തങ്കളം ബൈപാസ് ജംഗ്ഷനും, റോട്ടറി ഭവൻ്റെ സമീപമുള്ള സ്ഥാപനങ്ങളിലും, വീടുകളിലും, കിണറുകളിലും അഴുക്കു വെള്ളം കയറുന്ന സ്ഥിതിയാണ്.സ്ഥാപനങ്ങളിലും, വീടുകളിലും, കിണറുകളിലും വെള്ളം കയറുന്നതുമൂലം സാമ്പത്തിക നഷ്ടവും, തൊഴിൽ നഷ്ടവും ഉണ്ടാകുന്നു. റോട്ടറി ഭവൻ്റെ സമീപത്തെ ഒരു കുടുംബം വെള്ളപ്പൊക്ക ദുരിതം മൂലം അവിടെ നിന്നും താമസം മാറ്റി. മഴ പെയ്താൽ വാഹനങ്ങൾക്കും, കാൽനടയാത്രക്കാർക്കും, വിദ്യാർത്ഥികൾക്കും പുറത്തിറങ്ങാൻ സാധിക്കുന്നില്ല. അതു കൊണ്ട് തങ്കളത്തെ വെള്ളക്കെട്ടിന് ശാശ്വത പരിഹാരം കണ്ടെത്തണം.

തങ്കളം കാക്കനാട് നാലുവരിപാതയുടെ നിർമ്മാണത്തിനു മുൻപ് പാടശേഖരത്തിൻ്റെ രണ്ടു വശങ്ങളിലെ തോട്ടിൽകൂടി ഒഴുകിയിരുന്ന വെള്ളം ഒരു വശത്തെ തോട്ടിൽ കൂടി ഒഴുകുന്നതും , തോടു കൈയേറ്റവും വെള്ളക്കെട്ടിനു കാരണമാകുന്നു. രണ്ടു തോടുകളും പഴയ കാല വീതിയിൽ പുനസ്ഥാപിച്ച് ജവഹറിനു സമീപം കോതമംഗലം തോട്ടിലേക്ക് വെള്ളം ഒഴുകുന്നതിനു വേണ്ട പ്രവർത്തനങ്ങൾ നടത്തേണ്ടതാണ്. റവന്യൂ ഉദ്യോഗസ്ഥർ അളന്നു തിട്ടപ്പെടുത്തിയ പുറമ്പോക്ക് ഒഴിപ്പിക്കുക. തങ്കളം കാക്കനാട് റോഡിനു കുറുകെ കലുങ്ക് സ്ഥാപിക്കുക. എന്നീ നിർമ്മാണ പ്രവർത്തനങ്ങളും നടത്തിയാൽ വെള്ളക്കെട്ടിനു ശാശ്വത പരിഹാരം ഉണ്ടാകും.

You May Also Like

NEWS

കോതമംഗലം : കെ എസ് എസ് പി യു കോതമംഗലം ഈസ്റ്റ് ബ്ലോക്ക് വാർഷിക സമ്മേളനം ആന്റണി ജോണി എം എൽ എ ഉദ്ഘാടനം ചെയ്തു. ബ്ലോക്ക് പ്രസിഡന്റ് എം വി കുര്യാക്കോസ്...

NEWS

പിണ്ടിമന: പിണ്ടിമന ഗ്രാമപഞ്ചായത്തില്‍ മെന്‍സ്ട്രുവല്‍ കപ്പ് പദ്ധതി ഉദ്ഘാനവും ബോധവത്കരണ ക്ലാസും സംഘടിപ്പിച്ചു.മെഡിക്കല്‍ ഓഫീസര്‍ ഡോ.അഭിലാഷ് കൃഷ്ണന്‍ സ്വാഗതം പറഞ്ഞു.വൈസ് പ്രസിഡന്റ് ശ്രീ.ജയിസന്‍ ദാനിയേല്‍ അദ്ധ്യക്ഷനായ യോഗം പ്രസിഡന്റ് ശ്രീമതി.ജെസി സാജു ഉദ്ഘാടനം...

NEWS

കോതമംഗലം : ജോലിക്കിടെ കൈവിരലുകൾ യന്ത്രത്തിൽ കുരുങ്ങി എറണാകുളം മെഡിക്കൽ ട്രസ്റ്റ് ആശുപത്രിയിൽ ചികിത്സയിൽ കഴിയുന്ന അടിവാട് തെക്കേകവല സ്വദേശിയായ യുവാവിന്റെ ചികിത്സക്കായി അടിവാട് ഹീറോ യംഗ്സ് ക്ലബ്ബ് സമാഹരിച്ച തുക പഞ്ചായത്ത്...

NEWS

കോതമംഗലം: പെരിയാറില്‍ യുവാവ് ഒഴുക്കില്‍പ്പെട്ട് മുങ്ങിമരിച്ചു. കോതമംഗലത്തിന് സമീപം വേട്ടാമ്പാറ ഭാഗത്ത് പെരിയാറില്‍ കുളിക്കാന്‍ ഇറങ്ങിയ, കണ്ണൂര്‍ ഏഴിമല കരിമ്പാനില്‍ ജോണിന്റെ മകന്‍ ടോണി (38) ആണ് മരിച്ചത്. കൊച്ചി മെട്രോ ട്രാഫിക്...