Connect with us

Hi, what are you looking for?

NEWS

കോതമംഗലം ടൗണില്‍ തെരുവുനായ് ആക്രണം: എട്ടുപേര്‍ക്ക് പരിക്ക്

കോതമംഗലം ടൗണില്‍ തെരുവുനായ് ആക്രണം. ടൗണിലെ വിവിധയിടങ്ങളിലായി എട്ടുപേര്‍ക്കാണ് പരിക്കേറ്റത്. ഒരേ നായ് ആണ് എട്ടുപേരെയും ആക്രമിച്ചത്. ഇന്ന് രാവിലെയാണ് കോതമംഗലം ടൗണിനെ പരിഭ്രാന്തിയിലാഴ്ത്തികൊണ്ട് തെരുവുനായയുടെ പരാക്രമം ഉണ്ടായത്. കോതമംഗലം അമ്പലത്തറ ഭാഗത്ത് പള്ളിയില്‍ പോയി മടങ്ങി വരുകയായിരുന്ന സ്ത്രീയെയാണ് ആദ്യം നായ് ആക്രമിച്ചത്. നടന്നുപോകുന്നതിനിടെ പിന്നില്‍ നിന്ന് എത്തി തെരുവുനായ് കടിക്കുകയായിരുന്നു. ഇതിനുശേഷം ഇതേ നായ തന്നെ കോതമംഗലം ടൗണിലെത്തി പലരെയും കടിച്ചു.

എന്‍റെ നാട് സൂപ്പര്‍ മാര്‍ക്കറ്റ് പരിസരത്ത് വെച്ചാണ് കൂടുതല്‍ പേര്‍ക്ക് പരിക്കേറ്റത്. നടന്നുപോകുന്നതിനിടെ പിന്നില്‍ നിന്ന് വന്ന് ചറപറാന്ന് നായ് കടിക്കുകയായിരുന്നുവെന്നും നാലഞ്ച്  തവണ കടിച്ചുവെന്നും പരിക്കേറ്റ സ്ത്രീ പറഞ്ഞു. സ്കൂട്ടറില്‍ നിന്ന് ഇറങ്ങാൻ ശ്രമിക്കുന്നതിനിടെ മറ്റൊരു യുവതിയെയും പച്ചക്കറി വാങ്ങിയശേഷം കാറില്‍ കയറാൻ ശ്രമിക്കുന്നതിനിടെ മറ്റൊരാളെയും നായ് ആക്രമിച്ചു.

എട്ടുപേരും കോതമംഗലം താലക്ക് ആശുപത്രിയില്‍ ചികിത്സ തേടി. പേവിഷ ബാധയ്ക്കെതിരായ വാക്സിന്‍റെ കുറവുള്ളതിനാല്‍ നാലുപേരെ മൂവാറ്റുപ്പുഴ താലൂക്ക് ആശുപത്രിയിലേക്ക് കൊണ്ടുപോകേണ്ട സാഹചര്യവുമുണ്ട്. അവിടെ എത്തിച്ചശേഷം ഇവര്‍ക്കും വാക്സിൻ നല്‍കും. ആക്രമകാരിയായ നായ് ടൗണിന്‍റെ ഒരു ഭാഗത്ത് അവശനിലയില്‍ കിടക്കുന്നുണ്ടെന്ന് നാട്ടുകാര്‍ പറഞ്ഞു. ആദ്യമായാണ് കോതമംഗലം ടൗണില്‍ ഇത്രയധികം പേര്‍ക്കുനേരെ തെരുവുനായ് ആക്രമണം ഉണ്ടായതെന്നും നാട്ടുകാര്‍ പറഞ്ഞു.

You May Also Like

CRIME

കോതമംഗലം: അടയ്ക്ക മോഷ്ടാക്കൾ അറസ്റ്റിൽ. ഇരമല്ലൂർ ചെറുവട്ടൂർ ഉരംകുഴി പള്ളിപ്പടി ഭാഗത്ത് മോനിക്കാട്ടിൽ വീട്ടിൽ സത്താർ (30), ചെറുവട്ടൂർ സ്കൂൾപ്പടി ഭാഗത്ത് പഴയവീട്ടിൽ മനൂപ് (24) എന്നിവരെയാണ് കോതമംഗലം പോലീസ് അറസ്റ്റ് ചെയ്തത്....

NEWS

കോതമംഗലം: റബ്ബർ ബോർഡ് ഡെവലെപ്മെൻ്റ് ഓഫീസ് കോഴിപ്പാളി പാർക്ക് ജംങ്ഷനിൽ കാനറാബാങ്കിന് സമീപമുള്ള അതിരംപുഴ ബിൽഡിങ്ങിലേക്ക് മാറ്റി പ്രവർത്തനം ആരംഭിച്ചു. മുവാറ്റുപുഴ റബ്ബർ ബോർഡ് റീജി യണൽ ഓഫീസിലെ ഡെപ്യൂട്ടി റബ്ബർ പ്രൊഡക്ഷൻ...

NEWS

കോതമംഗലം: കോതമംഗലം നിയമസഭാ മണ്ഡല ശാസ്ത്ര ക്വിസ് സംഘടിപ്പിച്ചു. യുവജനക്ഷേമ ബോർഡും അവളിടം ക്ലബ്ബും ചേർന്ന് യുവജനങ്ങളിൽ ശാസ്ത്രബോധം, ചരിത്ര ബോധം യുക്തിചിന്ത എന്നിവ വളർത്തുന്നതിനായി സംഘടിപ്പിച്ച ക്വിസ് കോതമംഗലം ഗവ ടൗൺ...

NEWS

കോതമംഗലം: കെ.സി.ബി.സി. മദ്യവിരുദ്ധസമിതി, ഗ്രീൻ വിഷന്‍-കേരള, മദ്യവിരുദ്ധ ഏകോപന സമിതി, സജീവം ലഹരിവിരുദ്ധ ക്യാമ്പയിന്‍, എന്നിവയുടെ സംയുക്ത ആഭിമുഖ്യത്തില്‍ സംസ്ഥാന സർക്കാരിൻറെ വികലമായ മദ്യനയത്തിനെതിരെ കോതമംഗലം എക്സൈനസ് ഓഫീസിനു മുന്നിൽ നില്‍പ്പു സമരം...