Connect with us

Hi, what are you looking for?

NEWS

വന്യമൃഗ ശല്യം തടയാന്‍ സ്വീകരിച്ചുവരുന്ന നടപടികള്‍ കൂടുതല്‍ കാര്യക്ഷമമായി മുന്നോട്ടു കൊണ്ടുപോകും: താലൂക്ക് വികസന സമിതി യോഗം

കോതമംഗലം : കോതമംഗലം താലൂക്ക്‌ വികസന സമിതി യോഗം ആന്റണി ജോണ്‍, എം എല്‍ എ യുടെ അദ്ധ്യക്ഷതയില്‍ മിനി സിവില്‍ സ്റ്റേഷന്‍ ഹാളില്‍ ചേര്‍ന്നു. കോതമംഗലം താലൂക്കിലെ വിവിധ പ്രദേശങ്ങളിലെ വന്യമൃഗശല്യം തടയാന്‍ സ്വീകരിച്ചുവരുന്ന നടപടികള്‍ കൂടുതല്‍ കാര്യക്ഷമമായി മുന്നോട്ട്‌ കൊണ്ടുപോകണമെന്ന്‌ യോഗം ആവശ്യപ്പെട്ടു. താലൂക്കിലെ അഞ്ച്‌ പഞ്ചായത്തുകളില്‍ വന്യമൃഗശല്യം രൂക്ഷമായതുകൊണ്ട്‌ ഫലപ്രദമായ നടപടികളും പ്രതിരോധ മാര്‍ഗങ്ങളും സ്വീകരിക്കണമെന്ന് യോഗം നിര്‍ദ്ദേശിച്ചു. താലൂക്കിലെ വിവിധ പ്രദേശങ്ങളില്‍ പ്രകൃതിക്ഷോഭം മൂലമുണ്ടായ കൃഷിനാശങ്ങള്‍ക്ക്‌ വേഗത്തില്‍ നഷ്ടപരിഹാരം നല്‍കണമെന്ന്‌ യോഗം ആവശ്യപ്പെട്ടു. പ്രകൃതിക്ഷോഭം മൂലവും വന്യമൃഗ ശല്യം മൂലവും ഉണ്ടാകുന്ന കൃഷി നാശനഷ്ടങ്ങള്‍ക്ക്‌ നഷ്ടപരിഹാരം നല്‍കണമെന്നും യോഗം തീരുമാനിച്ചു. കോതമംഗലം നഗരത്തില്‍ കഴിഞ്ഞ ദിവസങ്ങളില്‍ ഉണ്ടായ ശക്തമായ മഴയില്‍ പല പ്രദേശങ്ങളിലും വെള്ളക്കെട്ട്‌ രൂപപ്പെടുകയുണ്ടായി. ടി പ്രദേശങ്ങളില്‍ ദേശീയപാത – പൊതുമരാമത്ത്‌ – മുന്‍സിപ്പാലിറ്റി – റവന്യൂ അധികൃതര്‍ അടിയന്തിര സ്ഥലപരിശോധന നടത്തുവാന്‍ യോഗം നിര്‍ദ്ദേശിച്ച വേട്ടാമ്പാറ പ്രദേശം അടക്കം താലൂക്കിലെ പല പ്രദേശങ്ങളിലും അവധി ദിവസങ്ങളില്‍ ട്രിപ്പ്‌ മുടക്കുന്ന കെഎസ്‌.ആര്‍.ടി. സി യൂടെ നടപടി അവസാനിപ്പിക്കണമെന്ന്‌ യോഗം നിര്‍ദ്ദേശിച്ചു.താലൂക്കിലെ പല ഹോട്ടലുകളില്‍ നിന്നും പഴകിയ ഭക്ഷണം പിടിക്കുന്നത്‌ സംബന്ധിച്ചുള്ള കേസുകളില്‍ വ്യക്തമായ നടപടികള്‍ സ്വീകരിക്കുവാന്‍ ഫുഡ്‌ & സേഫ്റ്റി വകുപ്പ്‌ അധികാരികള്‍ക്ക്‌ നിര്‍ദ്ദേശം നല്‍കി. റോഡുകളുടെ അറ്റകുറ്റപണികള്‍, ഡംബിംഗ്‌ യാര്‍ഡിന്റെ ശോചനീയാവസ്ഥ, ഓടകളുടെ ശുചീകരണം എന്നിവ യോഗം ചര്‍ച്ച ചെയ്തു. ബഹു. മുഖ്യമന്ത്രിയും മന്ത്രിമാരും പങ്കെടുക്കുന്ന നവകേരള സദസ്സിന്റെ മുന്നൊരുക്കങ്ങൾ കോതമംഗലം മണ്ഡലത്തില്‍ ഊർജിതമായി നടക്കുന്നതായും മണ്ഡലതല സംഘാടകസമിതിയും മുന്‍സിപ്പല്‍ – പഞ്ചായത്ത്‌ തല സംഘാടകസമിതികളും ഇതിനോടകം പൂര്‍ത്തീകരിച്ചതായും മണ്ഡലസദസ്സിന്റെ വിജയത്തിനായി പന്ത്രണ്ട്‌ സബ്‌ കമ്മറ്റികളുടെ നേതൃത്വത്തില്‍ ചിട്ടയായ പ്രവര്‍ത്തനം നടന്നുവരുന്നതായും ഡിസംബര്‍ 10 ‘ലെ കോതമംഗലത്തെ മണ്ഡല സദസ്സ്‌ വന്‍ ജനപങ്കാളിത്തത്തോടെ ഒരു ചരിത്ര സംഭവമായി മാറുമെന്നും യോഗത്തില്‍ എം.എല്‍.എ പറഞ്ഞു. നവകേരള സദസ്സുമായി ബന്ധപ്പെട്ടു കൊണ്ടുള്ള ഇതുവരെയുള്ള പ്രവര്‍ത്തനങ്ങള്‍ യോഗം ചര്‍ച്ച ചെയ്തു.കോതമംഗലം തഹസില്‍ദാര്‍ റേച്ചല്‍ കെ. വര്‍ഗീസ്‌, മുനിസിപ്പൽ ചെയര്‍മാൻ കെ.കെ ടോമി, വാരപ്പെട്ടി ഗ്രാമപഞ്ചായത്ത്‌ പ്രസിഡന്റ്‌ പി.കെ ചന്ദ്രശേഖരന്‍ നായർ , കീരംപാറ പഞ്ചായത്ത്‌ പ്രസിഡന്റ്‌ മാമ്മച്ചന്‍ ജോസഫ്‌, പിണ്ടിമന പഞ്ചായത്ത്‌ പ്രസിഡന്റ്‌ ജെസി സാജു, കോതമംഗലം നഗരസഭ വികസനകാര്യ സ്റ്റാന്‍ഡിംഗ്‌ കമ്മറ്റി ചെയര്‍മാന്‍ കെ.എം നൗഷാദ് , മുവാറ്റുപുഴ എം.എല്‍.എ പ്രതിനിധി അജു മാത്യൂ,വിവിധ രാഷ്ട്രീയ പാര്‍ട്ടി പ്രതിനിധികള്‍,വകുപ്പു മേധാവികള്‍ തുടങ്ങിയവർ യോഗത്തില്‍ പങ്കെടുത്തു.

You May Also Like

NEWS

തടത്തിക്കവല :എൽ ഡി എഫ് സ്ഥാനാർഥി ജോയ്സ് ജോർജിന്റെ കോതമംഗലം, മൂവാറ്റുപുഴ മണ്ഡലങ്ങളിലെ അവസാനഘട്ട പര്യടനത്തിന് തടത്തിക്കവലയിൽ തുടക്കം. പച്ചക്കറി തൈകളും അമ്പും വില്ലും നൽകി ജോയ്സ് ജോർജിനെ പ്രവർത്തകർ സ്വീകരിച്ചു. രാജ്യത്ത്...

NEWS

കോതമംഗലം: പ്രാര്‍ത്ഥനയോടെ വോട്ടവകാശം വിനിയോഗിക്കേണ്ടത് കാലഘട്ടത്തിന്റെ ആവശ്യമെന്ന് കോതമംഗലം ബിഷപ് മാര്‍ ജോര്‍ജ് മഠത്തിക്കണ്ടത്തില്‍. കോതമംഗലം രൂപത പാസ്റ്റല്‍ കൗണ്‍സില്‍ സമ്മേളനം മൂവാറ്റുപുഴ നെസ്റ്റ് പാസ്റ്ററല്‍ സെന്ററില്‍ ഉദ്ഘാടനം ചെയ്യുകയായിരുന്നു അദ്ദേഹം. ആധുനിക...

NEWS

പൈങ്ങോട്ടൂർ: ബസ് ഉടമയെ ആക്രമിച്ച കേസിൽ ഒരാൾ അറസ്റ്റിൽ. കടവൂർ പൈങ്ങോട്ടൂർ കൊമ്പനാൽ വീട്ടിൽ ജോമേഷ് (40) നെയാണ് പോത്താനിക്കാട് പോലീസ് അറസ്റ്റ് ചെയ്തത്. 20 ന് വെകീട്ട് പൈങ്ങോട്ടൂർ ഗാന്ധി സ്ക്വയറിന്...

NEWS

മൂവാറ്റുപുഴ: പാലക്കുഴയില്‍ ബിജെപിയുടെ താല്‍ക്കാലിക തെരഞ്ഞെടുപ്പ് ഓഫീസ് തീയിട്ട് നശിപ്പിച്ച നിലയില്‍. പഞ്ചായത്ത് കമ്മറ്റി നിര്‍മ്മിച്ച ബിജെപിയുടെ താല്‍ക്കാലിക തെരഞ്ഞെടുപ്പ് ഓഫീസാണ് ഇന്നലെ രാത്രിയില്‍ തീയിട്ട് നശിപ്പിച്ചത്. ഇന്നലെ രാത്രിയിലും പ്രവര്‍ത്തകരെത്തി സജീവമായിരുന്ന...