Connect with us

Hi, what are you looking for?

NEWS

മാർ ബേസിൽ സ്കൂളിൽ സീഡിന്റെ സ്വാപ്പ് ഷോപ്പ്

കോതമംഗലം: മാർ ബേസിൽ ഹയർ സെക്കൻഡറി സ്കൂളിൽ സീഡ് ക്ലബ്ബിന്റെ നേതൃത്വത്തിൽ
‘സ്വാപ്പ് ഷോപ്പ് ‘ഉദ്ഘാടനം ചെയ്തു.ഉപയോഗിച്ചതും അല്ലാത്തതുമായ പലതരം സാധനങ്ങൾ പ്രയോജനമില്ലെങ്കിലും പലരും വീട്ടിൽ സൂക്ഷിച്ചിട്ടുണ്ടാവും. അതെല്ലാം പ്രയോജനപ്പെടുത്തുന്നവരുടെ കൈകളിൽ എത്തിക്കുന്നതിനായി ഒരു ‘സ്വാപ്പ് ഷോപ്പ് ആണ് സ്കൂളിൽ ഒരുക്കിയിരിക്കുന്നത് . ഒട്ടും പഴക്കമാകാത്ത വസ്ത്രങ്ങൾ , ബാഗ് , കുട , പാത്രങ്ങൾ , ചെരുപ്പ് , പഠനോപകരണങ്ങൾ ,കരകൗശല വസ്തുക്കൾ , ആഭരണങ്ങൾ തുടങ്ങി ഉപയോഗയോഗ്യമായതെന്തും ഇവിടെ ലഭ്യമാണ്. തികച്ചും സൗജന്യമായി കിട്ടുന്നവയ്ക്ക് പൊതുവേ വില കല്പിക്കാറില്ലെന്നു മാത്രമല്ല ചിലർക്ക് അപകർഷതാബോധവും ഉണ്ടാകാം. ഇതൊഴിവാക്കാൻ വളരെ നിസ്സാരമായ 5 ,10 ,20 ,40,
50, 100 എന്നിങ്ങനെ തുച്ഛമായ വില നിശ്ചയിച്ചാണ് സാധനങ്ങൾ കൈമാറുന്നത്. എറണാകുളം ജില്ലാ പഞ്ചായത്ത് പ്രസിഡൻറ് മനോജ് മൂത്തേടൻ സ്വാപ്പ് ഷോപ്പിന്റെ ഉദ്ഘാടനം നിർവഹിച്ചു.

കുട്ടികൾക്കും രക്ഷിതാക്കൾക്കും മാത്രമല്ല ആവശ്യമുള്ളവർക്കെല്ലാം സാധനങ്ങൾ വാങ്ങാൻ അവസരം ഉണ്ടായിരിക്കും. തിങ്കൾ മുതൽ വെള്ളി വരെ (5 ദിവസം) മാത്രമേ ഷോപ്പിന്റെ പ്രവർത്തനം ഉണ്ടായിരിക്കുകയുള്ളൂ. പ്രയോജനപ്രദമാണെങ്കിൽ വരും വർഷങ്ങളിലും ഇത്തരം വിപണി ഒരുക്കുവാനാണ് തീരുമാനം. ഷോപ്പിൽ
നിന്ന് ലഭിക്കുന്ന വരുമാനം കോതമംഗലം താലൂക്ക് ആശുപത്രിയിലെ രോഗികൾക്ക് ഭക്ഷണം കൊടുക്കാനാണ് വിനിയോഗിക്കുന്നത്.മിതവ്യയത്തിന്റെ ആവശ്യകത മനസ്സിലാക്കി ആർഭാടവും ധൂർത്തും ഒഴിവാക്കി ജീവിക്കുവാൻ വിദ്യാർത്ഥികളെ പ്രേരിപ്പിക്കുകയാണ് സ്വാപ്പ് ഷോപ്പിന്റെ ലക്ഷ്യം.
സ്കൂൾ മാനേജർ ജോർജ് കൂർപ്പിള്ളി അധ്യക്ഷത വഹിച്ച ചടങ്ങിൽ ഹെഡ്മിസ്ട്രസ് ബിന്ദു വർഗീസ് സ്വാഗതം ആശംസിച്ചു. പ്രിൻസിപ്പൽ റവ.ഫാ പി ഒ പൗലോസ് ,
പി ടി എ പ്രസിഡൻറ് സനീഷ് പി എസ് , സീഡ് അംഗമായ കുമാരി ഋതിക ഷിനോജ് ,സുനിൽ ഏലിയാസ് , ആര്യ എ പി , ബിന്ദു എം പി ,
സീഡ് കോ ഓർഡിനേറ്റർ ഷെല്ലി പീറ്റർ എന്നിവർ നേതൃത്വം നൽകി.

You May Also Like

ACCIDENT

കോതമംഗലം: കോതമംഗലത്ത് സ്കൂൾ വിദ്യാർത്ഥിയെ തോട്ടിൽ മരിച്ചനിലയിൽ കണ്ടെത്തി. കള്ളാട് കീഴേത്തുകുടി ബിനോജിൻ്റെ മകൻ അഭിമന്യു (12) വിനെയാണ് സ്കൂളിൽ നിന്ന് വിട്ടിലേക്ക് പോകുന്ന വഴിയിലുള്ള ചെറിയ കൈ തോട്ടിൽ മരിച്ചനിലയിൽ കണ്ടെത്തിയത്....

NEWS

കോതമംഗലം : കവളങ്ങാട്, കുട്ടമ്പുഴ പഞ്ചായത്തുകളിൽ വന്യ മൃഗ ശല്യവുമായി ബന്ധപ്പെട്ട് 18.5 കിലോമീറ്റർ ദൂരം സോളാർ ഫെൻസിങ് സ്ഥാപിക്കുന്നതിനായി 73 ലക്ഷം രൂപ അനുവദിച്ചതായി ആന്റണി ജോൺ എം എൽ ആ...

NEWS

കോതമംഗലം: നഗരസഭക്കു കീഴിലുള്ള പൂട്ടിക്കിടക്കുന്ന മുനിസിപ്പൽ ലൈബ്രറികൾ ഉടൻ തുറന്ന് പ്രവർത്തിക്കണം എന്ന് ആവശ്യപ്പെട്ടുകൊണ്ട് യൂത്ത് കോൺഗ്രസ്സ് കോതമംഗലം നിയോജകമണ്ഡലം കമ്മറ്റിയുടെ നേതൃത്വത്തിൽ മുൻസിപ്പൽ ഓഫിസിന് മുന്നിൽ പുസ്തകങ്ങൾ വായിച്ച് പ്രതിഷേധിച്ചു. നിയോജകമണ്ഡലം...

NEWS

പോത്താനിക്കാട്: പൈങ്ങോട്ടൂര്‍ കാവുംപാറ – പിട്ടാപ്പിള്ളിക്കവല റോഡിലെ ദുര്‍ബലമായ ചെക്ഡാമും പാര്‍ശ്വഭിത്തിയും പുനര്‍നിര്‍മിക്കണമെന്ന് നാട്ടുകാര്‍ ആവശ്യപ്പെട്ടു. ആറു പതിറ്റാണ്ടുകള്‍ക്ക് മുമ്പ് പൈങ്ങോട്ടൂര്‍ തോടിനു കുറുകെ നിര്‍മിച്ച ചെക്ക് ഡാമാണിത്. വേനല്‍ കാലത്ത് വെള്ളം...