സ്‌കൂൾ, കോളേജ് വാഹനപരിശോധന ; 134 വാഹനങ്ങൾ പരിശോധനയ്ക്ക് വിധേയമാക്കിൽ തിൽ 14 എണ്ണത്തിന് ഫിറ്റ്നസ് ലഭിച്ചില്ല

കോതമംഗലം:  കോതമംഗലം താലൂക്കിലെ  സ്‌കൂൾ, കോളേജുകളുടെ 134  വാഹനങ്ങൾ പരിശോധനയ്ക്ക് വിധേയമാക്കിൽ തിൽ 14 എണ്ണത്തിന് ഫിറ്റ്നസ് ലഭിച്ചില്ല. മോട്ടോർ വാഹന വകുപ്പ് നടത്തിയ  പ്രീ മൺസൂൺ പരിശോധനയിൽ വിജയിച്ച വാഹനങ്ങളില്‍ സുരഷാ സ്റ്റിക്കര്‍ പതിപ്പിച്ചു.ഈ സ്റ്റിക്കര്‍ ഇല്ലാത്ത സ്കൂൾ, കോളേജ് വാഹനങ്ങള്‍ക്ക് സര്‍വ്വീസ് നടത്താനാകില്ല. സ്പീഡ് ഗവർണറുകൾ ശരിയായി പ്രവർത്തിക്കാത്തതും വി എൽ ടി എസ് പ്രവർത്തനക്ഷമം അല്ലാത്തതും ബ്രേക്ക് സിസ്റ്റം കാര്യക്ഷമം അല്ലാത്തതുമായ  സാങ്കേതിക തകരാറുകൾ കണ്ടെത്തിയ 14 വാഹനങ്ങൾക്കാണ് തൽക്കാലം ഫിറ്റ്നസ് നിഷേധിച്ചത്. ഈ വാഹനങ്ങുടെ

അപാകതകള്‍ പരിഹരിക്കാന്‍ 31 വരെ  സമയം അനുവദിച്ചു.

ജോയിന്റ് ആര്‍ടിഒ സലിം വിജയകുമാര്‍,എംവിഐ മാരായ ബെന്നി വര്‍ഗീസ്,കെ.വി.റെജിമോന്‍,എ.എം.വി.ഐ.മാരായ കെ.കെ.എല്‍ദോസ്,എം.കെ.മനോജ്കുമാര്‍,റ്റി.ആര്‍.സുനല്‍കുമാര്‍,എന്നിവരാണ് പരിശോധനാ സംഘത്തിലുണ്ടായിരുന്നത്.സ്‌കൂള്‍ അധികൃതര്‍ വിദ്യാവാഹന്‍ ആപ്പില്‍ വാഹനങ്ങള്‍ രജിസ്റ്റര്‍ ചെയ്തിട്ടുണ്ടെന്നും അധികൃതര്‍ ഉറപ്പുവരുത്തി.വാഹനത്തിലെ ഡ്രൈവറും അറ്റന്ററും മോട്ടോര്‍ വാഹനവകുപ്പിന്റെ പരിശീലന ക്ലാസില്‍ പങ്കെടുത്ത് സര്‍ട്ടിഫിക്കറ്റ് നേടണം.ഈ സര്‍ട്ടിഫിക്കറ്റ് ഇല്ലാത്തവരെ വാഹനങ്ങളില്‍ നിയോഗിക്കരുതെന്ന് സ്ഥാപനമേധാവികള്‍ക്ക് കര്‍ശന നിര്‍ദേശം നല്‍കിയിട്ടുണ്ട്.കോതമംഗലത്തെ പരിശീലന ക്ലാസ്  25 ന് രാവിലെ 10 മുതൽ ഉച്ചക്ക് ഒന്ന് വരെ    എം.എ.കോളേജ് ഓഡിറ്റോറിയത്തില്‍ നടക്കും.കുട്ടികളെ കയറ്റുന്ന വാഹനങ്ങളുടെ സര്‍വ്വീസുമായി ബന്ധപ്പെട്ട് നാല്പതോളം നിര്‍ദേശങ്ങള്‍ മോട്ടോര്‍ വാഹനവകുപ്പ് സ്ഥാപനമേധാവികള്‍ക്ക് നല്‍കിയിട്ടുണ്ട്.ഇവ പാലിക്കുന്നില്ലെന്ന് കണ്ടെത്തിയാല്‍ നടപടിയുണ്ടാകും.