കോതമംഗലം: ഐ.എൻ.റ്റി.യു.സി യിൽ സ്വന്തം വ്യക്തിത്വത്തിലൂടെ വളർന്ന് വരുന്നവരാണ് യഥാർത്ഥ നേതാക്കളെന്ന് ഐ.എൻ.റ്റി.യു.സി അഖിലേന്ത്യ ഓർഗനൈസറും, എറണാകുളം
ജില്ലാ പ്രസിഡന്റുമായ കെ.കെ. ഇബ്രാഹിം കുട്ടി അഭിപ്രായപ്പെട്ടു.
അന്തരിച്ച ട്രേഡ് യൂണിയൻ പ്രവർത്തകനും, കോൺഗ്രസ് ബ്ലോക്ക് ജനറൽ സെക്രട്ടറിയുമായിരുന്ന റോയി കേ പോൾ അനുസ്മരണ സമ്മേളനം കോൺഗ്രസ് ഹാളിൽ ഉദ്ഘാടനം ചെയ്ത് സംസാരിക്കുകയായിരുന്നു .
ട്രേഡ് യൂണിയൻ രംഗത്തും, പാർട്ടി പ്രവർത്തനങ്ങളിലും കോതമംഗലത്തെ നിറസാന്നിധ്യമായിരുന്നു റോയി കെ. പോൾ. ആത്മാർത്ഥത നിറഞ്ഞ പ്രവർത്തനമായിരുന്നു അകാലത്തിൽ അന്തരിച്ച റോയി കെ. പോൾ എന്നും ഇബ്രാഹിംകുട്ടി പറഞ്ഞു.
റീജിയണൽ പ്രസിഡന്റും, ഡി.സി.സി ജനറൽ സെക്രട്ടറിയുമായ അബു മൈതീൻ അദ്യക്ഷത വഹിച്ചു. എ.ജി. ജോർജ്ജ്, എബി എബ്രാഹം, ബാബു ഏലിയാസ്, പി.എ.എം ബഷീർ,പി.സി. ജോർജ്ജ്, സീതി മുഹമ്മദ്, ചന്ദ്രലേഖ ശശിധരൻ, ഡേവിഡ് തോപ്പി ലാൻ, കെ.ഇ. കാസിം, ജെയിംസ് കോറമ്പേൽ, പരീത് പട്ടമ്മാവുടി, വിൽസൺ സി. തോമസ്, അനൂപ് കാസിം, മൈതീൻ കോട്ടപ്പടി, പ്രഹ്ളാദൻ കുട്ടമ്പുഴ, സുരേഷ് ആലപ്പാട്ട്, വിൽസൺ പിണ്ടിമന, ജിജോ കവളങ്ങാട്, ശശി കുഞ്ഞുമോൻ, പഞ്ചായത്ത് പ്രസിഡന്റുമാരായ, ജെസ്സി സാജു, കാന്തി വെള്ളകൈയ്യം എന്നിവർ പ്രസംഗിച്ചു.
