കോതമംഗലം: കോതമംഗലത്ത് തങ്കളം – കാക്കനാട് ദേശീയപാതയിൽ വാഹനാപകടം. രണ്ട് യുവാക്കൾക്ക് ദാരുണാന്ത്യം. കോട്ടപ്പടി സ്വദേശികളായ അഭിരാമൻ (21), ആൽബിൻ (21) എന്നിവരാണ് ഇവർ സഞ്ചരിച്ചിരുന്ന ബൈക്ക് അശോക് ലൈലാൻ്റിൻ്റെ പിന്നിലിടിച്ച് മരിച്ചത്. രാത്രി പത്ത് മണിയോടെയാണ് അപകടം നടന്നത്.
![](https://i0.wp.com/kothamangalamnews.com/wp-content/uploads/2024/07/alfalah.jpeg?resize=600%2C750&ssl=1)
ഇടിയുടെ ആഘാതതിൽ ബൈക്കിൻ്റെ മുൻഭാഗം തകർന്നു. പരിക്കേറ്റവരെ കോതമംഗലം ബസേലിയോസ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഇവരുടെ മൃതദേഹം മോർച്ചറിയിലേക്ക് മാറ്റി. പണി പൂർത്തിയാകാതെ കിടക്കുന്ന തങ്കളം – കാക്കനാട് നാലുവരിപ്പാതയിൽ വഴിവിളക്കുകൾ ഇല്ലാത്തത് അപകടങ്ങൾക്ക് കാരണമാകുമെന്ന് നേരത്തെ പരാതി ഉയർന്നിരുന്നു.
![](https://kothamangalamnews.com/wp-content/uploads/2023/11/kothamangalamnews.png)